﷽
بقلمي انا الكاتبة: زهراء العلي
روايــــــــة: الحــــــــــرمان
-أغلق النافِذة التي تُؤذيك مهمَا كان المنظّرُ جميلاً.
✧رياحين✧
فزيت عله صريخ
نعمه، وهيه تتلوع من الوجع، كتلهه ابوي بالصونده
مثل ماكتلتني بيه
وهيه تصرخ وتتوسل يعوفهه، احس كلبي ميت وماارف عليه
ورغم موقف ابوي، بس ماتحرك شي بداخلي اتجاهو
او فرحت، لان لو مااشجاع موجود جان ماانتبهه
ماجان هيج ابوي جان حنين
ولكاسر ضهري حنين جان ويحبنه بس اتزوج ونگلب كلشي والحنان صار جفه وابتعاد
عفته تصرخ ورحت اشوف شجاع عبالي دخل للبيت
دورتو ماكو
رحت للديوان اخذت تلفون ابوي واتصلت
علي بس مايرد!
كلت يجوز مشغول لو مقهور عفت تلفون وطلعت
رحت يم جدتي لواكفه تتفرج عله ابوي شون
يكتل بنعمه
رياحين: جده تعالي ندخل جوه
هاشميه: امشي جده، خوش برد كلبي بيه لهل وصخه
ضحكت بداخلي عله سوالفه
دخلنه لغرفتي لان لوضع بره ماينطاق
هاشميه: خايبه جده شحلاته غريفتج حته بيه هوه
بيتكم بره خنكه
رياحين: والله جده انضف بس شفتي اوجوهم
شون لبيت يصير مريح بعد
هاشميه: من دشت هل مره للبيت وهوه صار ماينطاق
حته ابوج تغير
ابتسمت، والله يجده لو تدرين بأبوي شون متغير
جان ماكلتي بس هيج
رياحين: ايي يجده، العمر خلاف الأم مااينطاق يجده
گلبي يلچمني كلما ااذكره
هزت راسه وكالت
هاشميه: ايهه يجده صدكتي خلاف الأم اضيع البنيه
بس امج الله يسامحه ويهديهه
تقربت نمت عله رجله واحس روحي مخنوكه
مدري شبيه
رياحين: ليش سوت هيجي هيه، شنو، ذنبي انه وشجاع، ليش ازوجت عجل ليش انه من دون لبنات هيج صار وياي شچم ليش يجده اكلن كلبي
مسحت عيوني
هاشميه: لاتبجين يجده، انه اميمتج وجدتج
وشحده ليتدنالج بعد اطره نصين
رياحين: جده كلبي، معصور عصر
هاشميه: اسم الله يمه شجاج
رياحين: مادري بس يوجعني
هاشميه: سلامت كلبج يمه تمددي اقره عليج قران
تمددت وراسي بحضنه وهيه تقره ايات عله راسي
غفيت بدون مااحس
أنت تقرأ
"الحــــــــرمان"
Mystery / Thriller"فتاة ذات عيون بنية" شعر طويل بني تتميز بحباة النمش التي على وجنتيها... واثقه من نفسها قويه غامضه فضوليه وسوف يأخذها فضولها هذا الى ممرات ضيقة ومضلمة حتى ذالك 'المجهول"؟! ...
