لاقيتك صدفه يامحاسن هالصدف

Part 3

السلام عليكم ورحمة الله وبركاته

الكاتبه : ريـِوف

{ لاقيتك صدفه يامحاسن هالصدف }

سديم اللي كانت تفكر في عبدالله اللي لفت انتباهها وأعجبت به
سديم : بنات ذاك الولد اللي كان لابس ثوب اسود من هو ؟
عهد : تقصدين عبدالله ؟ ، سديم : مدري إذا هو والله ليه وش يقربلك
عهد : اخوي
سديم : اها تمام
عهد : بس ليه تسألين ؟
سديم : ابد والله بس اسال مو مهم
ارياف : عهد وخري اخوك عن سديم لا اتوطاك ابيها لغيث
عهد : يبوي حرام عليك غيث خايس خلها لعبدالله
ارياف : وخريييي بسسس
عهد : انقلعي لا الطمك الحين
ارياف : كفففف
سديم تناظرهم وهي مستغربه ومخروشه من الوضع هذا
سديم : بنات وي اشبكم خوفتوني ! ارياف وعهد لفو على سديم
ارياف : ترا نمزح أصلا اخواننا مايستحقونك انتي احلى
سديم : أشوى
______________
-في الليل-
البنات كلهم نامو إلا سديم اللي كانت تهوجس في عبدالله وتبدا تحس بمشاعر تجاهه تجيها رساله من غيث فتحتها غيث : يلا انتظرك
سديم قامت ولبست عبايتها وطلعت للسطح لقت غيث موجود
غيث : سديم تعالي ابغى اكلمك بموضوع ..... سديم ناظرت لقت غيث مجهز شاهي وفصفص ومعه فروه عشان البرد وقربت منه سديم جلست جمبه وغيث اللي كان هيمان فيها وبس كل تركيزه معاها لفت سديم عليه
سديم : ها غيث وش موضوعك خلصني .. غيث : والله ودي اسولف
سديم : وليه أنا ؟ ، غيث : قلت لانك اعترفتي لي بسولف معك شوي
سديم : اها طيب ، بدأ غيث يفتح مواضيع مع سديم ويتعرف عليها
سديم : إلا بسالك غيث كم عمرك انت ؟ ، غيث : 20
سديم : داخل جامعه ولا ؟ ، غيث لف عليها ونزل راسه
غيث : لا والله ماقدر ادخل
سديم : ليه ؟
غيث : والله انشغلت ويعني ماعندي وقت للمذاكره واروح وكذا
سديم : سجل أنا بساعدك تدخل جامعه
غيث : تتوقعين يدخلوني وانا عمري 20 ؟
سديم : ايه عادي بروح اجيب لابتوبي وارجع لك
غيث : طيب انتظرك ، قامت سديم من عند غيث ونزلت وتوجهت للغرفه جلست تدور لابتوبها لقته واخذته وطلعت للسطح وجلست
سديم : الحين بفتحه وبسجل لك وبخليهم يعطونك اجازه فتره لين ترجع
غيث : طيب يلا
سديم فتحت لابتوبها ودخلت على سجلات وبدت تاخذ اسم غيث
سديم : غيث وش اسمك الكامل
غيث : اسمي غيث بن فهد بن محمد
سديم سجلت اسم غيث الكامل والعمر والصف وكتبت له اجازه فتره
سديم : الحين ننتظر القبول ويمكن يطول عشان يتشاورون
غيث : شكراً سديم الله يعطيك العافيه ، سديم لفت على غيث وابتسمت
غيث تجمد مكانه وجلس يناظر وجه سديم ويتاملها ويتأمل ضحكتها
سديم لاحظت نظرات غيث : غيث شفيك ؟ ، غيث مايرد عليها وهو غرقان بهواجيسه عن سديم وبس يتأمل وجهها ويدور بباله كل خيالاته
سديم حطت يديها على كتف غيث وفز وناظر في يدها وهي شالتها
سديم : شفيك ؟ ، غيث ناظر لسديم : مافي شيء بس كنت افكر
سديم : تمام يلا بنزل أنام ، غيث : طيب نوم العافيه ، سديم قامت من مكانها ونزلت لغرفتها لقت رحاب صاحيه رحاب لفت على سديم
رحاب : وين كنتي ؟ ، سديم توترت وماعرفت وش تقول وماردت
رحاب : سديم وين كنتي ليه لابسه العبايه ؟
سديم : ولاشيء انسي بنام
رحاب : ماتنامين لين تقولين لي وين كنتي
سديم : نزلت اشرب مويه ولبست العبايه عشان العيال لو دخلو بلغلط
رحاب ما قتنعت بس سلكت لسديم : طيب طيب
سديم نزلت العبايه وانسدحت وهي كلها هواجيس في عبدالله غفت...
______________
-في اليوم الثاني-
الحريم جالسين يتقهوون وغرفه البنات كل الاطفال فيها
سديم : حشى هذي حضانه ماهي غرفه
ارياف : صادقه بس وش الحل مع ذول
عهد : لازم ننقل غرفه ثانيه
ارياف : جده بتصفقنا كل الغرف ماخذينها الحريم
