(يمكن راح الغي مواعيد. النشر لان هواي دا اكتب شنو رأيكم الغيهه لو لا 🤔🤔كلولي)
شيخ علي....
يابه والله مادري شلون كضت هاي السنه يعني غمض فتح لكينه السنه طلعت حتى ملحكت اكعدلي شويه كله شغل وفصول وكعدات ومن هذا الحجي وفوكاها بلكوه خلصنا من سالفه سعاد وبنته وخلصت منهن ومن طردتهن بعد ما شفت وجهن وهم زين هذا الشي احسن لان مو طايقهن نهائياً
وره ذيج السالفه صارت هواي سوالف بينه وبين عمي وراد يقسمنه بلبيت وياخذ نصه واني مارضيت ونطيته فلوس ياخذ بيهن بيت ونخلص منه هوه ومرته وبنته الحيايه بس منتظر بقه عايش ويانه ومثل اخونه واعز وصار هوه اديه ورجليه بغيابي وكمت وين ما اروح اخذه وياي هاي غير المهام الي الوكله بيهن ويرفع راسي دائماً
وامي بعد. ما طلعت لغرفتي وره ذيج السالفه ثاني يوم كبل جت تتوسل بيه ارجعهم وما عافتني بحالي أبداً لحد ما اجه عمي سوه سالفته يلاا كالت بعد مالي علاقه بيك وصدك بعد. ما حاجتني بلسالفه ومر الوكت وهاي اني اليوم واكف بره ويه اهلي
دا نودع ب محمد لان راح يروح ل بغداد بعد عناء طويل وشهور جثيره وتوسلات بيه بس اكثر شي توسل بمي لان ما رضت اله بلكوه اني قنعتهه وهسه هاي هيه واكفه ومبوزه مارادت محمد يروح بس شتسوي بعد ما تكدر تزعله بما انو هوه الصغير وقبل ما يشغل السياره كالت:
"يمه محمد دير بالك على روحك ولا تروح غير بيت صديقك اي يمه"
محمد.
"صار يمه بعد اكو شي ثاني"
"اي يمه اكل زين بعد. امك ونام بوكت"
علي.
"يمه ليش تحسسيني انو محمد طفل تره عمره23سنه يعني مو مال هاي التواصي"
محمد. "اي والله يمه تره اني مو طفل حبيبتي انتي"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(اني تره نسيت انطيكم وصف ل محمد هذه هوه 😂ليش مذكرتوني عابتلكم 😂😂)
"يمه كلبي ما ينطيني تبعد. عني يبعد امك انته لو تجاوش فكرك وتغيره"
