لاقيتك صدفه يامحاسن هالصدف

Part 15 والاخير

السلام عليكم ورحمة الله وبركاته

سديم فتحت جوالها ودخلت على الانستا
سديم : غيث فاتتك الرحله ولا لسا؟
غيث : ايه فاتتني ولا ابي اروح طز بالجامعه
سديم : افا ليه ليه
غيث : تخيلي اتركك هنا؟ بيزوجونك
سديم : أشوى بس ترا قلنا لجدي عن ليالي
غيث : ها صدق
سديم : ايوا قال لامها وهي يطلعون من الديره
غيث : احسن شي بنفتك
سديم : ايه والله
________
رهف : شكرا خالد ماقصرت ساعدتني عشان اتخلص من ذا
خالد : عفوا واذا بغيتي شيء قولي لي مارح اقصر معك
رهف : يعطيك العافيه
خالد : يلا سلام بغيتي شي
رهف : سلامتك
خالد : الله يسلمك
_______
بعد سنتين .....
غيث : يمه ابي اعرس على سديم تكفين
ام غيث : سديم لاااا
غيث : يمه ليه سديم مافيها شيي
ارياف : ماتستحقك
غيث : ارياف انطمي متى ترجعين بيتك بس
ارياف : جالسه عندكم
غيث : طفشتي ديم ماعندنا ورعان هنا عشان تجلس معهم
ارياف : بنتي وبكيفي
غيث : دزي
ام غيث : تمام بخطبها لك بس بعد زواج سجى
غيث : كم باقي عليه
ام غيث : خلاص بكرا هو
ارياف : يوهه ماسويت اعتناءءء
ام غيث : قلت لك من البدايه
ارياف : بقوم اسوي الحين
غيث : شغل الحريم المهم يعني بعد بكرا بتخطبينها
ام غيث : ايه
غيث حس بفراشات
_______
سديم : والله مشكله ذي الأظافر لازم ابردها
رهف : ايه والله والمشكله بكرا العرس وانا يادوب اجهز لمُلكتي
سديم : والله انتي وخالد من يوم المهووس ذاك جمعكم حبيتم بعض
رهف : ساعدني اتخلص من ذاك وبيصير زوجي ههههه
سديم : لا تستعجلين
رهف : معليك المهم شوفي ذا الماسك يقولون ينعم البشره
سديم : والله سويه
رهف : تم
______
-بالعرس-
لبست سديم فستان اسود ومن فوق ابيض ولبست كعب ابيض وسوت شعرها ويفي طلعت فاتنه شافت البنات وجت جلست عندهم وحضنتهم طلعو البنات يتصورون وتصورت معهم دخلو الغرفه عند سجى
سجى : بنات متوتره
ارياف : ابشرك الامور تحت السيطره
دق الباب فتحت سديم لقت ترف
ترف : ارياف ترا ديم طاحت على الارض وجالسه تبكي
ارياف : يويلي من هالقرده أنا اخلي عبدالله يتفاهم معها
طلعت ارياف من عندهم ورا ترف وهي تدور على ديم
سديم قفلت الباب : معليك منهم مسكينه ارياف
سجى : خايفه
سديم : تدرين ترا انس ماخذك عن حب
سجى : وانا ادري وليد قال لي
سديم ضحكت والمصوره التفت لسديم
المصوره : يلا وقتكم تتصورون مع العروس
سديم : ابشري بس خل ارياف تجي
ارياف دقت الباب ودخلت : معليش بنات وديت ديم عند امي
سديم : يلا بنتصور مع سجى
ارياف : يلا
قربو البنات من عند سجى وجلسو جنبها وتصورو وكل وحده تصورت لحالها مع العروسه طلعت سديم ودخلت للقاعه وجلست جنب ام غيث
ام فهد: ماشاء الله يابنيتي انتي بنت من
سديم : أنا ؟ أنا بنت سعود
ام فهد : من امك
سديم : امي شوفيها هناك ، اشرت سديم على امها
ام فهد : كم عمرك
