﷽
بقلمي انا الكاتبة: زهراء العلي
روايــــــــة: الحــــــــــــــــرمان
**
عتبي على نفسي او عليك..!!؟
اني كطفلةٍ سولِبت من أحضانِ أُميها
ووضِعتُ في حِضنك ..
لا أعلمُ الغضب او الخصام عليك..
اباً ام صديقاً ام حبيباً..! كُنت؟
.... لا أعلم..
لكنني بكُلِ خلاياي أرتُك ..
وضعت بين يديك قلبي وعقلي وكل ما أملُك
جدارٍ من حديد لا يعرف الانكسار ..وأستندُ عليك ...
لكنني نسيتُ
ان الحديد اذا وقع عليه الماء
يُصدى....
وان الجدار لا بُدّ له ان يقع
وان ليس للانسان ان يثق الى بنفسه ..
(Rana ✍🏻)...
•. •. •
✧بيلين✧
طلعت للمكتب اخذ كم ملف محتاجته
وعفت مها بلبيت اشوفه يعني شوي احسن من ذيج الايام
دخلت للمكتب مالتي، ودااكلب بالملفات وحسيت احد واكف كدامي
رفعت راسي شفته استاذ علي!
صار هواي ماشايفتهه وبينه فقط سلام تغيرت علي مو مثل اول اضحك واجامل
هسه كلشي اله حدود، وكلشي لازم يترتب
رجعت اكلب بالملفات وكتله
: اهلا استاذ محتاج شي
بقه ساكت فتره وكال
: بيلين شصايرلج
وكفت حركتي كله وبقيت مركزه بالملف وبكلامه
تركت البيدي وباوعتله
: شتقصد؟
: تعرفين شقصد ابويه
غمضت عيوني وتنفست بهدوء احاول اضبط اعصابي لان مداالزم نفسي واجفص
ابطن الكل هلفتره
: لو سمحت استاذ اسمي استاذه بيلين انته مديري واني هنا محاميه حدنهه الشغل غيره مااعتقد يجمعنه فد قرابه او فد شي!!؟
بقه مركز بكلامي ويباوعلي بتركيز، واردف
: ليش تغيرتي
: وهذاا الازمم يصير وبعدين اني ماجنت ذابه ميانه وياك حته اتغير اني اجيت اطور نفسي
وبعده شكرا الك وفرصه سعيده وخلص كلشي!!
: زين ليش معصبه؟
باوعتله ابرود واعصابي تلفانه ومالي واهس لكلشي
: أغاتي استاذي محتاج شي؟
صغر عيونه وسوه حركه بحلكه انو مادري وعافني وطلع بدون كلام
كلبت عيوني وكملت الجيت علي ، فزيت عله صوت اتصال
باوعتله ملازم علي!
استغربت من اتصاله اخذته وفتحت خط
: اهلا تفضل
: شلونج استاذه خاف ازعجتج
: كل الهلاه عيوني، اسمعك
جر نفس، واني اريده بس يحجي شعنده داريد اكمل شغلي وارجع المها ماكدر اعوفه وحده
أنت تقرأ
"الحــــــــرمان"
Mystery / Thriller"فتاة ذات عيون بنية" شعر طويل بني تتميز بحباة النمش التي على وجنتيها... واثقه من نفسها قويه غامضه فضوليه وسوف يأخذها فضولها هذا الى ممرات ضيقة ومضلمة حتى ذالك 'المجهول"؟! ...
