ကျောက်စိမ်းပင်လယ်ကမ်းစပ်ရှိကျောက်ဆောင်တစ်ခုပေါ်တွင် ပင်လယ်ကိုမျက်နှာမူလျက်မုဒ္ဒရပ်နေမိသည်။
ပင်လယ်ပြင်သည် လှိုင်းကြက်ခွပ်လေးများထလျက်
ညနေခင်းလေနုအေးလေးကလည်းတိုက်ခတ်နေ၏။
မကြာခင် နေဝင်ပြီးအမှောင်ကျတော့မည်။မုဒ္ဒ ဆည်းဆာချိန်ကိုအလွန်နှစ်သက်သည်။သို့သော်
သူဆည်းဆာကိုစောင့်မကြည့်ဖြစ်ခဲ့တာတော်တော်ကြာပြီ။
ကျောက်စိမ်းပင်လယ်၏ဆည်းဆာချိန်ကား ပန်းချီကားတစ်ချပ်သဖွယ်။ရွှေရောင်လဲ့လဲ့နေခြည်က လှိုင်းကြက်ခွပ်လေးများထနေသောရေပြင်စိမ်းစိမ်းပေါ်
လွှမ်းခြုံထားသည်။ရေပြင်သည် စိမ်းဝါရောင်တောက်လက်နေပြီး လှိုင်းတစ်ချက်ထလိုက်တိုင်း ရွှေမှုန်တွေ
ကြဲလိုက်သလို လက်ခနဲ တောက်ပသွား၏။ပင်လယ်ပျော်ငှက်တွေကလည်းအိပ်တန်းပြန်ခါနီး အချင်းချင်း
နှုတ်ဆက်သောအားဖြင့် သာယာတီတာသံတို့
မြည်ကြွေးနေကြသည်။ဝါရဲရဲကောင်းကင်ထက်က
ပျားရည်ဆမ်းသောဝါဂွမ်းတွေလိုတိမ်မျှင်တိမ်လိပ်တွေ
အောက်မှာ ရွှေချထားသလိုဝါလဲ့နေသည့်အုန်းပင်
လမုပင်တွေက ညင်သာယိမ်းနွဲ့နေကြသည်။သောင်ပြင်သဲဖြူဝါဝါတို့မှာလည်း ရွှေရောင်ရင့်ရင့်သို့ပြောင်းနေကြလျက်။ပတ်ဝန်းကျင်တစ်ခုလုံးကို ရွှေရည်လောင်းထားသလိုပင်။
မြူ ကမ်းစပ်မှာခရုခွံတွေကောက်နေရင်း ကျောက်ဆောင်တစ်ခုပေါ်က သဏ္ဍာန်တစ်ခုကို
သတိထားမိသည်။ထိုသဏ္ဍာန်၏ဆွဲငင်မှုကြောင့် ခရုခွံလေးများကိုဘောင်းဘီအိတ်ကပ်ထဲထည့်ရင်း
ကျောက်ဆောင်အနားတိုးကပ်သွားမိ၏။
မုဒ္ဒ နီးကပ်လာသောခြေသံဖွဖွလေးကိုကြားရခိုက်ဝယ်
ရင်ခုန်သံတို့စည်းချက်မညီတော့ပေ။အရှင်........
မုဒ္ဒရဲ့အရှင်။အရှင်သည် သူ့နောက်ကျောနှင့်အနီးဆုံးသို့
ရောက်နေပြီ။
မုဒ္ဒ လှည့်ကြည့်လိုက်တော့ လူဝင်စားရေသူအရှင်လေးက ကျောက်ဆောင်ပေါ်ခြေထောက်ကလေးမြှောက်လျက်တက်မည်ပြုနေ၍ သွားရောက်ပွေ့ချီလိုက်သည်။
စွေ့ခနဲပါလာသောကိုယ်လုံးအိအိလေးနှင့်အတူ
မြူ့မျက်လုံးလေးများဝိုင်းစက်သွား၏။မြူ့ကိုလာချီသူ
ကိုကြည့်လိုက်တော့ နေရောင်လွှမ်းနေသည့်
ငွေရောင်မျက်ဝန်းတွေကိုအရင်တွေ့ရသည်။မြူ တအံ့တသြငေးစိုက်ကြည့်မိသွား၏။အတန်ကြာမှ.....
YOU ARE READING
ကျောက်စိမ်းပင်လယ်မှမြူခိုးပုံပြင်
خيال (فانتازيا)မြူခိုးတွေမှိုင်းဝေနေတဲ့နေ့မှာမွေးဖွားလာတဲ့ ရေသူတိုင်းပြည်ရဲ့မင်းသားလေး မြူခိုးမှိုင်း ကျောက်စိမ်းပင်လယ်ရဲ့မြူခိုးလေးလို့တောင် တင်စားကြတဲ့မင်းသားလေးဟာ ရေသူတွေ ကျောက်စိမ်းပင်လယ်ကြီးကိုအုပ်စိုးနိုင်အောင် လုပ်ပေးခဲ့တဲ့သူလည်းဖြစ်တယ် ကျောက်စိမ်းပင်လယ်တစ်...
