"الحــــــــرمان"

"الحـــــــــرمان الــــ12"

﷽

بقلمي انا الكاتبة: زهراء العلي
روايـــــــــة: الحـــــــــــــرمان

**
انا الواضح والمبين.. ولااخاف
وانا المارجفن جدامي.. ولاخف
وانا المانكص وزني.. ولاخاف
اختفيت وخفت خف وزن العليه

✧بيلين✧

من بعد شهر تقريباً تعلمت كل الشغل، عله ايد استاذ علي ماعافني ولادقيقه وكلشي جان يعلمنياه اقل شي، وجان يكلي(اريدج اصيرين احسن مني) كلمته هاي احسه تنطيني حافز، وبنفس الوقت شعور الأمان ويه هل الشخص..

دك تلفوني رفعته واني اشوف المتصل استاذ علي
بيلين: اهلا بابا علي
: هلا بيج بابا، وين انتي بالمكتب
: اي
: كلش حلو ركزي وياي كلش زين بيلين
: وياك استاذ علي صاير شي
: اجه الوقت بيلين
: الشنو مافهمت
: تثبتيلي نفسج
: مداافتهمك، انطينياه بالوجهه مااحب الألغاز
: قويه، اي راح اسلمج من اهم القضايه والأقوه هاي القضيه كلش مهمه، واني لو ماثاق بيج مااسلمه الج واعرفج راح ترفعين راسي
: شوكت يجون
: دزيتهم عليج هسه، بنيتي علمتج كلشي شوفيني البوه شسوي
: عد عيناك بابا علي بس اكعد واتفرج
: كفو والله
سديت منه واني توترت رغم واثقه بنفسي بس شوي توتر بقيت اكمل الشغل الي بأيدي، بعدين كمت اشوف شكلي مابي شي لان من صبح جايه خاف مبين تعبانه، باوعت شعري تمام لبسي تمام هاي هيه بيلين طالعه اشكين ومنا رسمي اله تموتين
رجعت كعدت شوي وسمعت الباب يندك كلت تفضل
: ست بيلين الضيوف وصلوو
: اي اهلاً وسهلاً دخلهم
: تفضلو
دخل اخر شخص جنت اتوقع اشوفه، بس سويت نفسي مااعرفه اساساً وتعاملة وياهم بكل رسميه اله هوه صافن ومصدوم هههههه اححح اجيت والله جابك
:السلام عليكم ست
: وعليكم السلام عيني كل الهلا استريحو
-احم شجاع اكعد
عفتهم واحد صافن بوجه الخ واتصلت بالسكرتيره
: عيني 3كهوه ومي
سديته ورفعت ايدي حطيته عله المكتب وطبكت اصابعي مع بعض واني اباوعلهم
: تفضلو، استاذ علي خبرني بجيتكم
-احمم اي اني خابرته وتوقعت الكاه لكن دزنه بعد عليج
: اي تفضل أغاتي، خبرني هوه بالقضيه لكن بصراحه مكلي شنو نوع القضيه
بده يشرحلي عله القضيه مع الأدله وفهمت منهم كلشي وجان يحجي بس الشخص الأسمه علي واني اتناقش وياه وانطي وجهت نضري واشياء جانو غافلين عنه بحيث خليتهم صافنين، من كملت باوع الصديق وهز راسه بمعنى شتكول بقه شوي ساكت ونطق
: القضيه موسهله تره ست بيلين اني واثق بيج بس الناس صعبه الي بالقضيه ومانريدج تتأذين
رديت علي واني اكلب بالأدله
:واني هم مو سهله تره سيدي واثقه من نفسي وهم صعبه وصعب احد يأذيني
صار هدوء من بعد كلامي رفعت عيوني علي لكيته صافن بوجهي ورافع حاجبه
: اي استاذ علي شنو رئيك بكلامي الكلته
: اتفق وياج، وصحيح اكو اشياء جنت غافل عنه بلأدله
: لعد اذا هيج، نبلش بشغلنه
: يول القضيه موسهله جاي اكلج
: اعتقد هذا شغلي استاذ لو اني غلطانه؟
سكت
: استاذ علي تكدر تخلي الأدله وبقيت الأوراق عندي ادرس القضيه زين وبعدين نبلش أباقي التفاصيل
: تمام هاي هيه
واني اكلب بلأوراق قربت يمه ورقه وقلم وكتله
: عيوني سجل رقمك هنا
: اي صار بس ليش
باوعتله واني مستغربه من سؤاله
: علمود القضيه لعد ويه منو اتناقش؟
: هااا اي اي صحيح تمام هاي سجلته
: كل الهلا بيكم
: مشكوره ست من رخصتج
