هاوية الغيهب

Part 22

الكاتبة دُره .

التصويت + التعليق .

الحياة لم تنصفني يوماً
رغم أني الابنه الباردة
والصديقه الوفية
رغم أني لم أدهس نملة متعمدة
ولم أؤذي قطة
ولم أقطع شجرة
فما بالكم بالبشر؟
لم أبكي عيناً
ولم أفضح سراً
ولم أخون عهداً و وعداً
كنت ومازلت ألاكثر سلماً وسلاماً
وحينما أدركت
بأن أمثالي الذين يعانون جداً
"من لا يؤذي، سيؤذى"
و رغم معرفتي بهذا الشيء
إلا أنني مازلت كما أنا
وياليتني لستُ "أنا".
=========
ياقوت ...

ياقوت:يله هو رواي خفاره اروح انام

رحت نمت من العشره لحد ما صارت الساعه 3 ونص يله كعدت ...
ياقوت:دكتور عباس ما اعرف شلون اشكرك

عباس:شتحجين انتي خويه اخذلج الخفاره اليوم

ياقوت:لا ابد مايصير

عباس:باعي مو ولادة مرتي هل شهر وما اكدر اخذ اجازه انتي سدي بمكاني

سما:مصللحههه

عباس:لا والعباس

ياقوت:ولا يهمك خويه روح

راح واني اشوف رساله من لهيب ...
(خويه ياقوت اليوم ضروري تجين احجي وياج وخابري احمد خلي يجي وافتحوا بيتكم لباجر)

استغربت لان كلشي مافهمت،اخذت اغراضي وطلعت ...
ياقوت:يله سما

سما:لا ياقوت عيب يوميه موصلتني

ياقوت:انجبي وبلا حجي زايد امشي

ضحكت ولمت اغراضها نزلتها وهي راحت واني رحت للبيت ،اتصلت على احمد ويكول بعدني ما واصل بليل ياله اوصل ...
فيروز:هلاا هلا تعاي كملي هذني

درت وجهي اشوفها مسويه صينيتين ومتروسات صاج وباديه بالثالثه تسوي بيها ...
ياقوت:شنو راح توزعيهن

فيروز:دتعاي اذا كفن بحلك يمان

ضحكت ورحت غسلت اديه واجيت الف واضحك وياها ...
ياقوت:اكلتي المفضله بالخارج جنت يوميه اسويها لان سريعه

فيروز:ياقوت شلون منضمه وقتج جنتي وليش ما من البدايه داومتي مستشفى

ياقوت:شوفي خيه نضمت وقتي وره شهرين من روحة ابوي واختفائه طلعت ادور على شغل واسأل واستفسر على المدارس،لكيت شغل بمول وبديت اداوم بي والله لايشوفج شنو جنت اشوف،جنت محجبه وهواي يتنمرون بس دائما اكول يتنمرون احسن مما يصير الاسوء من يشوفوني حلوه وبأحد الايام بالشغل لكيت اعلان دراسي عن قدرة الدارسين الي متخرجين من غير دول ويردون يكملون هنا وبمدارس زينه اضافه الى استطاعتهم بالعبور اكثر من مرحله يعني شلون؟ ،اني من اجيت للخارج عندي شهادة صف تاسع هناك امتحن على اساس هاي المرحله واصعب منها وحسب درجاتي تطلع عاليه اصير صف 11 كبل بدون ما ادرس الصف10 صارت وامتحنت وطلعت درجه كامله واما للغه الانكليزيه فأني ضابطتها من عمري 11 سنه لذالك ما عانيت هواي ،وره ما طلعت النتيجه صار امتحان بنفس اليوم لهل مرحله الي عبرتها توكلت على الله ورحت امتحن والحمدالله نجحت وصرت صف12 يعني اخر مرحله دراسيه داومتها وعمري 14 ونص سنه وتخرجت عمري 15ونص سنه داومت كلية طب واني مرتاحه وتخرجت عمري 21سنه،اشتغلت مصممه وانعرفت بالصدفه جنت احب اصمم وانشر وبيوم وصلتني رساله من احدى الشركات وتعينت بيها عمري17 وكملت حياتي واني مبتعده عن اهلي ودوختهم