اصوات موسيقى
هوسة وصخب لابعد درجة
عرس ملكي اگدر اگول
قاعة تحلم كل بنية تتزوج بيها
فستان ولا بالاحلام اشبه بفساتين اميرات ديزني بس
هذا مو حلمي ..
هذا مو مكاني ..
وهذا مو الشخص الي تمنيت اتزوجه ...
اخذت نفس عميق حتى ما ابجي واخرب المكياج
ذكرت نف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أولئك الذين ضغطوا على جرحي اكثر في أوج نزيفهِ أولئك الذين تركوا روحي في حين انها تئن مُرتعدة في سراديب الخيبة لمْ ألحق بيهم كيداً ولمْ اسعَ جاهدة لكسرهم ولمْ اكرس وقتي لمطاردة ايامهم برد الاذى ورد صاع الخذلان صاعين لكنني قررتُ هجرا لا رجوع فيه ، ونويتُ عدم الالتفات للوراء ولو كلفني ذلك التخلي عن قلبي وحيداً يصارع ذكراهم .
سديت الكتاب بعد ماقريت هاي الكلمات واثرت بيه بشكل غريب حسيت كلش تنطبق على مشاعري غريبة الكتب شلون تكدر تلامسنا وتلامس مشاعرنا والاغرب من هذا شلون كلماتهم مشابهه لاحداث حياتنا معقول كلنا نتشارك نفس الألآم لو مجرد كلمات يكتبوها وبالصدفة تطلع مشابهه ...
اخذت نفس عميق وسافرت بخيالي وذكرياتي الاليمة والموجعة كل ذكرى طابعه ومحفورة بگلبي ما اگدر انساهن بالعكس داتذكرهن كل يوم واغذي نفسي بيهن ما اسمع لنفسي انسى ولا تفصيله ما لازم انسى ابد ابد هالذكريات تاريخي وهن الي صنعن رَيا اليوم ..
نبدأ من اليوم الي تغيرت بي حياتي وصار نقطة التحول يوم حفلة التخرج ..
مادري ليش اختارو هذا التوقيت بالذات للحفلة جنت بحالة يرثى لها ووضع مأساوي لدرجة مالحكت حتى اشتري طقم للحفلة ولا اسوي اي شي ضلت غصة بگلبي واني اشوف البنات يجهزن وفرحانات واني ما اكدر اصير مثلهن او ماعندي وقت اجهز ف قررت بالاخر ما راح اشارك بالحفلة ..
صحيت على صوت الممرضة وهي تگلي انو نگدر نخرج بابا بعدما تحسنت حالته الحمدلله ..
طلعنه من المستشفى بالليل ووضعه شوية احسن من قبل يومين لان ورا اخر مرة سوه غسل كلش تعب وما تحمل واني شلت فلوسي كلها وذبيتها على هاي الوعكه الصحية ..
