هاوية الغيهب

Part 44

الكاتبة دُره .

التعليق +التصويت .

# هاوية الغيهب ...
======================
ريماس ...

كل شئ يعود كما كان حتى الحب يعود ،لكن ما بالك بالجروح كيف تشفى وتعود كما كانت قبل ..

لهيب يكسرني ويأذني واني الى هاي اللحضه ما مسامحته ومجاهلته صحيح مرات احن اله بس احاول اخفي كلشي ،كلبي ما جاي يتقبله بس لازم اتحمل كلشي على مود جهالي واني حاطه كلبي بأيدي احس راح يصير شي ،

الايام تمر وياقوت ماكو اختفائها صعب ومحد يعرف وينها ،عذاب علي جبير وهو يوميه يدور عليها ،يوميه يكلوله هي بهل مكان ويروح يركض ويدور وكلشي ماكو ،

طلعت من غرفتي ورحت لغرفته لكيتها كالعاده مفتوحه وعلى التلفزيون صوره لياقوت وهي تضحك وجها كلش حلو ،انتبهت على علي نايم وبحضنه اخر تشيرت نزعته ما قبل وحده تاخذه وبقه عنده ،كباله النفاضه المتروسه جكاير والقصيده كالعاده مشتغله بصوت ناصي ،جبت فراش وغطيته وهو فز باوع بعيوني وزفر النفس من ريته ...
علي:عبالي ياقوت

اموت واعيش الف مره من يكول هيج بس بالتالي ماكو خبر عنها غير الاختفاء وانها مخطوفه ،
الي زاد حيرتنه اكثر هو سجى واختفائها الجبير ما نعرف وين راحت وليش هيج اختفت حتى رافل هم طلع من السجن واختفى،

عفته بهمومه وطلعت لماريانه الي صافنه بالمرايه سديت الباب وراي ونزعت حجابي وكعدت متربعه على الجربايه ...
ريماس:شبيج من ازوجتي يمان وانتي بس اصفنين

هزت راسها وسكتت ...
ريماس:واحد كلج عليه اعرف الحجي من هزة الراس اكعدي يمي واحجيلي يمان يأذيج يضريج يضوجج

ماريانه:لا والله الولد معليه بيه

ريماس:ماريانه يمان تقربلج؟

مجرد حجيت هيج شهكت بالبجي ...
ماريانه:اااخ يا ريماس اخخ يا وجع كلبي

ريماس:شبيج خيه اسم الله عليج من الاخ،بس فهميني تقربلج ؟

ماريانه:لا

ريماس:ليش؟ هاي الفتره كلها ليش ما تقربلج ولج؟

ماريانه:ريماس انتي تدرين بحالتي وهو حقه ما يريد بنيه ناقصه لا شرف ولا اطفال شنو ذنبه اني شعندي وافققتتت

ريماس:لا خيه اتقي الله حرام هيج تحجين ،زين ما اطاج مبرر عن عدم تقربه

ماريانه:اني مو على الي ما تقربلي اصلا اضووج اذكر هذيج الليله بس اني على نفسي ولج ما احس بروحي بنيه مزوجه على الاقل يحجي وياي يضحك يسولف ولج بس كدامكم وهنا بالغرفه يلعب بالتلفون لو يدور بالغراض واني كأنما شئ من العدم ليشش؟ مو هو الي كال معليج بالناس وانتي شريفه ولج من الزمه مررهه سويتها بالغلط لان ردت اوكع ولزمت ايده ولج نفر مني وعاط بوجهيي يكلي ليش تلزميني حسيت روحي وصخه