هاوية الغيهب

Part 32

الكاتبة دُره .

التعليق +التصويت .

# هاوية الغيهب ...

• ‏مَا هَذا السَّواد؟
الذِي يُحاصِرُ عَينَاي؛
إنَّهُ ضَريبةُ سَهَر،
حُقُوقُ أَرَق،
مَجرَّة هَارِبَة.
====
ريماس ...

نزلت ووكفت يم لهيب ،مشينه ودكينه الباب ،شوي وفتحه النه طفل ...
ـ تفضل عمو

لهيب:بيت ابو فاضل

ـ اي عمو

لهيب:روح صيحلي عمامك وبيبتك وجدك يله حبيبي اركض

راح الطفل واحنه لازمين كلبنه بين ادينه ،
شوي وطلعو زلم هواي يباوعولنه مستغربين واخر شي طلع مره ورجال كبار بالعمر ...
ـ تفضل ابني منو رايد

لهيب:اني لهيب ابن سالم ابنكم

سمعت شهكة المره الجبيره وكعدت بالكاع والزلم صافنين ما مصدكين ...
ـ شتحجي انت ابني

لهيب:اي عمي اني ابن سالم ابنكم

حجت المره الجبيره وهي تبجي ...
ـ اي هذوله ولد سالم شوفوهم يشبهوه

ـ بويه شلون نتاكد انت ابنه

طلعله لهيب البطاقه مالته واطاهيا والرجال يباوع فاتح عيونه واني لازمه ايد فيروز بقوه وفاطمه لازمتني من ملابسي ...
ـ ابن اخوي سالم

نزلت دموع الرجال وحضن لهيب يبجي والزلم كلها ما مصدكه ...
ـ روح بويه هاي بيبتكم روحولها

راح لهيب وعلي كعدو يمها يبوسون براسها ...
ام فاضل:اخخ ولكم بيكم ريحة ابني ولك يمه سالم

بقه تبوس بيهم وتبجي بصوت عالي ...
لهيب:لا تبجين بيبي

حجاها بخنكه وبصوت متقطع وكأنو ما مصدك الي كباله اهله وسنده ...
ام فاضل:سنين اكله تعال يمي يمه اريد اشوف جهالك يكلي ما عندي وطلع ابنه بطوله

مسحو دموعها الولد وهي باوعتلنه ...
ام فاضل:تعالن بيبي تعالن يمي بيجن ريحة الغالي

ولا وحده تحركت ...
لهيب:تعالي يمه تعاي سلمي على بيبتج

راحت فيروز سلمت عليها وهي ما مستوعبه اصلا وفاطمه ماقبلت ،سحبها واحد من الزلم واكيد واحد من عمامها مسح دموعها وحضنها ...
ـ بت سالم بين اديه بت اخوي الي ندور عليه

ـ تعالو دخلو بويه

اجه علي دخلنه واني احس روحي راح ابجي ما اعرف ليش خايفه ...
ـ اكعدو بويه اكعدو

اشوف نسوان كومه وولد شباب واكفين يباوعون ما فاهمين شكو،
لفت انتباهي ولد يشبه علي بشكل فضيع ...
ريماس:يمهه

دار علي القريب عليه مستغرب واني اشرت على الولد ...
ريماس:علي يشبهك

دار على الولد ومن شافه انصدم ...
ـ هذا منو؟ ليش هلكد يشبهني