اصوات موسيقى
هوسة وصخب لابعد درجة
عرس ملكي اگدر اگول
قاعة تحلم كل بنية تتزوج بيها
فستان ولا بالاحلام اشبه بفساتين اميرات ديزني بس
هذا مو حلمي ..
هذا مو مكاني ..
وهذا مو الشخص الي تمنيت اتزوجه ...
اخذت نفس عميق حتى ما ابجي واخرب المكياج
ذكرت نف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رَيا : دخلت على الحساب چان مكتوب باهر هارون وحاط صورته وحسابه چان خاص ومتابعينه قليلين
ضحكت بهل سرعة!!
وافقت عليه من باب الادب وبالاول والاخير هو اقارب صديقتي المقربة يعني ماكو مشكلة ..
فجأة دگ موبايلي وكالعادة دالي
جاوبتها : ها بسبس شلون صرت هستوني افكر بيك
ما اسمع إلّا صوت شگاتها
رَيا : ولچ يستاهل دموعچ هل كلب !!
داليا : رَيا خربت كل شيء حرفيًا كُلّه من أيدي
رَيا : سمي باسم الله وفهميني شكو
داليا : عافني حچتها وجرتها بچية
رَيا : ديلا عايفچ الأمير ويليام هو مهند ابو النسوان
داليا : ريا مو وكت شقاچ ابدًا
رَيا : مدا اتشاقه فعلًا ابو نسوان وفگري ويبيع شرف عليچ شوفي نفسچ باوعيلها كم فرصة خسرتي علموده كم واحد رفضتي علموده !! وهياتچ راح تتخرجين وهو بعده يماطل بسالفة الخطبة شمنتظر مثلا ؟؟ علاقتكم ما الها ملامح واضحة بس دَيستغل حُبّچ اله خلاص انهي هل مهزلة وشوفي حياتچ
داليا : رَيااا بالمنطق وأن چان مريض ما يمنع كونه رجال ومحرَّم عليه بس اللي مدا يفهمه هاي بيئيتي وتربيتي ، الله شاهد طول عمري ما شفتهم غير اخواني بس هو !! رَيا تخيلي يگول "ما توقعتچ هيچ رخيصة" تخيلي رَيا هيچ يفكر بيه آني!!
