السلام عليكم ورحمة الله وبركاته
وصلت ام مشعل لبيت ام انس وجلست معها وتقهوت ومشعل اخذ ترف وجلسو يلعبون ومعهم تركي
_______
-عند ام عهد-
دقت ام عهد على ام ارياف
ام عهد : كيفك اخبارك
ام أرياف : بخير وانتي
ام عهد : بخير
ام أرياف : هلا وش بغيتي
ام عهد : بكرا بنجي عندكم طالبين القرب منكم
ام ارياف : حياكم الله
______
-في الصبح-
راحت ام عهد وعهد وولدها وأبو عهد لبيت ام ارياف ومعهم ورد
استقبلتهم ام ارياف وجلست ام عهد وبنتها و الرجال راحو عند غيث وابو غيث جلس عندهم
ام ارياف : تو مانور البيت
ام عهد : بنوركم
ام عهد : والله طالبين القرب منكم نبي بنتكم لولدنا
-عند الرجال-
ابو عهد : نبي بنتكم لولدنا وجاهز المهر وكلشي بس الناقص بنت الحلال
غيث اللي ابتسم : تشرفنا ياعم أنا رايح
ابو غيث : حياكم والله والبيت بيتكم
طلع غيث وهو يضحك ومبتسم وتوجه لغرفه ارياف وفتح الباب
غيث : ارياف اريالفففف
ارياف : وجع نعم شتبي
غيث : في ناس جو يخطبونك ولازم توافقين
ارياف : توي بزر مابي
غيث : تكفين تكفين
ارياف : ومن هو
غيث : عبدالله
ارياف بصدمه : صدق وليه أنا ليه مب سديم
غيث اللي عبس وجهه : انتي احسن ولا سديم سديم لي
أرياف : اي صح المهم بوافق عشانك بس
غيث وهو يضحك : ييسسسسسس احبك يشيخه تجهزي
ارياف : ابشر
غيث طلع من الغرفه وقفل الباب وهو مبتسم ويضحكك وطاير من الفرحه راح عند الرجال
______
-عند الحريم-
ام عهد : نبي نشوف عروستنا
ام أرياف : ابشري بس خلني اجيبها تشوفونها ويشوفها عبدالله
توجهت ام ارياف لغرفه ارياف وفتحت الباب لقت ارياف جالسه
ام ارياف : جاك خطاببب تجهزي واكشخي وانزلي سريع
ارياف : تمام يمه
طلعت ام ارياف من الغرفه وأرياف كشخت وحطت مكياج وروج وسوت شعرها ويفي ولبست فستان مخصر ونزلت
ام عهد : ماشاء الله ماشاء الله يزين عروستنا
استحت ارياف وجلست جنبهم
عهد : يلبيه يا ارياف بتكونين لأخوي وش احلى من كذا
غيث اللي راح عند امه وقال لها تنادي ارياف تدخل تشوف خطيبها
وطلع ابو غيث وغيث وأبو عبدالله وتركو عبدالله بالغرفه ودخلت ارياف جلست أرياف ونزلت عينها مستحيه وعبدالله طار فيها وشاف جمالها
وجلسو يتكلمون شويه وطلعت ارياف وراحو بيتهم
ام ارياف : ها ارياف موافقه
ارياف : خل نسأل عنه
غيث : يمه مايحتاج أنا اعرفه خويي تم تم تم
ارياف اللي كانت مبتسمه وهي تناظر لاخوها كيف طاير من الفرحه
راح غيث لغرفته وهو قلبه كله فراشات انسدح على السرير وهو يضحك ويقول
غيث : اهخ ياسديم مابتصيرين لعبدالله بتصيرين لي أنا وبس
غيث يتقلب على فرشه وهو يضحك وطاير من الفرحه
______
-عند اهل عبدالله-
ام عهد : ها كيف ؟
عبدالله : حبيتها يمه ابيها
ام عهد : يعني خلاص ؟
عبدالله : اي يمهههه
ام عهد : تمممم
عهد ترقص من الفرحه : اخيرا بتتزوج ونفتك منك
عبدالله : دحدري
عهد : بس لا تنسى تجيب ارياف عندنا وانت تنقلع مانبيك
عبدالله : خلها توافق اول
عهد بضحك : بتقبل فيك يعني
عبدالله : صادقه أنا اقل جمال منها
عهد بضحك : جلد الذات
_____
بعد اسبوع .....ردت لهم الموافقه وحددو وقت المُلكه
سوت عزيمه ام ليالي ببيتهم وتجمعو كلهم بالبيت حق ليالي
البنات كانو جالسين ويضحكون قامت سديم من عندهم وراحت تدور عبدالله تبي تجلس تسولف معه وارياف تناظرها بحزن ولفت وجهها
____
سديم : عبدالله
عبدالله : هلا سديممم
سديم : كيفك
عبدالله : بخير اسمعي بعزمك على المُلكه
سديم : ايت ملكه ؟ مُلكة عهد ؟ عهد انخطبت من متى؟
عبدالله : لا أنا خطبت
سديم بصدمه : هاا انت خطبت مين وكيف وليه ومتى ؟
عبدالله : خطبت ارياف ووافقو اهلها والحين حنا مخطوبين
سديم جاها ايرور : متى ؟
عبدالله : قبل اسبوع خطبناها
سديم ناظرت لعبدالله وتركته وراحت عبدالله استغرب ورجع للعيال
سديم راحت عند ارياف وسحبتها من عند البنات وطلعو للسطح
ارياف : سديممم شفيككك ساحبتني كذا
سديم وهي ماسكه يد ارياف وتسحبها : الحين بتعرفين
وقفت سديم وارياف سحبت يدها بإستغراب ارياف : شفيك ؟
سديم بغصه : شفيني ؟ ليه ماقلتي لي عن خطبتك مع عبدالله
ارياف انصدمت : ها اي خطبه
سديم : اي عبدالله قال لي لا تجحدين !
