الغَـريب ( مَلاذ السَيف)

الــبــارت الـسادِس .

طُـفولة أليــمة .

اللهُـم صَـلِ عَلـى مُحَـمد وآلِ مُحـمد

روايـــة: الغَريـب
الكَاتِـبة نور الهُـدى

بِســـم اللــه الــرَحــمـىٰن الرَحــــيم

____________________________________

أتعنى المچان الي گعدته وياك
ما الگاك بس رايد اثر منك ! ..

___________________________________

سَيـف الديـن ..

عكدت حواجـبي بأستغـراب على طريقـة كلامة الغامضـة لكن سرعـان ما تغيرت ملامحـمة واعتلت أبتسـامة حزن على ثَغرة وأردف بهدوء

أحمد: لا تكتـرث ل كلامي .. وأعتذر على الازعاج
سيف: لا يـبا على شنو تعتذر؟ عموما شكرا على كلشي سويتة ويانا
أحمد: بالخدمـة بأي وكت ..

أبتسـمت وودعـتة وضعت أيدي خلف ضَهري
رفعت راسي للسمـاء ومشيت ب طريـقي
وبعد ما مـرن يومين والوضع طبيعي
توجهت للمستشفـى حتى أطلـع غيث وارجعـة للبيـت

وصلت لكيـت عباس ويوسف بالفعـل واصلين ومنتظريني نزلت من السـيارة ورحت يمهم

سيف: السَلام عليكم
يوسف: هلا ضلعي
عباس: تأخرت ليش
سيف: ازدحام .. شنو وقعت خروجيتة؟
عباس: اي قبل شوي كال الدكتور نكدر نطلعة
سيف: حلو لعد جهز الكرسي

هز راسـة وراح يجيب الكرسي
رحت انا ويوسف ل غرفـة غيث من دخلتلة أبتسمت من شفتة عدل روحة كأنما جان منتظرني

سيف: هااا شلونة البَطل
غيث: بأفضل حااال .. ليمتى اطللع؟؟
يوسف: هسه تطلع ريح بالك

غيث: واخييـرااا
سيف: شسالفـة هواي متحمس تطلع
غيث: مو حمَضت

ضحكت بصـوت على نبـرتة وهو يتمسـكن
التفتت من شفت عباس دخل بايدة الكرسي
لزمنا غيث انا يوسف وكعدنا عليه ومشـينا بيه واحنا نحاول ننسية الوجع ونضحكة