اصوات موسيقى
هوسة وصخب لابعد درجة
عرس ملكي اگدر اگول
قاعة تحلم كل بنية تتزوج بيها
فستان ولا بالاحلام اشبه بفساتين اميرات ديزني بس
هذا مو حلمي ..
هذا مو مكاني ..
وهذا مو الشخص الي تمنيت اتزوجه ...
اخذت نفس عميق حتى ما ابجي واخرب المكياج
ذكرت نف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نمت ودمعتي على خدي جنت متمنية اكون وي باهر وما اضطر لهيج اختيار .. گعدت الصبح ب 6 تقريبا لان عندي دوام وهم لگيته دازلي هواي رسائل يترجاني بيها صفنت ليا درجة واصل من اليأس وينه هذاك باهر الشايف نفسه ومحد ييگله على عينك حاجب صدك الحب يذل كلش هواي
اخر شي خابرني من شافني اقرا وما اجاوب تفجأت لان گاعد بهيج وقت
باهر - فكرتي
رَيا - اي
باهر - وشنو رأيج
رَيا - طبعا لا اذا انت بلا احساس وناوي تأذي اخوك واهلك ف اني مو مثلك اني ضميري حي مقبل يأذي انسان ماشفت منه غير كل خير ما انكر مشاعري ابد بس ما اكدر
باهر - يعني راح تتخلين ؟
رَيا - انت تخليت اول رجاءا لتعيش دور الضحية وتعتبرني اني الظالمتك انت دمرتني خاف نسيت وانت الي كسرتني
باهر - اخر كلام عندج
رَيا - اي
باهر - كلشي راح يصير انت مسؤوله عليه
رَيا - متهدنني انت
باهر - بعدين تشوفين بعينج
سد التلفون بوجهي واكتشفت مراح ينعدل بعمره راح يضل بس يلعب ويكسر گلوب الناس ..
دخلت على الصور المخفية ودمعت عيوني شگد جنت مرتاحه وفرحانه ويا بس القدر اله رأيي ثاني راسا طلعت من الصور ومسحت دموعي نزلت سويت شي اكله على السريع ورجعت بسرعه بدلت ملابسي وتمكيجت وجهزت اخذت تكسي ورحت للشغل نفس الروتين بديت اتعلم على الشغل وصارت عندي جرأة اكثر ابو همام جان كلش مرتاح من ناحيتي ويگلي خوش تشتغلين وكذا ف عجبني الشغل كلش ..
