لاقيتك صدفه يامحاسن هالصدف

Part 6

السلام عليكم ورحمة الله وبركاته

- جا الصباح-
ام سديم جت تصحي البنات
ام سديم : بنات يلا قومو البسو عباياتكم ترا مشينا
قامت سديم من النوم وناظرت لامها وبدت تصحي البنات مع امها
سديم : يمه طيب نبي نتجهز نلبس
ام سديم : لا كلنا بنلبس ونتجهز هناك بالمخيم
سديم : طيب
قامو البنات وطلعت ام سديم من الغرفه وبدو البنات يلبسون عباياتهم
_______
العيال كانو يشغلون السيارات وينتظرون الحريم
غيث : يرجال وجهي مفقع حتى مالحقت اغسله
وليد : مدري شفيهم من الصبح
انس : لو انهم راقدين وجالسين بالسطح احسن
رامي : صادق
نزلو البنات ومعهم شنط وتقسمو الحريم بسيارات
البنات بسياره ومعهم نص البزران والحريم ونص البزران بسياره وباقي العيال بسياره
البنات مع عبدالله وغيث ، والحريم مع يوسف ، والباقي مع العيال
-بسياره عبدالله-
عهد : عبدالله بالله مر دانكن
عبدالله : ليه وش بغيتي
عهد : نبي أنا والبنات قهوه قبل نروح
عبدالله : ابشري
وصلو عند دانكن واخذ طلبات سياره
الموظف : سلام عليكم وش طلبك
عبدالله : كم تبون قهوه
سديم : 10
عبدالله : ماشاء الله
عبدالله لف على الموظف : ابغا 10 قهوه
الموظف : بس ؟
عبدالله لف على غيث : غيث بغيت شي ؟
غيث : عطني اي شيء
عبدالله لف على الموظف : وابي اثنين شاهي لو عندكم
ضحكت سديم وضحكت معها أرياف
الموظف : ماعندنا شاهي
عبدالله : اجل جب 12 قهوه
الموظف : تمام
-جلسو ينتظرون الطلب -
استلم الطلب عبدالله
عبدالله : وش ذا برجعها للموظف
عهد : لا لا ذي القهوه
عبدالله : وشو يبوي ذي لونها اسود مفحمه
عهد : لا تذب بس ذي هي القهوه
عبدالله : وش تشربون ذي وليه أصلا الله يكرم النعمه
عهد : لو مو عاجبك ليه طلبت
عبدالله : احسبها قهوه عربيه سعوديه
عهد : بالله امش وهات الطلب
عبدالله عطاهم طلبهم واخذ طلبه هو وغيث
عبدالله : بقيم القهوه
الموظف : معليش اخوي تحرك في وراك ناس
عبدالله : اي طيب بس اصبر
عبدالله شرب القهوه وطعمها مُر تفلها
عبدالله : وش ذا حديد
غيث اخذ القهوه وذاقها وتفلها بعد
غيث : مُره ذي
عبدالله : هي غير رجع مانبي ذي نبي قهوه سعوديه
الموظف : مافي قهوه سعوديه
عبدالله : اجل بدل وجيب كوفي حالي
الموظف اخذ القهوتين وبدلها بكوفي حالي وعجبهم وحركو
في نص الطريق نطت ترف على سديم بلغلط
سديم بعصبيه : يبوي وخري ماني امكك
غيث اللي ناظر من المرايه لسديم وجلس يتأملها
غيث بنفسه : حتى وهي معصبه حلوه وش زينها
سديم : ارجعي ارجعي ورا
عهد : والله تقال اننا خلفناهم
سديم : صدق
ارياف فكت الطرحه : يبوي وش ذا حر
سديم : صادقه
عهد : عبدالله لا تلفون علينا بنفتح الطرح
عبدالله : سميّ
فتحو الطرح من الحر وفتح لهم المكيف
_________
وصلو للمخيم :
ونزلو الاغراض سديم سحبت عليهم ودخلت جوا
أرياف بصراخ : سديممممم يازقققق
غيث اللي لف على ارياف : أرياف صوتككك
ارياف : مالك دخل روح نادي سديم
غيث : طيببب
غيث لف ومشى ناحيه المخيم ودخل جوا المخيم ينادي سديم
غيث : سديم
سديم لفت على غيث : ها ؟
غيث : تعالي ارياف تبيك
سديم : طيب جايه روح
غيث راح للسياره وجلس ينزل الاغراض مع البنات
غيث : بنات يلا انتو روحو وخذو قهوتكم أنا بنزلها
ارياف : يلا بنات امشو اسحبو عليه
مشو البنات ودخلو جوا المخيم ورجعت سديم دخلت المخيم
غيث وعبدالله بدو ينزلون الاغراض ووصلو الباقين دخلو الحريم ومعهم الفطور دخلو العيال بيت الشعر واخذو فطورهم وجلسو يفطرون
والحريم افطرو وجلسو يسولفون شوي وبدو يتجهزون البنات والحريم وطلعو البنات يتصورون
سديم جالسه تتميلح وتسوي حركات وأرياف تصور
