"الحــــــــرمان"

" الحــــــرمان الـــ22"

                           ﷽

          بقلمي انا الكاتبة: زهراء الــ علي
          روايــــــة: الحـــــــــــرمـــــان

  -سوف تكونُ بخير، فالعواصفُ لا تدُوم للأبد.

.
✧بيلين✧

كعدت على صوت المطر الخفيف، وصوت العصافير
الجميله

مطيت جسمي وباوعت للساعه
بلـ6 الصبح هم يالله اجهز نفسي، كمت غسلت ونشفت وجهي، وكفت كدام الكنتور علمود انسق ملابس اليوم

فتحت الكنتور وبقيت صافنه شلبس

صار فتره مامشتريه ملابس، والجو برد طلعت بلوزه
بيجي غامق وكيلوت بيجي فاتح
كسرت الألون بـ كوت جوزي

لبستهن وكملت باوعت لنفسي، بالمرايه لك داده
شهل جمال

باوعت لشعري شسويله مو مال اعوفه مفتوح
بهذا طوله، ركضت جبت البرم
وسويته عله السريع شوي كصر، باوعت

مره لخ اكو شي ناقص لبست ساعتي
وحطيت تلفوني بالجنطه سويجي بايدي

رشيت عطري وهاي اخر خطوه، لبست بوت كعب
بيجي

نزلت اطگطگ بكعبي وعطري يهف بكل مكان
: Good morning

ابتسم خالو
: Good morning
باوعت لماما تحضر بالريوگ
حضنته وبوستهه
: اخخخ شهل جممال

ضحكت واردفت بصوت حنين
: فدوه الطولج

رحت وكفت كدام خالو وفتريت وكتله
: خالو العزيز شنو رئيك

: تخبلين يبعد خالج

: بس دااحس اكو فد شي ناقص مو صحيح

ركز بيه وماما اندارت تباوعلي، اجه باوعلي واردف

: ممكن انضيف شي اخير ونكول تمام للـ لوك

: اي شنو

: كبوس مثل لون البلوزه عندج؟!

بقيت اذكر اذا عندي
: اممم، عندي بس مو كبوس

: لعد

غمزتله وكتله
: بيريه

ضحك بصوت عالي وكال
: ياملعونهه شعدج مشتريتهه

: موديلهه هسه خالوو وجبتهه قبل الشتهه كلت
تفيدني بلتنسيق

: لعد اصعدي جيبيهه

صعدت جبتهه، ونزلت اني وگعبي لثبرهم ثبر
باوعتلي ماما وكالت

: اخخ منج انتي وهذا كعبج لمانخلص منهه

: اوووي لعد شون كعبي سر سعادتي

ضحك خالو بصوت عالي وكال وهوه يضحك
: دتعاي تعاي ام لسان تعالي البسجياهه

: لحضه لحضه
طلعت تلفوني من جنطتي وفتحت الكامره وانطيتهه
لماما