سديم : كل حرمه تاخذ ورعها معها مو ترميه علينا حضانه حنا
رحاب : صدق
جت تركض سجى وفتحت باب البنات لفو البنات عليها وجت جلست
سجى : بناتت الرجال بيطلعون يتمشون
ارياف : طيب شنسوي لهم ؟
سجى : ياغبيه هم لهم غرفه منفصله عن البيت هي مقلط مدري مجلس
ارياف : ايه صحح بس متى بيطلعون
سجى : مدري اظن الليل
سديم : حلو نروح ذيك الغرفه
رحاب : بس ننتظر يروحون وتنحل امورنا
هنوف : بس من اللي بيروحون ؟
رهف : اظن كلهم
سجى : اي كلهم
ليالي : وناسههه فلهه
همس : لا تتحمسين يمكن يكنسلون
شجون : اسكتي بالله خلينا نتحمس
عهد : همس مخربه المتعه دزي
همس : اصه بس
ليالي : عموما بناتت خل نضيع وقت نسوي اي شيء
أرياف : الجو برا حلو شرايكم نطلع السطح
سديم : قدام ونأخذ شاهي وفرش وفصفص وشيبس
عهد : جويي
سديم : يلا خل ننزل
عهد : أنا بجيب الفرش
همس : بجيب الفروات
سديم : بجيب الشاهي
ليالي : بجيب الفصفص
ارياف : بجيب الشيبسات
شجون : وحنا والبنات الباقين بنطلع السطح ننتظركم
رهف : يلاا
نزلت سديم وعهد وهمس وليالي وارياف وطلعو البنات الباقين
اخذو كلشي يبونه وطلعو للسطح فرشو الفرش وحطو الشاهي والفصفص والشيبسات وبدو يتصورون ويصورون الجلسه
بعدها جلسو يسولفون عن مواضيع كثير جلسو لين جا الليل يسولفون
هنوف كانت تناظر ولفت على البنات : بنات العيال مشوووووو
سديم : صدقق؟
هنوف : ايواااا يلا ننزل
اخذو الفروات معهم والشيبس والفصفص والشاهي وسحبو على الفرش
ونزلو ركض ورا بعض وهم متوجهين ناحيه الباب لاحظتهم ام همس
ام همس : وين رايحين ؟
سديم : ابد ياخاله رايحين مقلط الرجال هم راحو ونبي نتكي فيه
ام همس : تمام
مشو كل البنات إلا سديم رجعت للغرفه اخذت السماعه والرقص الشرقي
نزلت لحقتهم ودخلو للمقلط حق الرجال جلسو يسولفون شويه
سديم طلعت السماعه ولبس حق الخصر على عددهم
سديم : يلا بنات نرقص
أرياف : انتي ارقصي حنا مالنا خلق ويمكن نتحمس ونقوم
سديم لبست حق الخصر الرقص الشرقي وشغلت - عم ياصياد -
- عم ياصياد عم ياصياد -
- رميت شباكك فين؟  -
- كل ما اجي اصطاد -
- يطلعلي كوم تعابين -
وقامت ترقص وتحرك خصرها مع اللحن وترقص باحترافيه
ارياف مسكت جوالها وصورتها وهي ترقص
سديم كانت تاره تحرك خصرها يمين وتاره يسار وتلف وتنزل وترجع توقف وتحرك خصرها فوق وتحت وتحرك أكتافها وشعرها يتحرك
بكل حركه تتحرك فيها شعرها يتحرك وارياف تصور
عهد : ايواااا كفووو سديممممم
قفلت ارياف التصوير ونزلت الفيديو ستريك لكل اللي عندها
عهد تحمست وقامت هي وأرياف ولبسو حقت الخصر وقامو يرقصون
عهد : علميني سديممم
سديم تعلمهم وترقص معهم وتحرك خصرها باحترافيهه
______________
-عند العيال-
لقو مكان حلو بعيد واتكو فيه ونزلو عزبتهم وولعو النار ولبسو الفروات
جلسو يسولفون شوي وقام يوسف
وليد : هي وين رايح
يوسف : بجهز العشا لنا
وليد : اها تمام روح
غيث دخل السناب لقى ستريك ارسلته اخته بس مافتحه خايف تكون مصوره نفسها ويشوفونها العيال اللي جمبه قام من عندهم
وليد : وين رايح انت الثاني
غيث : بروح شويات وارجع
مشى غيث وراح مكان شوي بعيد عن العيال فتح الستريك حق اخته
بدال مايكون وجهها كانت سديم وهي ترقص شرقي كان منصدم
ومو عارف من هذي
غيث : شكلها ذي ارياف مو واضح إلا من ورا بس ارياف شعرها مب كذا اجل من
غيث رفع الصوت شوي وسمع تعزيز البنات وبدا يركز في الرقص
غيث : ماشاء الله تبارك الله من ذيي حلوه وشعرها ورقصها حلو
غيث اللي سمع صوت عهد وهي تقول كفو سديم غيث انصدم
غيث : هذي سديم ؟؟!! ، مو راضي يستوعب وكيف انغرم فيها اكثر
غيث اللي مارد على ستريك ارياف ولا قال شي خاف تسوي شي
رجع غيث للعيال
___________
يتبع....