سجى : اسلم وضعيه صورني واصورك
سديم : اذلفي بس
سجى : اخيرا نطقتي حرف الذاء
سديم : يالله
سجى : امزح يلا رايحه
بدو الحريم يشغلون اغاني ويرقصون دخلت سديم جوا وشغلت مصري
عشان تشوف رقص ارياف وتبي البنات يصورونها بالكشخه وترسله للستريك شغلت اغنيه - بونبونايه -
- من اين لك هذا؟ -
- ليه تقلانه ولماذا؟ -
- من اين لك هذا؟ -
- ليه تقلانه ولماذا ولا أمكنك فريش وش القفص وطازه -
سديم وهي تنزل مع لحن الاغنيه والبطء
- وحياه ابوكي رقي 2 -
- نفسي تحليلي بوقي 2 -
رجعت سديم وخصرها يتحرك مع اللحن وأرياف ترقص معها
- قال وسط استيك مش بلاستيك 2x -
سديم تحرك أكتافها وتنزل وتحرك خصرها وأرياف تعزز وام سديم تقوم وترقص وام رحاب ترقص معهم وام ارياف
- قوامها فلته مفيهش غلطة 2x -
وأرياف ترقص باحترافيه مع سديم وكلهم يصورون
خلصت الاغنيه وسجى شغلت حلاوه روح وقامت ترقص معهم
- بكرا الايام تبين من قاسي ومن حنين -
- وساعتها هتعرفوني لما الايام تبين -
وصل الصوت للعيال اللي ببيت الشعر قام غيث وربط شماغه على خصره وقام يرقص ويهز خصره والعيال يعززون ويقوم وليد يرقص وانس
- عايم والموجه عاليه والموج عالي عليا -
- بتشيل وتحط فيا الكل جاي عليا -
وبدا يرقص غيث ويهز خصره واكتافه هو وأنس ووليد ويوسف يضحك وقام عبدالله يرقص والشماغ بخصره ويقلد غيث بس يرقص احسن من غيث ويضحكون كلهم
-عند البنات -
شروق قامت ترقص مع البنات وتربط الطرحه على خصرها وترقص مع البنات وتكون شروق تعرف ترقص بس مو مره وتبدا تحرك خصرها مع البنات وسديم تعجبها شروق وترقص مع شروق
تعبت سديم وطلعت برا نست قهوتها وجات خذتها شافت من الشباك حق بيت الشعر العيال جالسين يرقصون وتناظر لغيث وتضحك وتجي عينها على عبدالله اللي تجلس تناظره وتضحك لاحظها غيث وشافها تضحك وابتسم وكمل حركاته وعبدالله لاحظ سديم وناظر لها وابتسم يوم سديم شافت انهم لاحظوها خذت قهوتها وانحاشت ودخلت عند الحريم
وعهد ترقص معهم وتعبت وجلست تشرب قهوتها وتعزز وتصفق وفي وسط ذا كله عهد بدت تحس بدوخه بس ماعطت الوضع اهميه ولا علمت احد وشغلو اغاني خليجيه وبدو يرقصون ويصورون ويرسلون ستريكات بعد كم ساعه كذا البنات طلعو من عند الحريم وجلسو برا قامت عهد وهي فيها دوخه على اساس بتشرب مويه اغمى عليها من التعب البنات بدو يصارخون وسديم وأرياف تداركو الوضع وراحو ركض عند عهد الحريم سمعو صراخ البنات طلعو الحريم وشافو عهد طايحه قربو من عند عهد وهم خايفين قامت سديم وجابت طرح البنات وعباياتهم وعبايه عهد ولبستها هي سمعو العيال صراخ البنات والحريم وأصواتهم العاليه طلع يوسف يشوف وش في لقى عهد طايحه قال للعيال وقامو كلهم وراحو عند الحريم وعلطول شالو عهد ودخلوها لبيت الشِعر وشغلو المكيف وغسلو وجهها بمويه دقت سديم على الإسعاف وجو الإسعاف بسرعه ودخلو عند عهد طلعو كلهم وهم خايفين ينتظرون الدكتور وش يقول طلع الدكتور وسالهم
الدكتور : اكلت شي ؟
سديم : ايوا فطرت هي
الدكتور : طيب وش شربت ؟
سديم : قبل الفطور شربت قهوه بس مب كلها
الدكتور : قهوه عربيه ؟
سديم : لا سودا V60
الدكتور : عشان كذا اغمى عليها شربت شي مضر قبل الاكل
سديم : طيب كيفها الحين
الدكتور : شويات بس وتصحى او يمكن تصحى الحين بس الحين هي بخير وحالتها شوي مستقره
سديم : يعطيك العافيه ،دخلو كلهم عند عهد وجلسو ينتظرونها لين صحت
عهد : وش في ؟
سديم : سلامتك
ام عهد : الحمدلله على السلامه
عهد : وش صار ؟
سديم : اغمى عليك بس شي بسيط والحين انتي بخير
عهد : طيب
كملو اللي كانو يسوونه وجلسو البنات مع بعض
___________
-يتبع-