Edited ✔️
အပိုင်း(၈)
ဘယ်သူမှမဟုတ်ဘူး..ကိုယ်ပါ။"စန်းသခင်လေး.." ကျီချန်ဖုန်းက မြေပြင်ပေါ်ရှိ သွေးများကို မြင်သောအခါ မျက်မှောင်ကြုတ်လျက်ကျွန်တော့်ဆီသို့လျှောက်လာသည်။
သူထွက်သွားတော့မယ်ဆိုတာ မမျှော်လင့်ထားတဲ့ခွေးက တစွေ့စွေ့ခုန်နေပြီးကျယ်လောင်စွာဟောင်ရုံတင်မကဘဲ သူ့ခြေထောက်တွေကိုခပ်တင်းတင်းဖက်ထားတော့သည်။
ကျီချန်ဖုန်းကကောက်ပွေ့ပေးလိုက်ရုံကလွဲ၍ရွေးချယ်စရာမရှိတော့ပေ။
တစ်ကယ့်ကိုသောက်မြင်ကပ်စရာကောင်းတဲ့ခွေးမသား။
ထိုသူရဲ့လက်နှစ်ဖက်မှာလဲလျောင်းနေတဲ့ ခွေးနက်လေးကိုငုံ့ကြည့်လိုက်တော့ အရမ်းသက်တောင့်သက်သာရှိပုံရနေသည်။ကြည့်ရင်းကြည့်ရင်း လျှော်ကြိုးနဲ့ချည်ပြီး အကြိမ်တစ်ရာလောက် မီးတောင်ထဲကို ပစ်ချချင်စိတ်များပင်တစ်ဖွားဖွားပေါ်လာတော့၏။
"ဒီမှာ ဒီမှာ !!!
လက်အိတ်တွေ ယူလာပြီ..."လက်အိတ်ယူလာသည့် သူနာပြုဆရာမသည် ဤမြင်ကွင်းကို မြင်လိုက်ရသဖြင့် အနည်းငယ် အံ့အားသင့်သွားသည်။
"သူက ဆေးရုံကမွေးစားထားတဲ့ခွေးလေးပါ။နည်းနည်း လူမယဥ်ပဲဒေါသကြီးပေမယ့် ဒေါက်တာကျီကိုတော့တကယ်သဘောကျရှာတယ်လို့ပြောရမယ်... ဒေါက်တာကျီက တိရစ္ဆာန်အားလုံးကို အိပ်ဆေးချပေးသလိုပဲ။သူနဲ့ဆို အကုန်ငြိမ်သွားရော။ "
"ဒေါက်တာကျီ၊တစ်ယောက်တည်းအဆင်ပြေရဲ့လားဟင်၊ကျွန်မနေပေးဖို့ရောလိုသေးလား"
ထိုသူကကုလားထိုင်ကိုဆွဲယူပြီးရှေ့တည့်တည့်၌ထိုင်ချလိုက်ကာ သူမအားခွေးကိုပေးလိုက်ပြီး ဆေးသေတ္တာထဲက ဂွမ်းစုတ်၊ ပိတ်စ နှင့်ဆေးများကို ထုတ်ယူလိုက်သည်။
ထို့နောက် ခေါင်းတောင်မော့မကြည့်ဘဲ
"မလိုပါဘူး မင်းသွားလို့ရပြီ" လို့အေးဆေးစွာပင်ပြောလိုက်သည်။
သူနာပြုဆရာမလေးသည် စိတ်ပျက်လက်ပျက်ဖြင့် "အိုး-ဟုတ်" ဟု ပြောလျက်တံခါးဖွင့်ကာရုံးခန်းမှထွက်သွားခဲ့သည်။
![](https://img.wattpad.com/cover/368747295-288-k346557.jpg)
YOU ARE READING
တစ်ကိုယ်ကောင်းဆန်သော ဗီဇ《 ဘာသာပြန် 》一念之私 The Selfish Gene
Romanceစာရေးသူ Hui Nan Que ၏ The Selfish Gene အားမြန်မာဘာသာပြန်ထားခြင်းဖြစ်ပါသည်။ English Name : The Selfish Gene [一念之私] Status in COO : 74 Chapters + Extras • လူယုတ်မာဟုယူဆခံရသူတစ်ဦးသည် တစ်စုံတစ်ဦးကို ချစ်တတ်သွားသောအခါ၊ ထို...