အိမ်အပေါ်ထပ်ကနေ ဆင်းလာတဲ့ ယောက်ျားပျိုတစ်ဦး .။ တီရှုပ်အပွနဲ့ ဘောင်းဘီအပွကိုသာ ဝတ်ဆင်ထားသော်လည်း ဖွံ့ထွားနေသော ခန္ဓာကိုယ်က အလွန်ပင် သိသာနေလေသည် ။ undercut ညှပ်ထားသောဆံပင်ပေမယ့် အပေါ်က ဆံနွယ်ရှည်တွေကို အနောက်ဘက်တွင် စုစည်းထားလေသည် ။ ဆေးလိပ်တစ်လိပ်ကို ဖွလျက်သား ဆင်းလာသည် ။
"သခင်လေး မနက်စာ ပြင်ဆင်ထားပြီးပါပြီ "
" ဦးလေးတို့ပဲ စားလိုက်ပါ ကျွန်တော့်အတွက် ကော်ဖီခါးခါးတစ်ခွက်ဆိုရပြီ အဲ့တာပဲသောက်တယ် "
" ကော်ဖီဖျော်ထားတာရှိပါတယ် သခင်လေး "
"အင်း ကျွန်တော် ဒီနားလျှောက်ကြည့်ဦးမယ် "
ပေးလာတဲ့ ကော်ဖီခွက်ကို ယူလိုက်ရင်း ဆေးလိပ်ဖွာက ခြံထဲကို ကြည့်လိုက်သည် ။ အလေ့အကျပေါက်လေ့ရှိတဲ့ မိုးကြိုပန်းရောင်စုံတွေဟာ အိမ်ရှေ့က မြက်ခင်းနုနုပေါ်တွင် ပန်းခင်းကြီးလို ဖြစ်နေလေသည် ။
"Kim Taehyung သာဆို သဘောကျလွန်းလို့ ပတ်ပြေးနေပြီ "
ခေါင်းထဲဝင်လာတဲ့ ယုတ္တိမရှိတဲ့ အတွေးကို ဖယ်လိုက်သော်လည်း . ခြံထဲက ပန်းတွေကိုကြည့်ရင်း ..
" ဂျွန် ! ကြည့်ပါဦး ပန်းတွေက လှလိုက်တာ ဟန်နီ့ကို ဓာတ်ပုံရိုက်ပေး "
"ဂျွန် ဟန်နီ နဲ့ ပန်းနဲ့ ဘယ်ဟာပိုလှလဲ "
"လူဆိုးကောင် ! လာလေ ဘာကိစ္စ ရပ်ကြည့်နေရတာတုန်း "
ပြန်မြင်လာတဲ့ ဆူပုတ်ပုတ်နဲ့ စိတ်ကောက်နေတဲ့သူ ၊ ပန်းခင်းထဲမှာ ပြေးလွှားနေရင်း ပြုံးရယ်နေတဲ့ သူ ၊ ပန်းလေးတွေကို နမ်းရှိုက်နေတဲ့သူ ၊ ပန်းလေးတွေနဲ့ ဓာတ်ပုံရိုက်ရန် အိုက်တင်ပေးတဲ့ သူ ။
နောက် ပန်းခင်းကြားထဲမှာ အနမ်းပေးလိုက်ကြတဲ့ ကိုယ်နဲ့ သူ ..
တစ်နေရာရာကို ငေးစိုက်ကြည့်နေတဲ့ မျက်ဝန်းထဲတွင် ငွေ့ရည်များလွှမ်းခြုံနေသည် ။ မကြာ.. မျက်လုံးအိမ်မှ မျက်ရည်လေးတစ်စက်က ပါးပေါ်ကို ဖြတ်ပြေးသွားသည် ။
"တော်ပါတော့ !! Kim Taehyung ကို သိပ်မုန်းတယ် "
စိတ်တိုတိုနဲ့ လက်ထဲက ကော်ဖီကို သောက်လိုက်သည် ။ ခါးသက်မှုက တစ်ကိုယ်လုံးကို တုန်ခါစေသည် ။ သေချာတာကတော့ ကော်ဖီက အရင်သောက်နေကျလောက်တောင် မခါးပေ ..။
YOU ARE READING
𝖫𝗈𝖵𝖾 𝖬𝖾 𝖠𝗀𝖺𝗂𝗇 On Rainy Days
FanficI wish you would love me again Kim Taehyung Kim Taehyung × Jeon Jungkook Taekook OST - Love me again & Rainy Days by Kim Taehyung 6K ပြည့်သွားတဲ့အတွက်အများကြီး ကျေးဇူးတင်ပါတယ်ရှင့် ။။ ဒါလေးကတော့လက်ဆောင်လေးပါ ။ Update မမှန်တာက...
