علي.. خلصو الجماعه غداهم ولمينه الصياني وديناهن
اني والولد للبيت بس ما فتنه انطيناهن ل زهراء
من بره ورجعنه كعدنه يم المعازيم وظلينه نحجي
على المرحوم ومنهه حجينه على الفصل الي جان
لازم اروحله البارحه بس ماقدر واجلو وكالو نريد
نحدد موعد للكعده مالت الفصل جان اكلهم:
"بما انو المرحوم مات البارحه ف احتراماً اله
راح أأجلكم بس لبين ما يمرن السبع ايام و
بعدين نفصل بليوم الثامن شكولكم"
الزلمه
"هاي هيه شيخ على راحتك"
علي.
"تسلم خوي ونشاءالله افضلكم الفصل بجم
حجايه خلوهه يمي"
الزلمه.
"شيخ احنه متوكلين عليك ماحاجه تكللنه"
علي
"ياغالي"
علي.. مر الوقت وصارت الساعه تلاثه العصر
وكامت العالم تمشي شويه شويه لحد ما مشو
كلهم سلمت عليهم وبعدين قبل ما اروح للبيت
كلت للولد ينظفون المكان جان امشي ورحت
دخلت للبيت وكبل بوجهي على غرفتي صعدت
على الدرج توني وصلت نصه جان تصيح بيه
امي:
"يمه علي تعال عندي حجايه وياك"
"صار شيخه جيتج"
نزلت جان الحكهه لغرفتهه فاتت وفتت اني وراهه
جان تكعد على الطرف مال الجرباية واني هم
كعدت وياهه جان اكول:
"احجي شيخه شكو"
الشيخة.
"يمه علي هاي فصليتك لازم تعقد وياهه لان
مايصير تقرب عليهه وانته ما متزوجهه"
علي
"اي شيخه هوه هيج اني قبلج كلت وكتلهه
تحضر نفسهه اليوم نروح نعقد بلمحكمه"
الشيخة.
"اي يمه زين تسوي لعد روح ارتاح قبل ما
تروحون"
علي
"صار شيخه محتاجه شي"
الشيخة
"لا يمه سلامتك ماريد شي"
علي
"زين لعد اني اروح ارتاح"
الشيخة
"روح يمه"
علي. توني كمت بعدني ما خطيت جان اسمع
امي:
"يمه علي لعد فصليتك شسمهه اني لحد هسه
ما اعرفه"
علي
"هههه اسمهه مريم يمه"
الشيخة
"حلو بس والله خوش بنيه وحلوه وحبابه لا
ونوب نادره كلشي تشتغل"
علي
"اي يمه لعد عبالج فصليتي مو شلون ماجان"
الشيخة
"ههه اويلي منك دمشي روح ارتاح شويه يلا"
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
