بقلمي انا الكاتبة: زهراء الـــــــــعلي
روايـــــــــــة: الحـــــــرمان
"هذه القصة بكل تفاصيلها، قد شهدت الحياة ذات يوم"
✧بيلين✧
... من بعد ضلام ونوم عميق بديت اصحه لاكن
بس اسمع اسمع بس مااشوف منو يمي مااكدر احجي صوت الدكتور يحاول يحاجيني لاكن للأسف مااكو استجابه، واحس فتره قليله ورجعت فقدتت
ورجعت لنفس الضلام والذكريات القديمه!؟
دائما اسمع من اشخاص انو اذا يخدروك او تدخل غيبوبه تروح الغير عالم وجنت اجذبهم واكول ماكو هيج
لاكن بلحقيقه اكو، عالم الذكريات
بهاي الفتره الفقدت بيه رجعتني لطفولتي ولكلشي مريت بي وكأنما شريط حياتي مر عليه بكل صغيره وجبيره
بعده بمده صحيت عله صوت سوالف يمي وحاولت افتح عيوني شوي شوي
بلاول ماشفت منو لان عيوني مغوشه بس شوي شوي بدت تتضح عندي الرؤيه
والعائله الكريمه كله يمي ماما وخالي.. الخ كلهم
باوعت عليهم مندمجين مامنتبهيلي كعدت بقيت هيج لمن انتبهوو وكمزوو من شافوني صاحيه
محمد: باباا حبيبتي بيلين لاتغمضينن ابقي صاحيه اصيح دكتور واجي
رونق: يمه بتتي ياابعد روحي يمه
وحاضنتني وتبجي، مالي طاقه احجي لو اسوي اي شي بقيت عله حطتي بس اباوع
شوي ودخل الدكتور وخالي
الدكتور: ياهلا بيلين الحلوه
: ماكدرت اردد بس اباوعله وهوه فهم
اردف
: بابا شتحسين هسه انتي حاولي تحجين وياي
: بألف ياعلي كدرت انطق بكم كلمه
م مااحس بشي د دكتور ج جسمي م مااليي ح حيل
وسكتت تعبت ماكدرت حته اكمل
: تمام بابا فهمتج لاتكملين
محمد: شنو دكتور ان شاءلله خير
: تفضل وياي استاذ محمد، وانتي بابا بيلين حاولي تحجين ويه عائلتج شويه وان شاءلله ماكو شي
طلع وبقت بس ماما وخالتي يمي
رونق: حبيبتي ماما حاجيني شيوجعج
باوعتله بعتب ونضره طويله محمله بهواي اسئله وهموم وسكتت عنه
شيماء: حبيبتي بيلين يوجعج شي هسه انتي
بيلين: لا
شيماء: زين لعد حاولي تحركين ايدج شوي يله ماما
اجت يمي تعصر بأيدي وتحاول تحركه حاولت شوي شوي احركه شوي ودخل خالو
محمد: ها بابا بيلين شلونج حبيبتي شلون صرتي
باوعتله وماارديت علي، اردف
محمد: الدكتور يكول هذا شي طبيعي لان صار هواي نايمه
بيلين: ش شكد ص صارلي
محمد: بابا صارلج بلسبوع نايمه وكعتي كلوبنه يابابا ميصير هيج تحركينن روحج وتعبينه وانتي كلبج
أنت تقرأ
"الحــــــــرمان"
Tajemnica / Thriller"فتاة ذات عيون بنية" شعر طويل بني تتميز بحباة النمش التي على وجنتيها... واثقه من نفسها قويه غامضه فضوليه وسوف يأخذها فضولها هذا الى ممرات ضيقة ومضلمة حتى ذالك 'المجهول"؟! ...