أرياف ماقدرت تتكلم
سديم بغصه : تنخطبين منه ليه مب أنا ؟؟ تعرفين اني احب عبدالله حركاتي واضحه اني احبه ليه تسوين كذا ليهه توافقين عليهه
ارياف وعيونها امتلت دموع وهي تناظر لعيون سديم اللي كانت تلمع
سديم : بعمرك يا ارياف مارح تحسين فيني أنا احبه وبالنهايه خويتي المقربه تحبه واو حلوه ذي وفوقها تنخطب منه ويملكون واو حبيت وانا آخر من يعرف ، سديم وهي خانقتها العبره والغصه صرخت
سديم بصراخ وبغصه : ارياف اكلمك جاوبيني ليه تسوين كذا ليه صدق انك وحده كلبه وحيوانه اكرهكك لا اعرفك ولا تعرفيني جت بتمشي
ارياف اللي بغت تنهار بس مسكت نفسها مسكت يد سديم
أرياف بغصه : استني سديم
سديم سحبت يدها : مابي استنى صدق ماتوقعتها منك
سديم مشت ونزلت من السطح وارياف اول ماراحت سديم جلست على الارض وجلست تبكي وماتوقعت ان بتنتهي صداقتها مع سديم بس ضحت عشان اخوها أرياف وهي خانقتها العبره والغصه وتبكي وتشاهق
ارياف : سامحني يا اخوي فشلت اني احاول أقربك انت وسديم خسرت علاقتي معها ولا رح اقدر أقربكم لبعض اسفه يا اخوي فشلت
ارياف بكت بكاء يقطع القلب وهي تبكي ندمانه على موافقتها
غيث بالصدفه طلع للسطح وشاف أرياف تبكي راح ركض عندها وجلس عندها وهو يمسح دموعها
غيث : ارياف شفيك ارياف ليه تبكين
أرياف : سامحني ياغيث مارح اقدر أقربك لسديم
غيث بخوف : ليه شصار ارياف
ارياف ببكاء : خسرت علاقتي مع سديم اسفه فشلت فشلت
غيث : كيف ليهههه
ارياف بغصه : عرفت بموضوع عبدالله وصرخت علي وتركتني
غيث اللي جته الغصه من شاف اخته تبكي وحضنها وهو يبكي معها
غيث بغصه : ارياف مو غلطك ارياف مو غلطك
ارياف وهي تبكي وتشاهق وترجف من الخوف والبكاء تقطع قلبها ارياف تبكي بعد ماشافت احلام اخوها مع سديم تنهدم قدامه وهي تبكي
_______
-عند الحريم-
ترف اللي عطت مشعل بوسه بخده وحضنها مشعل
مشعل : توته تعالي نلعب
ترف : جايه ، تقدم مشعل قدام ترف جا محمد وهو يجري ودف ترف طاحت ترف بقوه على الارض وجلست تبكي ، مشعل لف وشافها تبكي لف على محمد وصرخ عليه
مشعل بصراخ : محمد ليه تدف توته!!!
محمد : بالغلط كنت العب مع سحاب
مشعل راح عند ترف وقومها وعطاها بوسه وحضنها ترف قامت وراحت مع مشعل عشان يلعبون
_______
يتبع....
YOU ARE READING
لاقيتك صدفه يامحاسن هالصدف
Randomروايه تتكلم عن سديم اللي تكون جداويه وبيوم يروحون للديره ويجلسون هناك وتتعلم اللهجه حقت ابوها وتعيش وسط بنات تكون خويتهم وبيوم تقابل شخص وتعتبره اخوها وهو يحبها وينغرم وتقابل شخص ثاني وتكون مغرمه فيه ثاني روايه ان شاء الله تنال إعجابكم💗 واتمنى تصو...
