لاقيتك صدفه يامحاسن هالصدف

Part 14

السلام عليكم ورحمة الله وبركاته

سديم : ليالي انتي المقرفه
ليالي بابتسامه : ودعينا ياحبيبي بتتزوجين مقرف زيك
سديم : امسكوها لا افصل عليها
ليالي باستفزاز : حبيبتي اجلسي بس لا يطق لك عرق
سديم : دزي عني
جلست سديم مكانها وهي تتأفف ولا تعرف شتسوي
ام سديم اللي دخلت على البنات وطلعتهم كلهم برا وجلدت سديم
سديم اللي كانت تبكي لان فقدت ثقة امها بسبب ليالي
ام سديم : ليه تسوين كذا !
سديم برجفه : يمه والله تكذب والله تكذب
ام سديم : صامله تجحدين ؟ أنا ماعرفت اربيك
سديم ببكاء : ييييممممهههه تكككفيييننن تصررفيييي لاااا يزوجونننييييي تونيييي صصصغيييرهههه علللىى هالزوااج تكفييين ياااايمهههههه
ام سديم : على أفعالك تحملي اللي يجيك !
سديم برجفه وبكاء : يمهههه تكككفففييين اقنعيعيييي جدتييييي تكفيننننن يايمههههه لااايوووصللل الخخخبببر لجججديييي والله مايرحمنيييي
ام سديم : احمدي ربك انه بس بيزوجك ولا كان ذبحك وانتي حيه
سديم : يمههههه والله ليالليييي تكذذذبببب عليكككككممم والله تككذذببب عليكككككمممم
ام سديم : ماتوقعت ابد انك تطلعين كذا صدق ماعرفت اربي
طلعت ام سديم من الغرفه وتركت سديم اللي كانت بالزاويه وتبكي وتشاهق من الموقف اللي صار لها وكيف فقدت ثقه امها بسبب ليالي
ليالي دخلت للغرفه وشافت سديم وجلست تضحك
ليالي بضحكة مستفزه : هذا مصيرك يالمريضه
سديم ببكاء : كله بسببكككك ياللمتخلفففهه الله لا يوفقكككك
ليالي : تدرين محد مصدقك وبتتزوجين وتتقلعين ولا نشوف وجهك
سديم ماتحملت وقامت من مكانها تقدمت عند ليالي وضربتها وجلست تضربها بقوه وهي تبكي وتشاهق من الحزن والهم اللي سببته لها
دخلت ارياف للغرفه وابتسمت من شافت سديم تاخذ حقها من ليالي تقدمت ارياف تكمل على ليالي بالضرب تدخلو كل البنات وفرقو بينهم سديم بعدت عن ليالي اللي كان شعرها منثور على وجهها من سديم
سجى : سلامات ياسديم ماتوصل تضربينها!
رهف : شسوت لك هالمسكينه؟
سديم : اسأليها
ليالي : ماسويت لها شيء شافتني وتهجمت علي وضربتني
عهد : وش الحركة البايخه ذي ياسديم ؟
سجى : صدق انك متخلفه
سديم اللي نزلت راسها بدموع وحضنتها ارياف
ارياف بصراخ : صدقو هالحيه بس بيجي يوم وبتندمون صدقونييي
_______
جمعهم الجده والجد بالصاله الحريم والبنات
الجد : المهزله اللي صارت من سديم وليالي وحركات سديم البايخه واللي مالها داعي بس مافي حل غير اني اذبحها او أزوجها وانا اخترت اني أزوجها لاي واحد
سديم اللي عيونها كلها دموع وتناظر لجدها وليالي اللي كانت تناظر وتحقق كلشي كانت تخطط له
الجده : وبنزوجها من الاسبوع الجاي
ام سديم تقدمت للجد : أنا اسفه اني ماعرفت اربي زين
الجد : غلطك لانك ماعرفتي تربين
سديم تقدمت ورفعت راسها : امي مالها دخل كلشي صار بسبب ليالي
الجد : ليالي كشفتك على حقيقتك
سديم : ليه مو راضين تصدقوني ؟؟
الجد : وبعد كل حركاتك المقرفه من بيصدقك ؟ بتتزوجين وغصب
_______
-بالصبح-
صحى غيث بدري وأغراضه جاهزه وتجهز للرحله للرياض
قامو كل العيال تقدم غيث عندهم وقال للكل يتجمعون لبسو الحريم عباياتهم والبنات عباياتهم وتجمعو كلهم برا عند البيت تقدم غيث وتكلم
غيث : أنا بسافر للرياض ومارح تشوفوني إلا بعد كم سنه
ام غيث : ليه؟؟؟؟
غيث : أنا سجلت بالجامعه ومارح اقدر اجي إلا بعد م أتخرج
تقدمو العيال يحضنونه ويودعونه وهم كلهم حزن تقدمت سديم
وبدون ماتحس حضنت غيث وبكت غيث اللي كان مصدوم وهو يناظر وكانت سديم تتذكر كل اللي صار لها وهي تبكي بحضن غيث حقدت ليالي على سديم اكثر وسديم نطقت
سديم : غيث اسفه على كلشيء سامحني لو بيوم جرحتك او اذيتك سامحني لو بالمستقبل رح اجرحك او اذيك بس مو بيدي شيء
غيث بادل سديم الحضن وهو يطبطب عليها
الجد : سديم !!!!
سديم اللي بعدت عن غيث ولفت على جدها وهي كلها دموع
