﷽
بقلمي انا الكاتبة: زهراء العلي
روايــــــــــــــة: الحـــــــــــرمان
**
ربما قالو ان الحياة لا تتوقف على احد
لكن بعض الفراق يجعل كل ما هو جميل يتوقف ...
او يجعل تلك الضحكات تكون كاذبة
الأفراح لن تكون كما كانت ولا الأيام ستمحي الألم
وستكون ذكراهُم ألماً نعيشه كل ليلة ...
وكل صباح نمثل النسيان .. لعدم لفت الانتباه
الحياة لا تتوقف على احد... لكن تُوقف كل ما هو سعيد ... تجعل كُل مكان كانو به .. لا يوجد به حياة .
فقط ذكريات معهم ..
معلقه كلوحة متحركة على جدران لا تستطيع الخروج منها....
.. ﴾✍🏻 Rana ﴿
**
✧مها✧
اهً من كثرة القيود التي اثقلت كاهلي..
وكثرة الرغبات والأحلام التي قتلت
مُخيلتي..
ليست سلاسلُ من حديد.. ان الحديد بالماءِ يُصدى ...
أنما قيود لا تعلم من أين خُلِقت ..
لكي تجعل كل شيءٍ
مستحيل..٠
.
.
.. هدوء داخلي كأنما مات كُلشيٕ بداخلي وكأن العزاء كان في داخلي فقط! لماذا هذا الهدوء كُله؟ هل انا مت او ماازلت على قيد الحياة؟
غيمه سوداء الون لقد احتلت حياتي وداخلي وقلبي بالـ كامل...
.. نايمه بغرفتي واحس فاصله عن العالم كله
صافنه بدون تفكير بلاشيء
معقوله صار اربع ايام وهيه ماكو؟ يعني خلص اكطع لأمل يمه صار ايام مانايمه واكول ارجع واشوفج معقوله يمه هيج تتلكيني، الكاج متمدده حدر الكاع؟
نزلت دموعي بهدوء واحس حركه صارت بصدري وجسمي من الكتمان يرجف..
سمعت صوت مثل النعي ولطم كمت فتحت باب الغرفه حته اتاكد، فتحته واجاني الصوت واضح
نعي وبجي، اني هل اربع ايام كله ماانزلت ولااطلعت ودموعي بهدوء تنزل واحس حركه صارت بصدري
اخذت شال اسود ذبيته عله راسي ونزلت بهدوء
عله صوت الملايه ونعاويه، وصلت الصاله جانت سوده من النسوان، وكله بقت تباوعلي بس احس اسحل بروحي سحل وبيبي تحاجيني وتبجي
مشيت وكعدت بنص النسوان كبال بيبي، صفنت بوجهه تبجي وجهه مخرمش وثوبه مشكوك اباوع لخالاتي ازيد من حالهه رجعت لنفسي معقوله اني عايشه، لحد هسه!!
بدت الملايه تنعهه وحجيه ااحسه زرف كلبي
_ شتردينن مني
تنشديني شتريدين مني
كلولها كتلني
وحالج يبت امي كتلني
خايبه للكاع ذبني
نطاني الهضم للكاع ذبني
اهه اههه يم مها اهه
: احس روحي تفطرت طكيت عله كلبي
ولجج اههه يمههه يمم مهاا تعااالللي وشووووفي حال بتج
اسمع صوت نسوان تبجي وبيبي تتنحب وتبجي
رجعت لملايه تنعه
_ نحل كلبي
مثل مانحلتو نحل كلبي
ولجج خيهه واخذيني وياج يم المحنه اخذيني وياج
اههه يلحنينهه اههه بـــــــــــــويه
: اااي والله يمهه اخذيني وياج
أنت تقرأ
"الحــــــــرمان"
Mystery / Thriller"فتاة ذات عيون بنية" شعر طويل بني تتميز بحباة النمش التي على وجنتيها... واثقه من نفسها قويه غامضه فضوليه وسوف يأخذها فضولها هذا الى ممرات ضيقة ومضلمة حتى ذالك 'المجهول"؟! ...