سديم : 20
ام فهد : ماشاء الله بوريك ولدي
سديم توترت ماعرفت وش تقول انتبهت ام غيث لسديم والحرمه
ام غيث : هيه لا هذي مخطوبه
سديم باستغراب : وش متى
ام فهد : من من
ام غيث : هي خطيبة ولدي غيث
سديم : هي شلون متى انخطبت
ام فهد : هي تقول م انخطبت
ام غيث : هي محجوزه لولدي وبكرا خاطبينها
ام فهد : اها
البنات رجعو لعند سديم
سديم : بنات شرايكم ندبك
عهد : يلا تممم
ارياف : م اقول لا
سديم : بس احس بعد ماتنزف نقفل البوفيه ونشغل الاغنيه
ارياف : اي احسن كذا
جا وقت الزفه وانزفت سجى على - فاز بها -
- لا اله إلا الله 2x -
- محمد رسول الله -
انزفت سجى وطلعت للكوشه وقفت شغلت المطربه ياخوات العروس
قامو البنات طلعو للكوشه ويرقصون مع سجى
- ياخوات آلعروس الله عطاكم جمال -
- يابنات عمها لفو عليها -
لفو البنات عليها وهم يرقصون ويضحكون وسجى تضحك
خلصت الاغنيه وتكلمت المطربه
المطربه : العريس بيدخل عند العروسه البسو عباياتكم وتغطو
ملاحظه : ( البنات مايتغطون عن العريس ولابسين فساتين ساتره ) دخل العريس عند العروسه ووقف بالكوشه وحولهم البنات وخلو المطربه تشغل ( فرحتنا ) اشتغلت وبدو يغنون مع الاغنيه
- مبروك مبروك ياعريس افرح وتهنى -
- مبروك مبروك جبنالك غزال محنى -
- غزاله وتغازلو جايز لك وجايز لو -
قام يهز اكتافه انس قدام سجى وهو يتاملها ويضحك والبنات يضحكون
- جايز لك تقووو وتبوسو على خدودو -
قرب انس من سجى وعطاها بوسه بخدها وهي ابتسمت مستحيه
- عروستنا احلى من القمر بشويه -
مسكو البنات يد بعض وقامو يدبكون حول العريس والعروسه والكل يصفق وفرحانين لانس وسجى
- عروستنا احلى من القمر بشويه -
- ليما جلوه حلوه خلقه ربانيه -
- ياشمسنا وقمرنا بالسما طوفوا -
- احلى من عروستنا مارح تشوفو -
دبك انس مع البنات بدون مايمسكهم ومسك يد سجى ويبيها تدبك بس الفستان مو مخليها وحاولت تدبك معهم وجلسو يضحكون
خلصت الاغنيه وهم يضحكون شغلو - خذها امانه - ويغنون بصوت واحد
- خذها امانه ياحفيظ الامانات -
- اغلى الغوالي في يمينك امانه -
- تصونها صون الكرام العفيفات -
صفقو المعازيم ونص المعازيم البنات بدو يغنون معهم
انتهت الاغنيه ودخلو البوفيه وطلع العريس
انتهى العرس وراحت سجى مع انس
وقفو البنات لبسو عباياتهم وطلعو وكل وحده راحت بيتها
_______
ام سديم صحت سديم من نومها
ام سديم : سديم قوميي تجهزي البسي فستان وانزلييي
سديم : يمه شفيه
ام سديم : في خطاااببب
سديم : يمهه من
ام سديم : تشوفين لمن تنزلين اجهزي ، طلعت ام سديم من الغرفه ونزلت لام غيث
- عند ابو سديم -
ابو سديم : حياكمم
ابو غيث : طالبين القرب منكم نبي سديم لغيث
ابو سديم : نتشرف بولدكم وفيكم
غيث : ياعمي متى بتنزل سديم
ابو سديم : ابد الحين نازله
ابو سديم : يلا نطلع يابو غيث عشان العرسان يجلسون مع بعض
