السلام عليكم ورحمة الله وبركاته
رجع غيث للعيال
جلسو يسولفون لين قررو يرجعون بعد تعب وتعشو
______
-عند البنات-
سديم : تعبت يبنات خل نتمشى برا شوي بدون عبايات دام طفش
ارياف : قداممم
لبسو الفروات حقتهم وطلعو شوي يتمشون حول المقلط
شافو سياره جايه من بعيد من نورها عرفو انهم العيال وكل وحده حطت رجلها ركضو لين وصلو البيت ودخلو بسرعه
_______
انس : ذول البنات ؟
رامي : لا شكله جن
خالد : إلا والله البنات شوفو شعورهم
غيث : شكلهم جلسو بالمقلط
عبدالله : اي بس الله يستر كيف المقلط من بعدهم
وقفو سيارتهم العيال ونزلو ودخلو المقلط لقو الشاهي والفصفص والشيبسات والسماعه ولبس الرقص الشرقي
غيث جت عينه على حقت الرقص وتذكر سديم
غيث : يعيال بروح دوره المياه وراجع
غيث طلع من المقلط فتح جواله ودخل الانستا ارسل لسديم
غيث : سديم أبغاك ضروري ورا البيت
سديم شافت الرساله علطول : الحين ؟
غيث : اي الحين بقول لك شيء
سديم : طيب
سديم كانت بتطلع من الغرفه ارياف لاحظت
ارياف : سديم وين رايحه
سديم : نسينا السماعه والملابس حقت الرقص بالمقلط بجيبها
ارياف : اها تمام
نزلت سديم من الغرفه وهي لابسه الفروه وركضت بسرعه ومشت ورا البيت لقت غيث ينتظرها
سديم : ها وش بغيت ياغيث ؟
غيث : ترا أغراضكم تركتوها بالمقلط
سديم : اي ادري أنا بعد م اخلص نقاش معك باخذها
غيث : طيب بس مو ذا الموضوع
سديم : اجل وش
غيث : أنا شفتك وانتي ترقصين
سديم : هااا؟؟؟
غيث : ارياف رسلته لي بلغلط
سديم : كذابب
غيث : والله
سديم : الله يقطعك
غيث : معليش والله اندمجت مع رقصك
سديم : كلزق
سديم لفت وسحبت على غيث جت بتمشي مسك يدها غيث
غيث : استني
سديم لفت على غيث وناظرت يده وناظرت فيه نظره اتركني
غيث شال يده : اسف معليش اسف بس انتظري
سديم : خير ؟
غيث : انتي معجبه فيني صدق ؟
سديم : لا ماني معجبه وكان تحدي من ارياف
غيث انصدم وناظر لعيون سديم ونزل راسه
سديم : اسفه بس بغيت اسالك
غيث : هلا
سديم : تذكر لمن كنا بنسلم لكم الفطور كان في واحد جمبك لابس اسود
غيث : ايوا شفيه
سديم : هو عبدالله ؟
غيث : ايوا عبدالله
سديم : متزوج كم عمره ؟
غيث : لا عمره 20 بس ليه تسألين
سديم : ابد بس جذبني شكله حلو
غيث : اها تمام انتظري هنا
سديم : ليه
غيث : بجيب أغراضكم لان عيب تروحين انتي
سديم : لا بروح أنا بشوف عبدالله
غيث : بقول لعبدالله يعطيك هي
سديم : طيب انتظرك
غيث مشى وهو كله حزن وقلبه مكسور لانه مايعجبها وكان يهوجس فيها وفيه الصيحه والغصه وده يموت ولا يعيش ذا الشعور
وصل غيث للمقلط
غيث : عبدالله
عبدالله : سمّ
غيث : تعال بقول لك شي
عبدالله جا عندك غيث : سمّ وش في
غيث : اسمع سديم ورا البيت خذ الاغراض حقتهم كلها وعطها بس لا تقول لاحد
عبدالله : ليه أنا
غيث : لان انت الوحيد اللي اثق فيك انك مارح تقول لاحد
عبدالله : تمام
عبدالله مشى واخذ الاغراض حقت البنات ومشى
غيث اللي كان كل تفكيره في سديم اللي طلع يحبها من طرف واحد
وهي للحين ماهي داريه انه غيث اللي كانت متعلقه فيه وهي صغيره
وصل عبدالله عند سديم وسديم يوم شافت عبدالله جلست تتأمله وانغرمت
عبدالله عطاها الاغراض عبدالله : توصين بشي ؟
سديم : يعطيك العافيه بس لا تقول لاحد اني كنت ورا البيت
عبدالله : ابشري ماطلبتي شي ، لف بيمشي نادته سديم
سديم : عبدالله
عبدالله : هلا
سديم : عادي اخذ الانستا حقك ؟
عبدالله : ايه بس مافي ورق وقلم
سديم : مافي بس أنا ضايفه غيث انستا
عبدالله : اجل ضيفيني من عند غيث
سديم : تمام
عبدالله : يلا سلام
لف عبدالله وراح وسديم قلبها كله فراشات لانها تكلمت مع عبدالله
رجعت سديم الغرفه عند البنات وعطتهم الاغراض
ارياف : شفيك تاخرتي ؟
سديم : بس انتظرت العيال يطلعون واخذت الاغراض
أرياف : طيب
فتحت سديم جوالها ودخلت على محادثه غيث وكتبت له
سديم : غيث ابي الانستا حق عبدالله
غيث مارد قفلت جوالها سديم وجلست مع البنات شوي سولفو
وجا وقت النوم كل البنات نامو وسديم شوي وتنام جتها رساله من غيث
فتحت الرساله لقت غيث مرسل الحساب دخلت على الحساب وضافت عبدالله وعبدالله رد الاضافه بسرعه دخلت عنده بالخاص
سديم : هلا عبدالله
عبدالله : سديم ؟
سديم : ايوا
عبدالله : تمام
سديم : اسمع بطلب طلب
عبدالله : امريني
___________
سديم طلعت للسطح وهي تنتظر عبدالله يجي تبي تسولف معه وجا عبدالله جلس يسولف معها شوي وهم يضحكون طلع غيث للسطح
رجع لمن شاف سديم وعبدالله يضحكون مع بعض جلس يراقب وكله حزن ومكسور قلبه وبس كل تخيلاته مع سديم انهدمت قدامه شافها مع غيره وهو كان يبيها ماتضحك إلا معه وكان يتأملها ويتأمل ضحكتها ويتمنى لو انه مكان عبدالله دمعت عين غيث ورجع وهو كله حزن وضيق ونزل من السطح وهو هيمان ومغرم بضحكه سديم وكان عنده امل تحبه بس
انها تحب عبدالله غيث مشى وراح للمقلط وانسدح ونام بالقوه
__________
يتبع....
YOU ARE READING
لاقيتك صدفه يامحاسن هالصدف
Randomروايه تتكلم عن سديم اللي تكون جداويه وبيوم يروحون للديره ويجلسون هناك وتتعلم اللهجه حقت ابوها وتعيش وسط بنات تكون خويتهم وبيوم تقابل شخص وتعتبره اخوها وهو يحبها وينغرم وتقابل شخص ثاني وتكون مغرمه فيه ثاني روايه ان شاء الله تنال إعجابكم💗 واتمنى تصو...
