آل هارون "الصفقة القاسية"
بقلمي: لين الجاف
لتنسون التصويت + التعليق + متابعة حسابي @leenaljaf
فضلاً وليس امراً 🌸
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لحظات ما اگدر اوصفها من الخوف والرعب وگع التلفون من ايدي ونزلت ركض شفتهم طلعو بابا بالسيديه وخلو بسيارة الاسعاف بسرعه وماما طلعت تركض ورا ومملخه روحها بالبجي
- ولج رَيا ابوج ابوجججج
رَيا - مابي شي ماما عفيه خلينه نلحكهم بسرعه
مشت سيارة الاسعاف واني اخذت ماما بسرعه للسيارة ولحكناهم ماما تبجي ومملخه روحها واني بين الواعية والمصدومة مداكدر اصدك حجيها
عقلي رافض يقنع بكلامها مستحيل بابا يعوفني ..
جانت دموعي تنزل بدون ما احس وهمام يحجي وياي بس فاصله ما اسمع صوته كلشي اختفى داير مدايري واخر شي ضلمت الدنيا بعيني ومحسيت بشي بعد ...
فتحت عيني لگيت نفسي بغرفة المستشفى ايدي مشكل بيها المغذي
باوعت بالغرفة شفت همام گاعد على الكرسي وصافن
رَيا - همام
التفت راسا وتقرب عليه
همام - ها گعدتي شلونج شتحسين
رَيا - همام بابا شبي
همام - مابي شي لتخافين عايش ترا
رَيا - والله عايش؟؟؟ يعني مبي شي
همام - عايش والله وراح يسووله العمليه
گمت بسرعه وخرت المغذي رغم دايخه
همام - على كيفج رَيااا ايدج ضلت تنزف
رَيا - مو مهم فدوة گلي وينه
مشه گدامي وطلع من الغرفه ولحگته صار بوجهي باهر
باهر - هاي ليش گمتييي
أنت تقرأ
ال هارون "الصفقة القاسية"
Romanceاصوات موسيقى هوسة وصخب لابعد درجة عرس ملكي اگدر اگول قاعة تحلم كل بنية تتزوج بيها فستان ولا بالاحلام اشبه بفساتين اميرات ديزني بس هذا مو حلمي .. هذا مو مكاني .. وهذا مو الشخص الي تمنيت اتزوجه ... اخذت نفس عميق حتى ما ابجي واخرب المكياج ذكرت نف...