طلع ابو سديم وأبو غيث ودخلت سديم بفستان وردي وهي متمكيجه
رفعت راسها لغيث وهي مصدومه
سديم : غيث
غيث : لبيه عيونه دنيته امريني وتدللي
سديم : ماكنت ادري انك انت
غيث بغمزه : بتوافقين؟
سديم : اكيددد ، جلست سديم عند غيث وهي تناظر له ومستحيه
غيث : حب ثلاث سنين مقدما قبل اعرف انك حب الطفوله بس نقول صدق 17 سنة حب وبالنهايه ما اخذك ؟ اعقبب
سديم بضحك : الله يقطعك استحيت
غيث : وش الميانه ذي
سديم : مالك دخل ترا مابوافق
غيث : لا امزح خذي الورد ذا جبته لك ومكتوب طالبين القرب منكم
سديم : ترا اعرف اقرا ماني بحوله
غيث : لا تزعلين امزح
سديم : طيببب هممم شكراً بصير المناسبه
غيث : تكفين أنا مستعجل على زواجنا خل نسوي زواجنا بعد اسبوعين سديم : لا يشيخ مافي بدور احلى فستان
غيث : عشانك بس
________ ( تسريع الاحداث )________
بعرس سديم ....
سديم : يوه بنات كتمه مافي تكييف
المصوره : هنا بس مو مفتوح افتحه ؟
سديم : اي يعطيك العافيه
المصوره : يلا بنات اطلعو صار وقت العريس يدخل يتصور مع العروس
سجى : تمم
طلعو البنات ودخل غيث يتصور مع سديم
المصوره : سوو حركات حب
سديم : لا مابي
غيث : سوي ابي اشوف
المصوره : امسكها من خصرها
سديم : لااع مافي
غيث : الله يصجك تراني زوجك
سديم : مابي مالك دخل بطلقك
غيث : وش اللي تطلقيني حبيبي انتي حلالي
سديم : يماما وخررر
المصوره : بتعب معكم
-بالقاعه عند البنات -
أرياف : ماني مصدقه خويتي المقربه بتتزوج اخوي المعفن
سجى : هدي علينا
عهد : ترا ماهي بطايره
شجون : إلا بنات شصار على ليالي ؟
هنوف : اي ولله ودي اسألكم من اول
همس: خلاص لاتجيبون طاريها
رحاب: صادقه همس
ارياف : ماصدقنا نفتك منها تكفون انطمو
عهد : يع مدري كيف كنت مصدقتها
ارياف : قلت لكم بيجي يوم وتندمون
عهد : سكرو على السالفه
ارياف : بنات لا تنسون ترا سديم قالت على الساعه كذا بتطلع تدبك معنا وتبينا نشغل دبكه عمي حسين
عهد : القدحه
ارياف : مايهمها ذي كلام الناس
عهد : احسن شي
ارياف : صادقه
سجى : بنات ترا الساعه الحين زي ماقالت سديم
ارياف : طيب دقايق بروح لها
ارياف طلعت من القاعه ودخلت للغرفه عند سديم وغيث
ارياف : يلا سديم
سديم : ابعد بروح معهم ادبك
غيث : ابك لا
سديم : مو شغلك ببدل واروح
بدلت سديم وراحت مع ارياف وشغلو دبكه عمي حسين
بدو البنات يدبكون ويضحكون وام غيث تضحك صادت سديم
ضحكو البنات وناظرت سديم لامها اللي كانت تأشر يويلك
انخرشت سديم بس م اهتمت وكملت دبك مع البنات شغلو مصري
وقامت ترقص سديم ومعها ارياف وسجى
- هم استغنو عني -
وقامو يرقصون ويهزون بخصرهم
ام غيث : يويلي الحين بيخطبونها وبيخطفونها من غيث
رجعت سديم غصب عنها للغرفه في الغرفه
ام سديم : وش تهبدين انتي اجلسي هنا والبسي فستان العرس
سديم : يمه كتمه ابي انبسط
ام سديم : مب كذا