سديم : مو كلكم مو راضين تصدقوني وكارهيني ودامكم تحسبوني كذا خلوني احضن غيث لو لمره بودعه ولا عاد بشوفه إلا بعد سنين
الجد : بنزوجها الحيننن، لف الجد على زياد وقع الاختيار على زياد
الجد : زياد انت اللي بتتزوجها
سديم : جدي أنا ما ابي !
الجد : غصب عنك ومو برضاك
سديم نزلت راسها وناظرت لزياد وعيونها دموع
غيث وهو مصدوم : وش وش شصاير !!!
عهد : ليالي فضحت سديم قدام الكل وقالت عن بلاويها
غيث ناظر لليالي : هي ترا ليالي تكذب ؟؟
الجد : خلاص بنزوج سديم غصب عن الكل
غيث بصراخ : سديم مارح تتزوج وانا موجود !!
الجد : تعارضني ؟؟؟
غيث بصراخ : سديم مابتتزوج ومارح تتزوج زياد ولا رح تتزوج
الجد : مو انت اللي تقرر !!
ام غيث : غيث اطلع من الموضوع
غيث : يمههه يلومونن سديم ويصدقون كلام ليالييي طيب ليالي كذابههه أنا أقول لكم قابلتني بالسطح واعترفت لي بس أنا رفضتها
الجد : على الاقل مب نفس حركات سديم تتمرقص عندك وتطلع معك!
سديم : اناااا ماسوييتتت كذاااا ياجديييي!!
غيث : سديم ماسوت شيء ومارح تتزوج سوو اللي تسوونه
رجعت سديم ورا غيث
الجد : وش المهزله هذي تعارضني !!!
غيث : جدي صح المفروض محد يقول لك لا بس هالمره لااا
سديم ببكاء : ماودكم تصدقوني !
الجد : لا شيلو هلمهزله من قدامييي!!
غيث لف على سديم ومسكها من يدها لف على جده
غيث : سديم مارح تتزوج وانا معها
مشى غيث وهو ماسك يد سديم ومشت سديم وراه دخل البيت وطلع للسطح وهو ماسك سديم سديم انهارت بكاء بحضن غيث
غيث وهو يمسح على راسها : خلاص سديم لا تبكين أنا بحل الموضوع
سديم : مو راضين يصدقوني
غيث : دامني واقف معك بفضح ليالي معليك
سديم : شكراً ياغيث لانك ماخليتني
ارياف اللي دورت على سديم وغيث وطلعت للسطح شافتهم وركضت عندهم وصلت لعندهم حضنت سديم اللي كانت تبكي ومنهاره
ارياف : سديم أنا بفضحها أنا اعرف بلاوي ليالي
سديم : وش مسويه
أرياف : قبل مانجتمع بالديره كانت تمشي مع عيال وتكلمهم
سديم : طيب وش يثبت اني مو زي ماقالت ليالي
ارياف : سهله نخلي ليالي تحلف قدام الكل وتحط يدها على القران
غيث : هي ماتقدر فا بتنكشف كذا ونخليهم يفتشون جوالها
سديم : يلا والله معكم
_______
-العصر-
جلست سديم على الغدا وجلست تتغدى ناظرت لليالي قامت سديم
سديم : ارياف ماودك تقولين الحقيقه
قامت ارياف وهي تناظر بابتسامه مستفزه لليالي
ارياف : بقول دام الجده هنا
ليالي : عن اي حقيقه ؟
ارياف : حقيقتك
ليالي بتوتر : تكذبين
ارياف : ياحبيبي تمشين مع عيال وتكلمينهم؟؟
سديم : واذا انتي صادقه اني أنا سويت كل ذاك اللي قلتيه نجيب القران وتحلفين عليه
الجده : ماله داعي !
سديم : لا له داعي ياجده ولا ماتبين تنكشف هالحيه
الجده : جيبوه وتاكدو
سديم جابت لها القران
سديم : يلا احلفي ؟
ليالي : لا ليه احلف
سديم : يعني أنك كذابه
ليالي : لا ماني كذابه
سديم : اجل ليه ماتحلفين
ليالي : مايخصك
سديم حطت يدها على القران
سديم : والله اني ماسويت من اللي انتي قلتيه
الجده : سديم حلفت يعني تكذبين ياليالي
ليالي نزلت راسها وامتلت عيونها دموع سديم رفعت راس ليالي
سديم : اشوفك تبكين الحين ؟
الجده :شغلك مع جدك
نادت الجده الجد والجد جا
الجده : شوف ليالي طلعت تكذب
الجد : ابك !!
سديم : اي وفوقها تتمشى مع عيال
ارياف : وتكلمهم ولو مو مصدقينا فتشو جوالها
ليالي : ماله داعي تفتشون جوالي
سحبت سديم جوال ليالي وعطته للجد
الجد : كم الرقم ؟
ليالي : 4345
فتح الجد الجوال واعطاه سديم توريهم دخلت سديم على الانستا والتيك وسناب وشافو كلشي انفضحت ليالي
ليالي : بس أنا تبت
سديم : تبتي وللحين موجود المحادثات واخر مره كلمتي امس
ليالي : سديم!!
الجد لف على ام ليالي
الجد : خذي بنتك واطلعي من ديرتنا
ام ليالي : والله اسفه ياعمي بس ماتربت ذي
الجد : كلامي ماينعاد شيلي عفشك واطلعي
نزلت راسها ليالي
الجد : سديم نعتذر على اننا ماصدقناك
سديم : عادي ياجدي اهم شي انكشفت ليالي على حقيقتها
_______