الكاتبة دُره .
التعليق +التصويت .
# هاوية الغيهب ...
فيروز ...
وكأنهم زهورٌ في بستانٍ قد احترق ،او انهم رحمةٌ في وسط ذلك العذاب ،
كانوا بحق اناسٌ لا يمكن الاستغناء عنهم ،قد ضحت وهي لا تعلم لماذا،قَتلت وقُتِلت ،ياتُرى اين ستصل وهل ستنال ما تريده ؟
فزيت الصبح على صوت تلفوني ،لكيته كالعاده حيدر ...
حيدر:صباح الخير فيروزتي الثمينه
فيروز:صباح النور حبيبي شلونك
حيدر:من سمعت صوتج صرت زين
فيروز:شوكت تلتحق؟
حيدر:هسه احضر جنطتي واطلع
فيروز:طمني بس توصل تمام
حيدر:تأمريني جوهرتي
ابتسمت على جملته، وبقينه نسولف فتره وبعدين سديته منه ونزلت جوه ،لكيت بس عمامي كاعده ومنتضرين وحده تكعد وتسويلهم ريوك ،
بيهم طبع مستحيل يكعدون واحد من نومه ابببد ...
فيروز:صباح الخير
ـ صباح النور
محمد:هلا هلا بهل وجه شلونج بويه ان شاءالله بخير
فيروز:بخير عمي فدوه اروحلك
بسته من راسه ورحت سويتلهم ريوك ونزلو ولد عمي واخواني واشوف يمان وياهم اتوسعت ابتسامتي من شفته ...
فيروز:هلا بهل الطول فدوه اروحلك يمه الله لا يحرمني منك
باسني براسي وحضن كتفي مكعدني يمه ...
يمان:عود انتم كملوا الريوك عوفو اختي يمي
حيدر:طايحين الحظ
كام عمي حيدر يكمله ويمان يمي يسولف وياي ،كعدنه نتريك واشوف يمان ايده رجفت وطاحت الصمونه من ايده ،ذبها وهو صافن عليها ،
جريتها منه وسويتله لفه وقربتها من حلكه ،بقه يباوعلي ...
فيروز:اكل امي شبيك
وكلته واحاول اضم خنكتي ،شربته جاي وهو يباوعلي مقهور ،طبطب علي على كتفه ...
علي:تهون وعيونك ،بس احمد ربك يمك هيج اخت
يمان:قصدك ام مو اخت،شبعت بعد
كام غسل واني تريكت وعمامي طلعو لشغلهم واخواني بقو مو هسه يطلعون ...
لهيب:وين ريماس هاي عود كعدتها ونزلت
علي:عساس يفيد اني هم دكيت الباب على ياقوت ونزلت حتى ما تعبت روحي ودخلت شفتها وكعدتها ادري بيها ترجع تنام
نزلت ريماس وماريانه ،واشوف ماريانه بتراكها مال النوم ...
فيروز:يمه سدي قميصج من فوك
همست يمها وهي سدته واجت كعدت يمنه ...
لهيب:وين ترحين من اكعدج
ريماس:شعليك بيه ترا جنت اسبح قابل نفسك دقيقتين واطلع حتى شعر ما عدكم
أنت تقرأ
هاوية الغيهب
Mystery / Thrillerحالة عدم ادراك ، صراخ ، انهيار ، ذكريات مؤلمه ، حرق المه في قلبي ، نار تلهب ... اجه كلشي بالي مجرد ما كلي احبج ... حقيقه مؤلمه مااكدر اعترف بيها انهيار غير واضح،كلها بسبب ام انجبت فلم تُربي ...اذالك ذنبي ام اختبار الله لي ...مجرد ماكلي احبج اتخبلت و...
