اصوات موسيقى
هوسة وصخب لابعد درجة
عرس ملكي اگدر اگول
قاعة تحلم كل بنية تتزوج بيها
فستان ولا بالاحلام اشبه بفساتين اميرات ديزني بس
هذا مو حلمي ..
هذا مو مكاني ..
وهذا مو الشخص الي تمنيت اتزوجه ...
اخذت نفس عميق حتى ما ابجي واخرب المكياج
ذكرت نف...
ابتسمت ودارت وجهها واني عبالك الدنيا ضحكتلي بهاي ابتسامتها اخذت الموافقة كملت الطريق والابتسامه شاگه حلگي شگ
وصلتها ورجعت للبيت ...
............................. رَيا - مر اسبوع كامل وباهر ماگعد رغم ضوجتي منه بس كلبي نار عليه مايفارگ بالي ابدد وبكل لحظة ادعيله همام حالته حاله مايهدأ ولا يرتاح ابد وكل يوم بالمستشفى على امل يگعد وبصراحة الكل متدمر ..
اجت امه للبيت تغسل وتبدل رحت يمها اواسيها شويه
- راح اموت والله هذا حظي ولدي اثنينهم متعلعلين ما ارتاحيت ولا هدالي بال ابد
رَيا - لتحجين هيج عفيه والله هذا اختبار لصبرج اكيد رب العالمين راح يريح بالج
- مديگعد ووضعه نفسه ماكو تغيير
رَيا - زين شكال الدكتور
- غيبوبة لان صاير عنده نزيف بالدماغ
رَيا - يا ويمتى يگعد منها
- مامعروف
رَيا - الله يشافي وميكسر كلبج عليه
- ادري بي كسر كلبج ويمكن هاي حوبتج
رَيا - اني مسامحته والله ومقهوره عليه بگدكم يبقى اخو زوجي مهما صار ويانه
