နားထဲစီးဝင်လာတဲ့ ဆောင်ဟွန်းဆီက အမေးတစ်ခု...
"မင်း အကိုဟီဆွန်းကို ကြိုက်နေတာလား" တဲ့
အမေးရှိရင်အဖြေရှိရတယ်။ ဒါပေမယ့် ဒီအခြေနေမှာ ဂျယ်ယွန်း ဘယ်အဖြေကိုပေးရမည်နည်း။ မလိမ်ဘဲ ရိုးသားစွာဖြေတဲ့အဖြေလား...ချစ်ရသောသူငယ်ချင်းပျော်ရွှင်ဖို့အတွက် မုသားသုံးပြီးဖြေတဲ့အဖြေလား...
"...."
"ယွန်း...ငါမေးနေတယ်လေ"
"....မကြိုက်ဘူး"
"ဘာ-"
"မကြိုက်ဘူးလို့ အကိုဟီဆွန်းကို"
*ဟုတ်တယ် ငါလိမ်ပြီးဖြေလိုက်တာမှန်တယ်။ ဟွန်းကလည်း အကို့ကိုကြိုက်နေတာထင်တယ်..ငါ့အတွက်နဲ့ သူ့ကို စိတ်မရှုပ်စေချင်ဘူး။ ငါနောက်ဆုတ်တာ အကောင်းဆုံးပဲ""ဟုတ်လို့လား ရှင်းမ်ဂျယ်ယွန်း မင်းငါ့ကိုမလိမ်နဲ့"
"ဟုတ်တယ်လို့။ ငါကအကို့ကို ဒီတိုင်းစာတော်ပြီး သဘောကောင်းလို့ ခင်ချင်ရုံပဲ"
"အော်..."
အရှေ့ဆိုဖာပေါ်တွင် ရုပ်ရှင်ကို သဲကြီးမဲကြီးကြည့်နေတဲ့ ဂျယ်ယွန်းကတော့ အနောက်က ထခုန်မတက်ပျော်နေသည့် ဆောင်ဟွန်းကိို မြင်မည်မဟုတ်..။
မြင်ခဲ့လျှင်လည်း ဤပျော်ရွှင်မှုဟာ ဟီဆွန်းနဲ့မဆိုင်ဘဲ..ဂျယ်ယွန်းကိုမြတ်နိုးရသောကြောင့်သာ ဖြစ်ပေါ်လာသည့် ပျော်ရွှင်မှု၊ မိမိချစ်နှစ်သက်သူက ကိုယ်မဟုတ်သည့်သူကို မချစ်ကြောင်းပြောသောကြောင့် ဖြစ်ပေါ်လာသည့် ပျော်ရွှင်စရာခံစားချက် ဆိုသည်ကို သိပါလိမ့်မည်လား...
"ဆောင်ဟွန်းနား ငါ့ဘေးလာထိုင်ပါလား"
ငကြောက်လေးက သရဲကားကြည့်ပြီး ကြောက်နေသည်ထင်။ အသံကျယ်လာတိုင်းခန္ဒာကိုယ်လေး တုန်တုန်သွားကာ မျက်နှာကို ခေါင်းအုံးကြီးနဲ့ကာထားသည်။
"ဟားဟား ဘာလဲ...ကြောက်လို့လား။"
"မဟုတ်ပါဘူး ငါလား သရဲကြောက်မှာ...မင်းကြောက်နေမှာစိုးလို့ စေတနာနဲ့ခေါ်တာ"
YOU ARE READING
ယွန်း
Fanfictionငိုမိလောက်တဲ့အထိသဘောကျတယ်။ မင်းအမူအရာသေးသေးလေးကအစကိုယ်မြတ်နိုးတယ်။ ကိုယ်မဟုတ်တဲ့တစ်ခြားသူမင်းကိုပိုင်ဆိုင်သွားရင်ဘယ်လိုလုပ်မလဲ။ကိုယ်မပေးလိုက်နိုင်ဘူး။ကိုယ်သဘောထားမကြီးနိုင်ဘူး။ ချစ်လိုက်တာယွန်းရယ် ~