: واجبي، اخذو راحتكم
طلعوو وانني اتنفستت براحهه اوووفف الحمدلله خلصت جنت شوي متوتره وهذا وترني اكثرر صافن بوجهي وينفخ كلساع وكال القضيه صعبه لعد شكو جايني شنو ابيع مخضر غير محاميه والله يالله
اخذت تلفوني ورفعت واني احجي
: استاذ سمعت كل الكلام؟
: اي بابا سمعت كلشي، ومبين الي اسمه شجاع ماقابل انتي تستلميه
: ميهمني هذا رافعلي خشمه ويحجي كوه لعد اني شنو شغلي وجايني تكلي القضيه صعبه تصعب عليه بس بعده ميعرف بيلين منو
: هههههه اعصابج باباتي معليج بي واني واثق بيج واعرفج كده واريد ادرسين القضيه وتجين تشرحيلي كلشي تمام
: ماشي، اني راح اطلع لعد
: تمام بابا مع السلامه
: هلا بيك
شمرت الجهاز بتعب ودنكت راسي عله الميز وغمضت عيوني طالعه من الصبح وشغل جره وحده وهسه اجتني هل قضيه ولازم اركز بكلشي قطع تفكيري صوت الباب انفتح حجيت واني مغمضه
: عيوني نورس تكدرين تروحين اني همات راح اطلع
: بيلين
فتحت عيوني بسرعه عله اثر الصوت السمعته شنو جاي اتخيل، رفعت نفسي وجان اشوفه كدامي واكف
: شدخلكك وشون هيج تدخل ومنو سمحلك اصلاااا
: يواش ويه روحج
اهدئي بيليننن ولاتخلي يستفزج تمام، ابتسمت وكتله
: تفضل استااذ أمر خدمه
تقرب وكعد مقابيلي، ورجع ضهره لوره وحط رجل عله رجل وهوه يشغل بجكارته وعاكد حواجبه
: يول موكتلج القضيه صعبه وموش سهله لويش تعاندين
: القضيه استلمته وهسه لو سمحت اريد اطلع يعني ممكن تتفضل
: چؤ چؤ اطردين ضيوفج
: ياصبر ايوب، منو طاردك بابا جاي اكلك خلص دوامي ومساع حجينه بكُلشي بعد شكو جايني هسه
: القضيه ماراح تستلميه
: ممكن افهم ليش
: خطر عليج
: ههه
: اكو شي يضحك
رجعت ضهري لوره وحطيت رجل عله رجل واني اباوعله بكل تحدي وثقه
: يخسه الخطر يوصلني واني بت شاهين
بقه مركز نضراته بيه، ويسحب نفس من جكارته والدخان بوجهي يصير واني ممهتمه صح اختنكت بس اعرف اذا حجيت راح ياخذه حجه
: اذا القضيه مافزنه بيه شغلي يكون وياج انتي خصيصاً
: هههههههههههاي متفقين، تكدر تتفضل
بقه مركز شويه بوجهي وكام عدل ملابسه وطلع بدون كلام
ايعع شنو هل شخص الغريب يهدد فوكاه بعد دخل اكوم ميتهه جوع وتعبببب لملمت غراضي رتبت نفسي لبست مناضري واخذت جنطتي وطلعت وصلت سيارتي مدري شلون باوعت عله جهه شفته يدخن ويباوعلي وهوه كاعد بسيارته نزلت مناضري شوي باوعتله ورفعتهن صعدت وعلكته اغاني واني ساده الجامه مشيت وصلت يمه نزلت الجامه وسويتله حركه بأيدي (ترفع اصبعين يم كصته وتاخذ شون تحيه فهمتو🙂😂)
رفع حاجبه من حركتي واني دستله بانزين وانطلقت للبيت وجنت تعبانه بس من استفزيته رجعت للبيت واني بس اركص بخبال حرفياً، وصلت صعدت كبل لفوك سبحت وبدلت ونزلت واني عكس ماجنت بالمكتب كلي نشاط صرت
رونق: هاا ماماتي شون جان يومج
بيلين:Perfect
: استاذ علي شلونه
: I don't know
: ليش متعرفين عيني مو وياج هوه وشجايج عله الانكليزي اليوم هوه اني يالله اعرفلي كلمتين
: شبيج متعرفين حياتي، جنك بلبل بلأنكلش وبعدين عاجبتني اللغه حبيبتي، اما استاذ علي ف ماشفته اليوم فقط اتصال ابيناتنه
: اممم، الله يوفقكم ان شاءلله
: عمري، خالي وين
: بغرفته حبيبتي
رحت امشي لغرفت خالي دكيت الباب سمحلي ادخل
: How are you, uncle?
(كيف حالك خالي 😂ماخذه ميانه ام الشاجور)