السلام عليكم ورحمة الله وبركاته
غيث كان يبي يقول لسديم عن ارياف بس سكت وتردد سديم شكت
سديم : غيث تبي تقول شي ؟
غيث : اي بس متردد
سديم : قول عادي
غيث : أنا اللي قلت لارياف تقبل بعبدالله عشان أنا أحبك
سديم بابتسامه: أنا بصلح غلطي وبكلم ارياف والله يتمم لها على خير
غيث بابتسامه : صدق؟
سديم وهي مبتسمه هزت راسها ب اي
غيث : اجل يلا انزلي عشان تنامين
سديم : تم ، لفت سديم وجهها وابتسمت وحست بمشاعر بس مارح تقول
نزلت سديم ودخلت الغرفه وانسدحت وغفت وغيث اللي نزل وهو الفرحه شاقه قلبه وفراشات نزل وطلع من البيت توجه للمقلط وانسدح
_______
بالصباح -
قامو البنات وسديم اللي ناظرت لارياف بابتسامه وارياف اللي نزلت راسها خايفه ومتضايقه من انتهت علاقتها مع سديم طلعو البنات إلا سديم وارياف قربت سديم من عند ارياف وحضنتها
سديم : ارياف أنا مسامحتك عرفت كلشي والحمدلله
ارياف بابتسامه : احبك
سديم : وانا احبك بس لا تنسين تجيبين بنوته وتسمينها ديم
ارياف : ابشريي
سديم قامت من عند ارياف وتوجهت ناحية الباب وطلعت
فطرو وطلعو لغرفتهم جلسو فيها ويسولفون إلا رهف
ارياف لفت على رهف : شتسوين يارهف
رهف بخوف : ها ؟؟
ارياف : اشبك
رهف : مافيني شي
ارياف : لا قولي عادي شفيك
رهف بتوتر : لا مافيني شيء
سديم : رهف لو ماتكلمتي الحين بتندمين بعدين
رهف : خلاص بقول لكم في واحد ماعرفه له فتره يراسلني
سديم : وش يبي منك ؟
رهف : يعرف عني كلشي ويهددني ومهووس
سديم : وريني المحادثات
رهف فتحت جوالها ولفته على البنات يقرون
رهف : حتى بزواج ارياف كان يعرف تحركاتي ومع مين جالسه
سديم : طيب قلتي لامك ؟
رهف : لا لو قلت لها بتعرفين بتقول لجدي وجدي ممكن يذبحني
سديم : ليه يذبحك ان شاء الله وليه امك تعلم
رهف : بتحسبني اكلمه وكنت اطلع معه يعني مارح تصدق اني معرفه
سديم : اجل لمين نقول حنا مانعرف نتصرف
رهف : ماعرف
ارياف : نقول للعيال ؟
سديم : ايوا احس هم يعرفون يتصرفون
_______
عند العيال-
قامو كلهم يفطرون
غيث : يلا سو شاهي من عوايد الديره سووييي
انس : اي بالله سوي اثنين
طلعو البنات عند البيت وحاولو يجيبون واحد من العيال بس محد كان منتبه غير خالد قام من عند العيال
غيث : يولد وين رايح
خالد : بروح وبرجع للحمام تبي تجي
غيث : لا دزها
خالد لف مشى وتوجه ناحيه البيت عند البنت اللي هناك
خالد : هلا سلامات بغيتم شي
سديم : اسمع بنقول لك شيء بس تكفى ماتعلم احد
خالد : قولو وترتوني
رهف : أنا في واحد جالس يلاحقني بكل مكان وعنده صوري
خالد : انتي تعرفينه ؟؟
رهف : لا ماعرفه مدري شلون جاب صوري
خالد : طيب عندك حسابه ؟
رهف : اي عندي هو مهددني لو بلكته
خالد : طيب عطيني حسابك وحسابه
رهف : ليه
خالد : عشان اتواصل معك واعرف كلشي واواجهه
رهف : طيب ، رهف عطته حسابها وحساب الشخص هذا
خالد : يلا ادخلو داخل
______
رهف اللي كانت متوتره طول الوقت وسديم ملاحظتها
سديم : رهف فكك من الموضوع ذا خالد بيحله
رهف : تهقين؟
سديم : ايوا وتعالي انبسطي معنا
رهف بتردد : تمام
_____
-عند العيال -
غيث اللي جته رساله على جواله وانه لازم يسافر للرياض بسبب الجامعه زعل غيث وتضايق لانه مارح يشوف اهله وسديم حجز غيث تذكره سفره للرياض عشان يدرس ويرجع للقصيم ودفع حق التذكره
خالد : صب شاهي بس
انس : كلجزمه
خالد : تبي اقوم واصفقك؟
انس : اص اص
___
-عند الحريم-
ام سديم : تعالو كلو يبنات
جلسو ياكلون البنات ويشربون شاهي
الجده : متى ناويين تزوجون هالبنات
ام سديم : والله محد تقدم للحين وتوهم صغيرات
الجده : توهم صغيرات ؟ وانا تزوجت وانا اصغر منهم وارياف تزوجت
ام سديم : بس يعني لسا ما جا ولد الحلال
الجده : أنا بختار لهم ولد الحلال
ام سديم : ومن تبينهم يتزوجون
سمعو الكلام البنات وطنشوا سوو نفسهم مايسمعون
الجده : سديم لعبدالعزيز و عهد لزياد ورهف لخالد وهمس لفيصل وسجى لأنس وليالي لغيث
ليالي من سمعت كلام الجده ابتسمت لان خذتها لغيث سديم من سمعت كلام الجده ماكانت تبي
سديم : ياجده معليش بس حنا مو موافقين
ليالي ناظرت لسديم بحقد : حبيبي أنا موافقه واذا مب موافقين توافقون غصب ، سديم ناظرت لليالي بكره وليالي تبتسم وبعيونها الحقد
سديم : أنا عارفه ليه موافقه عشان الجده خلتك لغيث
ليالي قامت من مكانها : وانتي شدخلك وشعليك؟
سديم : لانك تحبينه ها ؟
الجده انصدمت من كلام سديم وليالي ناظرت للجده بخوف منها
الجده : ليالي وش هالكلام ؟؟؟
ليالي : ياجده تكذب
سديم : لا م اكذب هي تحب غيث واعترفت لي انها تحبه
ليالي لفت على سديم : ويعني انتي ماتحبين عبدالله؟
سديم : لك يوم تذليني عشاني كنت احبه !
