රැඩිකල් පන්හිඳ || 𝐏𝐎𝐄𝐓𝐑𝐘

අසම්පූර්ණ හයිකු කව

ඔන්න අද නම් නිසඳැසක් විතරක් නෙවෙයි ඒ වෙනුවෙන් හදපු සිංදුවකුත් ඔයාලට අරගෙනයි ආවෙ මං. බලලා හොඳයි නම් ශෙයා කරලත් දෙන්න :)

වෙර දැරූ මුත් දහස් වර
ගොතා නිම කළ නොහැකි වුණ
අසම්පූර්ණ හයිකු කවකි නුඹ

හොන්ෂු දූවේ වෙරළකට
පැමිණ හනිකට, එසැණ ම
නික්ම ගිය සිඳු රළකි නුඹ

ඇසි පිය ගසන සැණින්
මා පසුකර නික්ම ගිය
තෝකියෝවට ආ මාරුතයකි නුඹ

සයෝනරා නොකියා ම මට
අකාලයේ නික්ම ගිය
සොඳුරු සකුරා කුසුමකි නුඹ

ඉතින් නුඹ නොපවසන
සයෝනරාව මා හට ම
පවසාගන්නම් මේ මම

මැලවුණු හදක වත
සකේ බඳුනක් තුළ
බිඳෙන් බිඳ දිය කරමි මම

shwe_min