الكاتبه دُره .
التصويت + التعليق .
-----
ياقوت ...
هزيت راسي خايفه ...
حيدر:ثقي بيه بويه
ياقوت:وين ما تروح اني وياك
نزل للبيت وجاب صناديك واغراض وجنستي والجواز صعد وراح للمطار كلها نص ساعه وكدر يسويلنه رحله عن طريق علاقاته نزلني حاضني على كلبه ودموعه تنزل ...
حيدر:يردوني اذبحج ما يدرون انتي النفس
صعدنه بالطياره وانطلقت نمت الطريق كله كعدت على صوت ابوي وهو عيونه حمر نزلني ورحنه للبيت ...
حيدر:هذا بيت عندي هنا قديم تعاي كعدي
كعدني وجابلي اكل يوكلني ...
ياقوت:اخاف اريد ارجع للجنوب
حيدر:معليج كلشي راح يكون مثل ما تحبين حبيبة كلبي بس خلي اهدأ الاوضاع يومين ونرجع
طلع وبده ينضف البيت نمت ما اعرف شنو ممكن يصير مرت ثلاث ايام طبيعيه ابجي وانام وابوي يجي بس بليل ...
حيدر:ياقوتي باجر نرجع للجنوب
هزيت راسي ما عندي طاقه احجي،اجه ثاني يوم ورجعنه للجنوب جانوا الكل منتضرينه ...
ـ ويننن جنتتووو
حيدر:انيي وبنتييي معللليكممم
بحر:صدددك تحججيي وينن اخذتتها
حيدر:بحححرر
سكت بحر بعد ما حجه دخلني ابوي لغرفتنه القديمه بيت جدو ...
حيدر:لو يحترك البيت ماتنزلين
نزل والعياط اشتغل ما اعرف شنو الي صار بس اخر شي صعد ابوي ...
حيدر:راح نبقى هنا بعد
حطيت راسي ونمت نزلت ثاني يوم جوه يم بيت جدو ...
ـ ولج هيي انتي ام الولدد نضفيي
سكتت انضف اني من طبيعتي هادئه ما احجي ...
بحر:وسففهه
حجاها وصعد فوك لغرفته نزلت دمعتي ومسحتها بسرعه اشوف وسام بس شافني نزل يركض كعدت بالكاع فاتحتله اديه ...
وسام:توووتتيي وينن لحتتيي(رحتي)
ياقوت:يمكك حبيبي
يبوس بوجهي ونفس لعبته يلزم ايدي يلعب بأصابعي ويحجي ...
وسام:من اسأل ماما وين توتي تكلي ختولي
ياقوت:معليك حبيبي تتريك؟
وسام:لا ماليد (ماريد)
ياقوت:ليش
وسام:ما اشتهي عوفيني
شاف بحر نزل ركض عليه حاضنه من رجليه شاله بحر يبوس بي ...
شاه زنان:ولج كحـ ...اشتغلليي
رجعت اكمل طبخ وابوي يباوعلي شلون انذل ومايحجي المشكله عمتي هدى الي اتباوعلي وتبجي ما تكدري تسوي شي وبيوم ....
هدى: عمه تكدر تاخذني لبيت اهلي
عباس:اي عمه تدللين
اخذ الغراض منها وهي بطنها جبيره بلكوه تمشي،طلعت واني بقيت اشتغل كل وحده تسمعني كلام شكل وامي الي صارت قريبه من عدوتي مرت عمي وطلعاتهن كثرت هي ومرت خالي،خلصت وكعدت بالمطبخ واسمع عياط طلعت اركض اشوف ابن عمي واكف ويلهث ...
ـ عباس سوه حادث ووياه عمتي هدى وبالمستشفى
أنت تقرأ
هاوية الغيهب
Mystery / Thrillerحالة عدم ادراك ، صراخ ، انهيار ، ذكريات مؤلمه ، حرق المه في قلبي ، نار تلهب ... اجه كلشي بالي مجرد ما كلي احبج ... حقيقه مؤلمه مااكدر اعترف بيها انهيار غير واضح،كلها بسبب ام انجبت فلم تُربي ...اذالك ذنبي ام اختبار الله لي ...مجرد ماكلي احبج اتخبلت و...