الجده : سديم ياخرابة تحبين متزوج !!؟؟
سديم : ياجده قبل مايتزوج كنت احبه
الجده : لا هنا حفله أنا اقول لجدكم يتفاهم معكم
ليالي : سديم نسينا انك قابلتي غيث وفتحتي طرحتك له نسينا انك قابلتي عبدالله نسينا انك رقصتي لغيث وطلعتي معه آخر الليل
سديم بصدمه : ياكذابههه مارقصت له ولا طلعت معههه شهالكلام!!
ليالي : اي اي اجحدي
سديم : ياجده والله تكذب والله تكذب
الجده : وش قلة الادب ذي !!!
سديم : ياجده أنا سمعت ليالي وهي تقابل غيث وتعترف له بحبها وكانت تقول له اني خايسه واني ألاحق شخص متزوج واني مريضه
الجده لفت على ليالي ليالي نزلت راسها بتوتر ولا عرفت شتقول
سديم : اي ماعرفتي شتقولين ! ياكذابهه ماتوقعت انك لذي الدرجه تكرهيني قلنا اكرهيني بس مب لذي الدرجه
الجده بعصبيه وصراخ : خذو هذول البنات عنيي!!!
الجده قامت من مكانها وراحت للجد وحكته كل شيء
قامو البنات وراحو الغرفه وجلسو فيها ناظرو كلهم بحقد لليالي
ارياف : ليالي انتي تعرفين ان سديم مستحيل تسوي شي زي كذا!
ليالي : لا صدق سوت ولمن جت بيتنا بعد هي قالت لي بنفسها وتكلمه انستا وتصور له رقصها وتعطيه بوسات !
عهد : سديم ليه تسوين كذا ؟؟
ارياف بصراخ : ذي وحده كذابه شلون تصدقونها بنات ؟؟
سجى : طيب ليالي ماتكذب ؟؟
ارياف : وسديم ماتكذب!!
شجون : أنا مالي دخل تفاهمو بس أنا احس ليالي صادقه
أرياف قامت من مكانها بعصبيه وصراخ
ارياف : بنات شلون تصدقونها انتم تعرفون سديم زين مستحيل تسوي كذا!!! شلون ياعهد على الاقل انتي كبري عقلك شوي أنا زوجة اخوك وخويتك اللي تحبينها شلون تكذبيني وتصدقين هاليالي ذي !
عهد : اسفه ارياف بس يعني احس ليالي صدق صادقه شوفي من تعابير وجهها تعرفين انها صادقه
ارياف تناظر بحقد : بنات ابد ماتوقعت توقفون مع هالحيه !!
سديم قامت من مكانها بصراخ : ارياف صادقه وانتم اللي مو راضين تعرفون الحقيقه اعمتكم هالحيه اللي وسطكم ربي يشهد علي اني ماسويت كذا شلون تصدقونها ولا تصدقون مارح ابرر لاحد
تقدمت سديم عند ليالي سديم : ليالي بسببك رح يزوجوني غصب
ليالي بنظرات حقد وبضحكه مستفزه : هذي نهايتك يامقرفه
________
يتبع.....
YOU ARE READING
لاقيتك صدفه يامحاسن هالصدف
Randomروايه تتكلم عن سديم اللي تكون جداويه وبيوم يروحون للديره ويجلسون هناك وتتعلم اللهجه حقت ابوها وتعيش وسط بنات تكون خويتهم وبيوم تقابل شخص وتعتبره اخوها وهو يحبها وينغرم وتقابل شخص ثاني وتكون مغرمه فيه ثاني روايه ان شاء الله تنال إعجابكم💗 واتمنى تصو...