سديم : طيب
طلعت ام سديم ووراها ارياف دخلت
ارياف : سديم تبين نجيب لك من الورق عنب ترا الحين بيوزعون
سديم : جيبي صحنين ومعجنات وعصير ومويه لين انزف
ارياف : تم ، طلعت ارياف وتدور لصحون الورق عنب
رجعت أرياف ومعها عهد ومعهم ورق عنب ومعجنات وعصير
جلسو جنب سديم وجلسو ياكلون أنزف غيث بعدها سديم دخلت على زفه
- طلة عروستنا سديم واذهلت كل الحضور -
- ومشيها مشية حور وبيدها باقة زهور -
مشت سديم شويه شويه وطلعت للكوشه وهي تطلع مسك يدها غيث بابتسامه وساعدها تطلع الدرج وشال فستانها عشان تقدر تمشي زين
وقف جنبها وهو يناظرها بكل حب وارياف تبكي
- هنو سديم بأحلى الليال خذها غيث ابن الحلال -
- ابن الكرام ونالها هذا غيث عز الرجال -
- لا إله إلا الله أزكى الصلاة على النبي -
أرياف ببكاء : ماتوقعت بيوم بيتزوجون مابي افقد سديم ياخي
عهد : خلاص
ارياف انهارت وغطت راسها وهي كلها مشاعر لسديم وغيث كانت تحاول تقرب والحمدلله نجحت وقربتهم وزوجتهم
خلصت الاغنيه وتجمعو كلهم قدام الكوشه واشتغلت اغنيه حلم سنين
وبدو يغنون ناظرت سديم لغيث وحضنته بعدت وناظرها وجت عينه بعيونها وابتسم وهي ابتسمت
- ليله وانت جنبي ليله تسوى عمري -
- ليله بألف ليله معاك -
- ياليالي ياليالي احكي له حالي كنتي فين ؟ -
خلصت الاغنيه وفتحو البوفيه وراحت سديم مع غيث
_____
بعد سنه .......
تجمعو العائله كلهم بمناسبه عائليه رهف تزوجت خالد وحامل
ترف اللي كانت جالسه جنب مشعل ومع مشعل ورد وعطاها الورد ترف من الفرحه حضنته وعطته بوسه سديم اللي كانت واقفه عند الباب قدام غيث واللي كان شايل مجد بنته وبنت سديم
سديم : يليل ياغيث اخلص ابيها تلعب مع البزران
غيث : ياخي بنتي ببوسها
سديم : يشيخ
غيث : والله ماتوقعت بيوم بتزوجك ودعواتي تستجاب والحين عندي بنت منك واللي يفرحني اكثر انه اسمها الكامل مجد بنت غيث بن راشد
سديم بابتسامه : اقول خلصني
غيث : بوسه وحده
ورجع مجد لسديم وراحت تلعب معهم ناظرت سديم لمجد وغيث ناظر لمجد وهو يبتسم وكيف سديم صارت زوجته وبنتهم تلعب قدامهم

شعور غيث وقتها ماينوصف كيف فاز في سديم وصارت من نصيبه وكيف واجهو كل ذا وبالنهايه اخذها زوجه له كثير مواقف صارت وغيث وقف مع سديم فيها رغم انها ماكانت تحبه بس كان عنده امل والحمدلله ماخاب أمله هالمره وفاز فيها
مسك الختام .......
تم ختام روايتي ( لاقيتك صدفه يامحاسن هالصدف ) بتاريخ اليوم
اليوم الاربعاء 19 يونيو 2024

حابه اشكر كل من دعمني وصوت لراويتي واتمنى انها نالت إعجابكم وانا احب اني اشوف رايكم بالتعليقات عن الروايه حبيت اني اخلي بالبدايه حزن وبالنهايه اخلي الابتسامه على وجيهكم وفراشات وكان ودي اخليكم تعيشون الجو وتدخلون بعمق القصه وتعجبكم مره
لنا لقاء مره اخرى لروايه اخرى بكتبها
الكاتبه✍🏻:ريـِوف