الغَـريب ( مَلاذ السَيف)

الــبــارت السَـابِـع .

اللهُـم صَـلِ عَلـى مُحَـمد وآلِ مُحـمد

روايـــة: الغَريـب
الكَاتِـبة نور الهُـدى

بِســـم اللــه الــرَحــمـىٰن الرَحــــيم

____________________________________

أَنت لَست وَحدَك ، تَأمّل حَولك صَاحِبُ الزَّمَانِ مَعَك .

___________________________________

عَلي: سيف بيك شي؟

فتح حلـكة كأنما راد يحجي شي بس بثـواني بسيطة كولب عـيونة بشكل مرعـب وطاح بالكـاع وانا متصنم بمكاني من شفتة طاح وضل يرجف بقـــوة!!!

فتحت عيوني بصدمـة من شفـته بهيج وضع ركضت عليه واحس كلبي طاح قبل لا اوصلة

عَلي: سيييف الدين

وصلت يمه صحت على ضرغام الي من سمع صوتي اجة يركض علي

ضرغام: شبيه شبيه؟
علي: ما ادرييي يمكن سكرة انخفضض
ضرغام: دواه كوم جيب دواه!

هزيت راسي هو اخذة حط راسة بحضنة وانا ركضت للبيت دكيت الباب طلعلي يوسف

يوسف: ها ها وصمخ شبيك فلشت الباب
علي: يوسف روح جيب ابررة سييف بسرررعة
يوسف: ابرة سيف ؟ ليش شصارلة!!

علي: يعنييي داكلك ابرررتة شصاارلة يعنيي اغمى عليه جوااا بسرعة جيبهااا

يوسف: اي اي اصبررر

راح يركض وانا واكف اتانية اجة لازم الابرة وراح قبلي مشيت بسرعـة وراة شفتة ركض ل سيف ووكع يم راسة

يوسف: جم مرة كتلة اكل يابــة اااكل انوب حتى دواه ما شربـــةةة

ضرغام: عوووف التمسلت هسه وأضربةة بسرعة

هز راسة متوتر وضرغام فتح البدي مالة ويوسف حقنة ببطنة وحط جوا لسـانة
شكر مربعـات سيف دوم يشيلة وياكلة من ينخفض السكر ماله ، بس مرت دقايق قليلة وهم ما كعد

علي: ليش ما كعد؟
يوسف: كومو شيلوه وياه اجتة نوبة سكر قوية هالمرة لازم نودية للمستشفى

كمت انا لزمتة من أيد وضرغام لزمة من ايد وصعدناه يوسف كال راح يكل ل اخوانة ويرجع ورانا .. صعدت انا يم سيف وحطيت راسة بحضني ولازم أيـدة جانت ترجف بشكل مو طبيعي

ضرغام ساق بينة ووصلنا للمستشفى
نزلناه ودخلناه جوا اجت ممرضـة شافتة
وخلتنا نحطة بغرفة الطوارئ ...

زيــنــب

شـفت باب المستشفـى انفتح ودخلو شباب ساندين ولد بأيدهـم باوعت لجمان ردت اصيحلها تروحلهم بس جانت مشغولة
عفت الملفات الي بايـدي وانا رحت الهم
وكفت بمكاني واستغربت من طلع هذا نفسة الغَريب الي يصير اخوة لـ غيث!