بقلمي انا الكاتبة: زهراء الـ علي
روايــــــــــــة: الحـــــــــــرمان
••
✧بيلين✧
علي: شاهين هاشم
نصدمت، واحس شي اوكع على راسي
شنو شاهين هاشم
درت راسي بسرعه داريد احاجي مالكيته
طلعت اركض وراه شفته شغل سيارته ومشه سريع
مالحكت علي
كعدت اباب المكتب من صدمه واحس رجليه
خدرن من ذكر ابويه
شيقصد بكلامه معقوله يعرف ابويه، اي يجوز
يعرفه لازم لازم اروحله وافتهم منه
اخذت تلفوني واتصلت علي لكن
تلفونه مغلق!!!
وزادت حيرتي وصفنتي شسوي اني بيلين
المحاميه لأحل مشاكل لعالم مدالكه حل لمشكلتي
شسوي ياربي شسوي، بقيت افتر بمكاني مثل
الطير المذبوح عله النص لاهوه ميت
ولاهوه عايش
مااجه بالي غير علي، اخذت تلفوني واتصلت علي
مااتأخر شويه ورد
علي: ها بيلين
بيلين: علي محتاجتك
علي: وين انتي؟
بيلين: وصفتله مكان المكتب كال جايج وسد
التلفون
دخلت لجوه وعقلي وكف من تفكيير
معقوله يعرفه، صفنت وراجعت كل الاحداث
اي يعرفه
لعد ليش خالو مرتاحله؟ ليش خلاني بحفلة مها
اركص وياه؟ ليش ماما تسئل علي!!
وليش وليش وصارت كل الاسباب صحيحه
كله ادل على انو استاذ علي يعرف ابويه
فزيت عله صوت علي وهو يصيح بأسمي
طلعت اله
بيلين: تعبتك
كلب عيونه وماعاجبه كلامي
علي: عوفي هل تفاهه وكولي شبيج ليش وجهج
اصفر
فر عيونه على المكان وكال
: وليش لهسه باقيه هنا؟؟؟
جريت نفس وكتله
: اكعد داريد احجيلك شي
مشه بسرعه وكعد وكال
: بيلين كلبي خلص احجي شبيجج وجهج مصوفر
اول تالي يصير بيج هيج شجاج احجي
احس جسمي كله كام يرجف وبردت حيل
بيلين: علي عرفت شي عن ابويه
صفن بوجهي واردف بأستغراب
: ليش ابوج مو ميت بيلين؟؟؟
هزيت راسي ب لا
: لالا علي مو ميت مو ميت لا لا
احس فصلت وجسمي بقه يرجف بصوره مو
طبيعيه وعقلي طاار لكل الاحداث الصارت
وياي قبل
فز علي من مكانه من شافني هيج واجه
بسرعه كعد يمي مايكدر يلزمني اباوعله بس يأشر
بأيده يهدي بيه
علي: اهدي بيلين بابا ماكو شي باوعيلي بيلين شوفيني
رفعت راسي اباوعله جر نفس وكال
علي: بدون خوف وقلق وتوتر احجيلي كلشي حته اساعدج
أنت تقرأ
"الحــــــــرمان"
Mystery / Thriller"فتاة ذات عيون بنية" شعر طويل بني تتميز بحباة النمش التي على وجنتيها... واثقه من نفسها قويه غامضه فضوليه وسوف يأخذها فضولها هذا الى ممرات ضيقة ومضلمة حتى ذالك 'المجهول"؟! ...
