Edited ✔️
အပိုင်း(၁၆)
ရွှံ့နွံထဲမှာကြီးပြင်းခဲ့ရသောငန်းဖြူလေးတစ်ကောင်။စားပွဲပုပုလေးသည်လူနှစ်ယောက်လောက်သာထိုင်နိုင်ပြီးသုံးယောက်ကနည်းနည်းများလွန်းသဖြင့်ဟင်းပန်းကန်လုံး လေးလုံးနှင့်တင်ပြည့်ကျပ်နေပြီး၊ထမင်းပန်းကန်ကိုတော့ လက်ထဲတွင်သာကိုင်ထားနိုင်လေ၏။
ဟင်းလေးမျိုးထဲတွင်ယန်ရှန့်ဟွားကိုယ်တိုင်အပြင်ထွက်ဝယ်ခဲ့သောကြက်ကင်နဲ့အမဲငံပြာရည်ပါဝင်ပြီးကျန်တဲ့ဟင်းပွဲနှစ်ခုကတော့သူမကိုယ်တိုင်လတ်လတ်ဆတ်ဆတ်ချက်ပြုတ်ထားတဲ့အိမ်ချက်ဟင်းလျာတွေဖြစ်သည်။
ကျွန်တော်သာရုတ်တရတ်ရောက်မလာခဲ့ရင်တော့ အနှီအိမ်ချက်ဟင်းလျာတွေဖြစ်သည့်သခွားသီးကြော်နဲ့ငါးကြော်ကဒီညသူတို့၏ညစာဖြစ်ပုံပင်။
တကယ်ကိုစုတ်ချာလွန်းသည်။
ဒီအိမ်ထဲကိုစဝင်လာကတည်းကကြည့်မိသည့်နေရာအားလုံးကညစ်ထေးနေပြီးသံတံခါးပျက်ကြီးမှအစစားပွဲခုံအဆုံးစုတ်ပြတ်သတ်နေလွန်းလှသည်။ထမင်းစားတူများကလည်းအမျိုးအမည်မသိအရောင်များပေနေလျက်၊ထမင်းပန်းကန်လုံးမှာလည်းအနားသတ်ကကွဲနေသေးသည်။
အားသာချက်ဟုခေါ်နိုင်သည့်တစ်ခုတည်းသောအရာမှာ“တိတ်ဆိတ်ခြင်း”သာဖြစ်ကောင်းဖြစ်နိုင်၏။ညအမှောင်ဝင်ကာမိုးချုပ်လာသည်နှင့်အမျှငှက်ငယ်လေးများသည်၎င်းတို့၏အသိုက်ဆီသို့ ပြန်သွားကြကာ၊ပျက်စီးယိုယွင်းနေသောဤကျူးကျော်ရပ်ကွက်လေးသည်လည်း၎င်း၏နောက်ဆုံးအသက်ဝင်မှုပျောက်ဆုံးသွားကာပန်းကန်ခွက်ယောက်များအချင်းချင်းပွန်းတိုက်သံများနှင့် နံရံပေါ်ရှိနာရီသံများမှတစ်ပါး အခြားသောလှုပ်ရှားမှုဟူ၍မရှိတော့ပေ။မြို့လည်ခေါင်၌ကြားရလေ့ရှိသောကားသံများကိုလည်း မကြားရပဲအေးဆေးတိတ်ဆိတ်လွန်းလှသည်။
"ရှောင်-စန်းသခင်လေး၊ထည့်စားပါအုံး။
များများစားနော်။" ဟုဆိုကာကြက်ကင်တစ်တုံးအားကျွန်တော့်ပန်းကန်ထဲထည့်ပေးလာ၏။
YOU ARE READING
တစ်ကိုယ်ကောင်းဆန်သော ဗီဇ《 ဘာသာပြန် 》一念之私 The Selfish Gene
Romanceစာရေးသူ Hui Nan Que ၏ The Selfish Gene အားမြန်မာဘာသာပြန်ထားခြင်းဖြစ်ပါသည်။ English Name : The Selfish Gene [一念之私] Status in COO : 74 Chapters + Extras • လူယုတ်မာဟုယူဆခံရသူတစ်ဦးသည် တစ်စုံတစ်ဦးကို ချစ်တတ်သွားသောအခါ၊ ထို...