Calming the Storm

Kabanata 6

Nang magbreak ay inaya ako nila Mark na tumawid para kumain sa malapit na karinderya. Hindi ako tumanggi dahil mas mura naman ang pagkain sa karinderya. Nagdadala lang kasi ako ng cup noodles o tinapay noon sa break. Pang tawid gutom.

"Sus si Mark! Ilang araw ka pang nahiya ayain si Audra kumain," panunukso ni Reymart.

"Paanong hindi mahihiya si Mark? Ang sabi aayain daw niya tapos sa karinderya?" dagdag ni Jessica.

"Hoy! Magtigil kayo!"

Ngumisi ako at hindi tumugon sa panunudyo nila sa amin ni Mark. Wala ako naging kaibigan noong high school. Busy ako lagi sa trabaho tuwing uwian kaya kapag inaaya nila ako ay lagi akong tumatanggi.

Hindi rin naman nila ako gusto. I received a lot of women's wrath because of some guys that I don't even like. I lost a lot of potential genuine friendships because their crushes liked me.

Well, I don't even know if that is really a genuine friendship. I didn't even do anything to flirt with them.

I am also too focused on my studies. Hindi naman kasi ako sobrang talino, kaya kailangan ko magpursigi para makapagtapos nang mataas na grado lalo na iskolar ako.

"Ayan na pala si Linel," turo ni Reymart. She looks nice and friendly but when she saw me, her smiles faded a bit.

Umiwas ako nang tingin. I knew her. We certainly know each other. Ang hindi ko alam ay nagtatrabaho din pala siya dito. From her looks, she is one of the room attendants of the hotel.

"Ah, Audra, siya pala si Linel. Magkakalapit lang ang bahay namin kaya tinulungan namin siya makapasok sa hotel," pagpapakilala ni Jessica.

Hindi ako kumibo at bumaling sa kinakain ko.

"Ang ganda talaga ng hotel 'no? Jackpot talaga! Kahit wala akong natapos ay hindi naman required. Napagtapos ko ang mga kapatid ko dahil sa pagtatrabaho dito," pagkwento ni Reymart.

"Kilala talaga sila sa hospitality, Reymart. Kaya nga laging paalala sa atin ay respeto at serbisyo."

"Dito ka, Linel! Tabi kayo ni Audra para magkakilala din kayo. Ngayon lang din namin siya naaya kumain," baling ni Mark sakaniya.

Hindi ako nag angat ng tingin at nagpatuloy sa pagkain. We don't really have a good history as far as I remember.

"Ayoko. Baka katihin ako," sagot niya kaya napatingin ako sakaniya. Taas ang kilay at may ngisi ang labi nito. "I mean, alam ko kasi ang pabango niya, Mark. Allergic ako sa amoy na 'yon."

"Try mo ibang pabango, Linel. Para naman bumango ka...rin."

"Ano?" asik niya.

Ngumiti ako sakaniya at sumubo ulit. Ramdam ko ang pabaling baling sa amin nang kasamahan.

"Ah..." tumawa nang pagak si Reymart. "Mukhang magkakilala kayo ha?"

"Rey..." pigil ni Jessica sakaniya.

Naputol ang mabigat na tensyon sa amin nang tumunong ang selpon ni Jessica. Nagmamadali siyang sagutin iyon at mariin ang tingin sa amin lahat.

"Yes, Ma'am Joy? Nasa Aling Lina's karinderya po kami...Po? Si Audra? Opo! Kasama po namin..."

Kunot ang noo ko dahil nabanggit pa ang pangalan ko? Bakit naman?

"Opo, masarap dito...Ako po tinola binili ko. Si Audra, kaldereta."

May ideya na pumapasok sa isip ko pero ayokong paniwalaan. Nakatingin lang kami sakaniya habang sumasagot kay Ma'am Joy.

Masarap naman ang kaldereta dito. Iba ang timpla. Manok din ang gamit, hindi tulad sa kinainan namin ni Ramiel na parang beef caldereta ata. Mas masarap din 'yon dito pero hindi ko naman sinasabi na pangit ang timpla nila dito.