نمضي وتمضي الحياة
وتبقى الذكريات خالدة للابد ..
جانت فترة كلش صعبه بالاخص بعد ما انتشر الفيديو
والشي العجيب جان شلون انتشر بهاي السرعه وشلون تداولته الصفحات شلون محد يخاف على عرض الناس وياخذون كلشي بضحك وتصنيف
يضحكون ويتناقشون ويعزفون على جراحنا واحنه هنا منهارين ومانعرف شنو نسوي ..
وحدة رخيصة ..
بايعة نفسها ..
هي هاي اخلاق بناتنا هالوكت ..
هي قابله لو ماقابلة ماتلبس هيج ..
وين اهلها ..
لو هاي اختي لو مرتي اذبحها ومايرفلي جفن ..
وغيرها وغيرها من التعليقات الي يكتبوها بسهولة بس ميدرون بسبب هالكلمات ممكن يتسببون بقتل روح بريئة انظلمت او تدمير حياتها للابد ..
بجيت من الخنگة احس شي كاتم على صدري هاي الاحداث كلها اذتني واثرت بيه ما اگدر اتصنع القوة طول الوقت وابين اني القاسيه الصعبه الي ميأثر بيها شي ولا تهتم لاحد بالنهاية اني هم بشر وعندي احساس ..
اندعيت من گلبي تعدي على خير ويظهر الحق بسرعه ولو احنه بمجتمع حتى لو ظهر الحق يبقى الغلط بالبنيه بس لان هي بنيه وكأنو هالشي كافي حتى يدينها ..
سمعت صوت صرخة نشفت دمي صوت رجال مو مره اريد اطلع من الغرفة وخايفة اني الي بعمري ماخفت من شي اليوم خايفة ومرعوووبه لدرجة
رجلية متعيني حتى اكوم واطلع من الغرفة واشوف شكو !!!
______________
قريبا جدا ان شاءالله راح ينزل البارت الاول اتمنى تشاركون القصة بينكم ومتاكده راح تعجبكم كلش ضيفوها للمكتبة واصبرو وياي وراح نستمتع سوه 🩷🩷
احبكم كلش هواي
أنت تقرأ
ال هارون "الصفقة القاسية"
Romanceاصوات موسيقى هوسة وصخب لابعد درجة عرس ملكي اگدر اگول قاعة تحلم كل بنية تتزوج بيها فستان ولا بالاحلام اشبه بفساتين اميرات ديزني بس هذا مو حلمي .. هذا مو مكاني .. وهذا مو الشخص الي تمنيت اتزوجه ... اخذت نفس عميق حتى ما ابجي واخرب المكياج ذكرت نف...
