(تره ما راح تنقصون او تموتون اذا صوتو 😒😒😒😒😒😒😒😒😒😒😒صوتو عاد )
مريم. رحت اني و زهراء نمشي وصعدت على
الدرج واني لحكتهه لحد ما وصلنه للطابق
الثاني واخذتني على غرفتي وكالت:
"هاي غرفتج ارتاحي اكيد تعبانه"
مريم
"وانتي هم روحي ارتاحي"
زهراء.
"اي ولله كلش تعبانه واحس جسمي كله
يوجعني بس مادري شلون راح انام هاي
اول يوم بيتنه مابي محمد 🥺🥺"
مريم.
"زهراء حبيبتي لاتضلين زعلانه بلعكس
ادعيله بلرحمه والقاء بلجنه انشاء الله"
زهراء
"انشاء الله حبيبتي اني اروح انتي ارتاحي"
مريم
"تمام حبيبتي اخذي راحتج ☺️"
زهراء
"تصبحين على خير"
مريم
"وانتي بخير حبيبتي"
مريم. طلعت زهراء وسدت الباب وراهه
واني بقيت بلغرفه واباوع على كل شي
بيهه وكمت افتر بيهه جان اوكف كدام
المرايه يعني ميز وبي مرايه ومحطوط
عليه هواي عطور وشغلات يعني ماعرفت
نصهه بس جانت العطور رجاليه اني استغربت
وكلت لنفسي:
'شلون غرفت بنيه بيهه عطور رجاليه؟!'
عفت العطور ورحت كعدت على الجرباية
وفتحت شالي ورميته عليهه وبعدين تمددت
لان جنت كلش تعبانه اووووف شوكت اخلص
جان اغمض عيوني وماحس اله رايحه ب
سابع نومه
_____________________
علي…
تعبت من التفرفر بلبستان جان اكول ل منتظر:
"منتظر خويه خلنه نرد البيت اني تعبت"
"يلاا شيخ امشينه"
رجعنه اني و منتظر للبيت هوه راح لغرفته
واني صعدت فوك لغرفتي حتى ارتاح شويه
فتحت الباب جان اشوفهه جانت نايمه على
جربايتي ومالابسه شالهه جانت حلوه كلش
بدون الشال بس هم جانت حلوه بلشال ف
دخلت على كيف حتى ما اكعدهه خطيه مبينه
تعبانه
ما نمت يمه على الجرباية لان ماريد اتقربلهه
ابداً فرحت نمت على الكرويته بس بلكوه
…
كعدت الصبح واصلاً ما نمت غير يمكن شويه
ماجاني نوم ابد فكمت ورحت توضيت وصليت
الفجر وبعدين رجعت للغرفه جان الكه فصليتي
ماكو تجمدت بمكاني كلت يمكن انهزمت فرحت
اركض ونزلت ادور عليهه بس فززتني من لكيتهه
يم المغسله دا تتوضه ف تنهدت براحه لان
توقعي جان غلط وما انهزمت فرجعت للغرفه
قبل ما تشوفني وكعدت انتظرهه تجي لان
اريد احجي وياها فكعدت على الجرباية وسكتت
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
