اصوات موسيقى
هوسة وصخب لابعد درجة
عرس ملكي اگدر اگول
قاعة تحلم كل بنية تتزوج بيها
فستان ولا بالاحلام اشبه بفساتين اميرات ديزني بس
هذا مو حلمي ..
هذا مو مكاني ..
وهذا مو الشخص الي تمنيت اتزوجه ...
اخذت نفس عميق حتى ما ابجي واخرب المكياج
ذكرت نف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وگعت بين ايدي ضليت مخترع اباوع بطنها تنزف قميصها الابيض صاير احمر من الدم شلون ماحست بوجع !!!!
شگيت وصله من قميصي وخليتها على جرحها وضغطت عليه قوي حتى ماتفقد دم هواي اتصلت على الاسعاف والشرطة اتصلت بيهم مسبقا اصلا جنت خايف عليها لا تموت بين اديه وبالي وي الهجوم الصار خاف واحد ثاني تأذة ...
وصلت الشرطة والاسعاف بنفس الوقت واختفى صوت الرمي شلتها وركضت بيها بسرعة لبرا لگيت الحارس بالگاع لا ايد ولا رجل خليتها بسيارة الاسعاف بسرعه وواحد من الشرطة تقرب منه يشوفه عايش لو ميت وطلع عايش بس فاقد وعيه.
الشرطة دخلو للمكان يفتشون بهذا البلد ماكو شي سريع ينتظرون الجريمة تخلص يلا يوصلون وبعدين تنسي وتروح ..
دخلت تاكدت من العمال مابيهم شي واخذت تلفوني ومفاتيحي ولحكتهم للمستشفى گلبي نار عليها .. وصلنه دخلوها بالسدية واني وراها اخذوها للطوارئ بعدين دخلوها عملية عاجلة گعدت انتظر بعدين خابرت داليا
باهر - الو داليا
داليا - هلو شلونك
باهر - داليا خابري على اهل رَيا
داليا - ليشش صاير شي
باهر - اي صار هجوم مسلح على المعمل واجتها طلقه تايهه
