(ملاحظه: تره زر التصويت ما يعض 😂😂)
مريم.. عفته ورحت نمت وهوه طلع بره الغرفه
شويه و غفيت.
علي …
طلعت من الغرفه ونزلت جوه و رحت على
المطبخ شربت مي وبعدين طلعت بره اريد
اتمشه بلحديقه لان جنت مختنك و حزين
على اخوي بيوم وليله راح من عدنه بس
لازم ما اضعف واقاوم حزني علمود امي و
زهوره اذا اني اضعف لعد هنه شيصير. بيهن
ووووو.... وضليت اتمشه لحد ما كعدت امي
و زهراء بس مريم لحد. هسه مكعدت اني
استغربت وكلت خل اروح اشوفهه ليش مكعدت
بس كلت لا مايصير اعوف العالم كاعده و
اروح لان الناس بدت تلتم يمنه و النسوان هم
وهيه نايمه وكلت خل اكول ل زهراء هيه تشوفهه
جان اصيحهه وكلتلهه:
"زهراء روحي اكعدي مريم خل تساعدكم"
زهراء
"كعدت من زمان واصلاً مخلتني اشتغل شي
بس هيه دا تشتغل"
علي.
"اشو لعد مشفتهه وين كاعده"
زهراء.
"بلمطبخ ما طلعت منه واي شي تحتاجه
تكلي واني اجيبه الهه وما طلعت"
علي.
"زين لعد روحي انتي وساعديهه و حضرن
الغده تره ماضل وكت"
زهراء.
"شيخ مابقه شي ونخلص لان مريم كلش
سريعة ماشاء الله"
علي.
"خوش يلا روحي"
زهراء.
"زين"
علي.. عجيب هاي شوكت كعدت لا ونوب
محضره الغدة واني مادري بيهه والله هاي
البنيه كويه 😂... ضليت اسولف ويه روحي
شويه جان يجيني منتظر ويكول:
"شيخ العالم التمت وتريد تعزيك تعال"
علي.
"اي اجيت"
رحت وكفت يم العالم وكل شويه واحد جاي
و من هاي سوالف التعازي لحد ما التمو كلهم
وتقريباً صارو بل 500واحد خوش احسن من
البارحه جانو2000شخص وضلينه كاعدين
ونحجي لحد ما صار وكت الغده جان اكوم
واكول:
"منتظر امشي وياي خل نوالم الكعده"
منتظر.
"صار شيخ وراك"
رحنه على البيت جان اصيح ب زهراء:
"زهراء خلصتو الغده تره ماضل وكت عيب"
زهراء.
"اي مريم دا تصب هسه خلصت هيه وخالاتي"
علي
"خوش يلاا لعد جيبو"
زهراء
"صار بس خل منتظر يجي وياي حته يجيبهن"
منتظر
"اي جيتج"
أنت تقرأ
تركوني ورحت فصليه 😞
General Fictionقصه تحجي عن بنيه تعيش مع اهلهه وجانو مدللينهه كلش وما يرفضولهه طلب بس شوفو شسوت بيهه الايام ... . تابعو اذا كنتو مهتمين تعرفون شنو راح يصير بيهه وملاحظه اني راح احجي بلهجتي العراقيه بيهه بقلمـيـﮯ آنيـﮯ: مـريـﮯمـ آل عدنآن 🥰🥰
