"الحــــــــرمان"

"الحـــــــــرمان الــ16"

                             ﷽

              بقلمي انا الكاتبة: زهراء العلي
            روايـــــــــــــة: الحـــــــــــــرمان  

**
وأرَاك في كُلِّ البِقاعِ كأنما
لا جُرمَ في فلَكِي يَدورُ سِواك
ما عُدتُ أبصرُ في العَوالِم كلها 
قَمراً سِوَاك فجَلَّ مَن سَوَّاك
•. •. •. •. •. •. •. •. •

                            ✦بيلين✦

من بعد الاحداث الغريبه الصارت وياي، قلقت وعرفت اكو شي ديصير بدون مااحس ولازم اعرفه
: ماما
: ها حبيبتي
: اني طالعه شوي عندي شغل اخلصه وارجع تمام
: تمام مو تتأخرين بيلين
: صار
اخذت سيارتي وطلعت للمكان البالي، وصلت قفلت سيارتي ودخلت
: مرحبا
: مراحب تفضلي
: دكتوره اسيل موجوده
: اي منو اكله
: كليله المحاميه بيلين شاهين
: تمام
: المحاميه بيلين شاهين موجوده يمي، تمام تفضلي الدكتوره تنتضرج
: شكرا
دكيت الباب ودخلت
: مرحبا دكتوره
: مراحب، اهلا وسهلا بست بيلين صار زمان والله
: اي والله اشغال بعد تعرفين كلمن ملتهي بحياته وضيمهه
: اي والله، خيرج خوماكو شي
: ان شاءلله خير، اريد اسوي تحاليل
: تحاليل لشنو
باوعتله بنضره طويله واني متاكده من القرار لأخذته ولازم اتاكد
: اريد اعرف جاي اخذ منوم او لا
: شنوو ماافهمت
: دكتوره اريد اعرف من خلال التحاليل جاي اخذ منوم او لا
: بس ليش شصاير
: اعرف وبعدين احجيلج
: تمام تفضلي وياي
كمنه وبدينه نسوي التحاليل
: بيلين شوي يتأخرن
: شكد يعني
: فد ساعه
: تمام انتضرج
: لعد تفضلي لمكتبي
: تمام
كعدنه بالمكتب، نسولف بأشياء عامه لحد ما مرت ساعه وجابت التحاليل حته نعرف
: تحبين اشوفيهه انتي
: شوفيهه اسيل
: تمام
فتحت الضرف وبقت تقره، كعدت عله كرسيه وهيه ساكته
: احجي اسيل
: بيلين جسمج مشبع بكميه من المنوم!!
بقيت جامده بمكاني منوم!! ومن منو وليش وشوكت وشلون؟!!
: بيلين فهميني شديصير
مسحت وجهي بحيره
: اسيل صار فتره دتصير وياي اشياء غريبه
: مثل شنو
: يعني الكه باب البلكون مفتوح شعري الفه انام اكعد الكاه مفتوح هواي اشياء دتصير وياي غريبه نوممي نومي اغرب كمت انام مااحس بنفسي اني لجنت افز من اقل طكه كمت انام ومادري بالدنيه شبيه مابيه؟!
: مااعرف شكلج انصدمت اشياء غريبه والأغرب المخدر؟!! منو يكدر يسوي هيج وياج وشون مالاحضتي؟!
: مادري دخت
: زين باعي انتي بكل مره يصير وياج هيج يكون احد وياج مثل بالغرفه او مثل يجيكم احد ويجيب اكل اي شي او تكونين طالعه وترجعين ركززي واذكري بيلين

: بقيت صافنه بكلام اسيل، اني اساسا محد يجي يمي غير مها ومحد جاينه خطار، مداافهم شديصيرر
سلمت وطلعت للبيت، منو عنده الجرئهه ويسوي وياي هيج منوو قفلت سيارتي ودخلت
: هاا ماما وين جنتي
: هاا شغل خلصته واجيت، ا اني صاعده لغرفتي
: بيلين بيج شي
: لا
عفت ماما وصعدت للغرفه ذبيت اغراضي واخذت ملابس ودخلت سبحت طلعت مشطت شعري وبقيت صافنه  مااذكر طالعه ويه احد اوجاينه احد وماما لو جاينه احد جان كالت؟! زين شونن ياااربي دختت اخذت تلفوني ونزلت
: ماما خالو موجود
: لا طالع
: تمام
: تردين شي
: هاا لا بس ماما هم جاينه احد خطار اهل خاله شيماء؟
: لاا محد جاينه ليش
: لا هيج لان مانزل يمكم هلفتره عبالي جاينه احد
: لا يوم محد جاينه
: اممم، تمام
: بيلين استاذ علي شو ماكو هلفتره؟
: مادري عنه
: ليش مو وياج هوه وتشتغلين عنده
: اي بس هوه دوم مشغول كلمن ملتهي بشغله
: هاا يعني انتو متحجون سوه
: عله شنو نحجي يوم؟! وبعدين ليش اسئلين علي؟
: هاا لا هيج اكول لان جنتي اسولفين علي و وهلفتره مااذكرينهه
: كتلج مشغول، ومنلتقي
: تمام
استغربت من وضع ماما شكو تسئل علي؟! والله اني خايفه من غموض استاذ علي وشكوكي يوم بعد يوم دزيد
رجعت الغرفتي، اخذت تلفوني واتصلت باستاذ علي
: السلام عليكم استاذ
: وعليكم السلام هلا بابا بيلين شلونج
: الحمدلله انته شلونك؟
: الحمدلله والله صار كم يوم ماشايفج خير ان شاءلله
: اي اتصلت علمود هل موضوع اني اذا تسمحلي هل كم يوم راح اخذ بيهن استراحة لفتره
: خير خوما مريضه
:لا بس حابه ارتاح
: ماشي براحتج بابا بس والقضايه العندج؟
: كله تتأجل
: براحتج بعد
: مشكور استاذ يله اخذ راحتك
: كل الهلاه بابا
سديته منه واني دايخه وحايره بالديصير لازم بهل كم يوم الاخذتهم استراحه لازم اعرف شديصير لازم شسوي ياربي شسوي
بقيت حايره واخر شي صفيت ع شي واحد وعسى يفيد، بقيت بالبيت حلفت مااطلع اذا مااعرف منو ديسوي هيج اخذت تلفوني ونزلت
: ها بيلين رايده شي
: لا بس حابه اسوي عشه واصعد اكمل شغلي
: لاعوفي خالج راح يجيب من بره
: لا مااريد اكل من بره حابه اكل من ايدي وشي خفيف مو مشتيهه
: ياا بيلين لج ماما راح علمودج
: عيوني انتي وداعتج مامشتهيهه اخذ شي خفيف واصعد
شيماء: ياارونق عوفي لبنيه براحته، خاله حبيبتي اخذي شنو تردين وروحي معليج بامج واني همات حضم حصتج خاف اجوعين بعدين
: اووووي اروحح فدواا انيي
دخلت للمطبخ واني متعمده اسوي هيج اريد اتاكد من كلشي، سويت اشياء خفيفه وصعدت حطيت حاسبتي وطلعت افلام وكعدت اكل واتابع وهيج مر الوقتت لحد ماباوعت ساعه ب12!!! شو مانمت ليله خير ليليه اوكع ع وجهي من النعاس!! غريب
بقيت كاعده لحد 3الفجر لكن ماكو اي شي!!