هاوية الغيهب

Part 2

الكاتبه دُره .

التعليق + التصويت .

كانوا يَـظنوا دائـماً بـأنني لا أتأثر بمـا
يحدُث و بأني الاقـسى قلباً ، وأقلهـم
أحساساً يـظنوا بي لا لـشيء ، إلا لأني
كُنت كتـوم ولا أشـكي فَحسب بينما
كُل مافي الأمر لا أُريد أن يُكشف حُزني
لأي أحـد .
ـــــــــــــــــــــــــــــــــــــ
ياقوت ...

وصلت البيتي وكعدت على اركبي ابجي بصوت عالي ...

ياقوت:لييش ولكم ليش اني بنيه هيج اتعوفوني ليش
والله متتت كافي

بقيت اكسر اي شي اشوفه كدامي لحد ما تعبت
ونمت ابجي واناشغ كعدت بـ 9 بليل اشوف البيت
عباره عن زجاج وفوضى كمت ولميت كلشي واديه
اشخطن مااهتميت اخذت شهادتي وماشتغلت بيها
لان محد راح يفرحلي عافوني بعمر مراهقه وحيده
لا شئ واتحملت اشياء اكبر من عمري .حمدت ربي
وكمت طلعت هاي اول مره اطلع بهيج وقت رحت
لشط قريب عليه كعدت وصافنه احس كلشي
يمشي على البطئ الناس تمشي بطئ والماي يتحرك
بطئ نزلن ادموعي وحطيت راسي وبجيت لحد
ما شفت مره فوك راسي ...

::What's wrong with you, my daughter?
(ماذا بك يا ابنتي ؟)

باوعت عليها وماجاوبت خليت وكمت سمعتها وراي ..

:شنو شبيها هاي طرشه

رجعتلها احجي ...

::انتي عراقيه خاله

:اي يمه

::اعذريني خاله عبالي من هذن النسوان الخبيثات

:لا يمه عادي عاذرتج بس اشبيج وليش هيج وقت
طالعه وين اهلج

ابتسمت بوجها ...

::خالتي مليت ابوحدي وكمت طلعت هاي شقتي بهاي
العماره

:ليش يمه وين اهلج

حجيت بغصه ..

::ميتين

اني ما جذبت من كلت ميتين لان همه بلفعل ميتين بالنسبه الي ...

:الله يرحمهم وكاعده بوحدج وين عمامج خوالج

::احنه من زمان مهجرين لذالك ما اعرفهم

:اي شي تحتاجين خاله تعاليلي هذا رقمي

اخذته منها وشكرتها ورحت بقيت اتمشى شفت مطعم
مفتوح رحت واخذت اكل واكلت وبقيت صافنه
بلفراغ شفت دخلوا ثنين سكرانين كمت ردت اطلع ...

واحد منهم كال ...

:Look at that beauty.
(انضر لتلك الجميله)

ردت اطلع وهمه واكفين اكبالي ...

:How about a night together?
(مارأيك بليله معا ؟)

بقيت انتفض ابمكاني ميته خوف كل ما اتعرض لهيج
موقف كلبي يوكف ...