الغَـريب ( مَلاذ السَيف)

الــبــارت العَــاشِــر .

اللهُـم صَـلِ عَلـى مُحَـمد وآلِ مُحـمد

روايـــة: الغَريـب
الكَاتِـبة نور الهُـدى

بِســـم اللــه الــرَحــمـىٰن الرَحــــيم

____________________________________

ورا ما كِعـدت من الغيبـوبة الي أستغرقـت خمـس ايام مـرت يومين هم نفـس الوضـع
ضليت نايـمة بالمستشـفى أحس حتى جسـمي عفـن من النـومة .. بس طوال فترة
نومتـي ما شفت أبـوي أجة استغـربت ليش؟

وباليـوم الثـالث الي هو يوم السبـت
جنت نايـمـة وحسيت أحد اجة كعد يمي
ولزم أيدي وضل يبجي .. ما كدرت افتح عيوني لان جنت تعبانة بس عرفـت هذا أبوي من كال بصوت مبحوح

أدهـم: امچ خلت روحچ وروح اخوانج امـانة بركبتي لحـد ما الله ياخذ أمانتي .. بس تردين ترحين قبلـي؟ لعـد انا ياهو الي ضل ألي؟
وياهو الي كل يوم يصلي وياي؟ ويسولف
ويـاي! يصـبرني من أمر بضيق!..

بنيـتي .. يا نظر عيني كسرتي ظهرري بنومتچ
أميرة أدهـم ..

نزلت دموعي على كـلامة والغصـة ب نبـرتة
حسيتة مسح عيوني بأيـدة وتقرب باسني بقـوة بجبـيني .. فتحت عيوني واجت بعيونة الحمـرة أبتسـم بكل حنيـة وحضني من جتوفي

زينب: بـ..بابا ..
أدهـم: يا بعد روح أبوچ بنيتي أنتِ
يا كسـرتي ..

زينب: لا تبجي بابا ..

سكت بس احس دموعـة جانت تنزل على خدودي لزمت چتفة وضليت أمسح عليه
ابتعد ولزم وجهي بأثنين ايدية وضل
يفر بيه

أدهـم: شلون صـرتي بابا؟ تحسين بوجع؟
اصيحلچ الدكتور شنو اسوي؟
زينب: أهدأ يابة ما بيه شي شوية ألم بس هسه يروح والله

أدهـم: متاكدة بابا؟
زينب: وداعتك متأكدة .. ما بيه شي

كعد يمي ما مقتنع وكلساع يـبوس بأيدي لو يمسح على راسي والخـوف جان محتل كلبة

أدهـم: بابا انا راح اشـوف دكتـور أحمد واجيلج تمام؟

هزيت راسـي بموافقـة وهو كام على حيـلة وطلع .. جان ريـكي ناشف وعطشـانة
درت وجهي على المـيز تحركت شوي ردت اخذ الماي .. بس اخذت نفس موجوعـة
لأن تحركت ب طريقـة خطأ

بنفـس الوقت الي تألمت بيه انفتح البـاب ودخل حسـن من وراه .. بس لمحني متالمة أجة يركض علي بسرعة