هوايا نوفيلا تكميلية لسلسلة اسيرها

الفصل الخامس

ظلت تنظر جهته بغيظ لتقول لضيق
_برده مُصّر ان انا اروح معاك

اومأ آسر برأسه بلا مبالاة لتقول بضيق
_يا آسر مش هينفع دة انت لو قاصد ان الناس تتريق عليا مش هتعمل كدة

رفع رأسه من على الحاسوب الذى كان يعمل عليه ليرفع حاجبه قائلا بنبرة خطيرة
_ليه ان شاء الله؟

اشارت جهة بطنها المنتفخة اثر حملها فى بداية شهرها التاسع لتقول بضيق
_بسبب دة انت مش شايف بطنى ولا ايه دة بطنى اكبر منى اذا كنت انت نفسك بتقول انى شبه الكورة

ابتسامة حنونة ارتسمت على شفتيه ليشير اليها بيده لتقترب وما ان اقتربت حتى امسكها من يدها يجلسها برفق على ساقه يمسح بحنان على بطنها قائلا بحب
_انا اقول اه لانى بشاكسك لكن غيرى لا ميقدرش، انتى مش عاملة حاجة غلط انتى حامل، انتى روح بتحرق نفسها علشان خاطر روحين جواها، انتى ام والامومة اجمل واعمق علاقة فى الكون هى الحياة اللى بتبعث حياة، وروح بيطلع منها روح تانية، المنظر دة حاجة متخجليش منها بل بالعكس دة انتى تفرحى بالمنظر دة لانه نتاج عشقنا وحبنا حتة من آسر على حته من ناردين دليل عشق آسر لناردين عشقه ليها فى كل كلمة وف كل نفس فى كل همسه ولمسة وضحكة، عشق اتخطى كل الحدود لدرجة انى مش عارف ازاى قلبى قادر يشيله دة كله مش عارف ازاى قلبى قادر يحبك كل الحب دة بس كل اللى اقدر اقوله ان حبك عدى كل الحدود بالنسبالى انتى بقيتى قلبى انتى اللى ساكناه ومنظرك دة اسمى منظر فى الكون واكبر دليل على عشقى ليكى

صمت ثم نظر لها ليقول بمرح
_وبعدين منظرك دة اكتر منظر يكيد العوازل وانتى رايحة مع جوزك بكل فخر لانك حامل منه وربطاه كده بيكى باولادك وهو ماشى معاكى بكل فخر

اومأت برأسها قائلة بسخرية
_قصدك راجل اعمال ساحب الارنبة بتاعته معاه

ضحك بشدة لدرجة تراجع رأسه للخلف ليميل يحتضن خصرها ويستند برأسه على بطنها قائلا بعشق
_انتى عشق قيدنى واسرنى وفى اسره لقيت الحياة، انتى اللى كملتينى من كل نواقصى، انتى الامان بالنسبة لى وسط كل العالم الجاحد دة انتى الحضن اللى بترمى فيه بعد ضغط العالم، وقدام عشقك برمى آسر الجامد وبيخرج اسر اللى مخبيه آسر اللى مفعم بالمشاعر آسر العاش،  آسر اللى ميقدرش يعيش من غيرك لحظة واحدة، انتى بالنسبة لى الامان والحياة يا ناردين

ثم رفع انظاره ينظر بعينيها البنية ليقول بعشق
_يمكن بالنسبة ليكى عيونك عادية بس بالنسبة لى بر الامان مرسايا وشطى ونجاتى ده انتى الحياة يا ناردين

ظلت تنظر جهته بعشق وحنان كم تعشقه كم تهيم به عشقا كم تهيم بكل شئ به كل لمسه وهمسه منه كل ضحكة وابتسامة كل كلمة تخرج منه كم تهيم بملامحه الوسيمة تلك.

نعم تثق به وتثق بأنه لا يرى سواها ولن يفعل ف آسر رجل لامرأة واحدة وهى امرأته، آسر لها وحدها وهذا ماجعلها تتخازل فى اظهار ملكيتها تجاهه لانها تعلم يقينا بان آسر الحنون لا يظهر سوى معها هى فقط وقوته تلك تظهر لاجلها بينما امام الجميع تظهر قوته امامهم، آسر لن يسمح حتى لاى انثى من جنس حواء ان تقترب منه مقدار ثلاثة متر على الاقل حتى ان اسر هو الذى سيقتل اى انثى تحاول الاقتراب منه لانه لا يريد ان يلوث جسده بلمسة اى امرأة سواها نعم قالها حينما قال بجدية اثناء لحظات غيرتها ذات يوم
(اللمسة اللى متكونش منك هتحرقنى هتخلينى اشمئز من نفسى، جسمى مختوم باسم ناردين وبس والى هتحاول تقرب منه هتقابل نارى اللى هتحرقها، نارى اللى بتتحول لنعيم لناردين لانها نار عشقى ليها لكن اى ست تانية بتبقى جحيم هينهيها)
ولكن الان عليها ان تقف امام الجميع تتمسك بيده تنظر للجميع من علياءها وتثبت للناس بكل كبرياء بان هذا الرجل الوسيم هو لها هى فقط، ذلك الجامد القاسى يتحول لحنون تجاهها وانها هى صاحبة اليد العليا عليه وبحياته، هذا الرجل لم يهبط من برجه العالى لاى انثى ولكن عليها ان تكسر امنياتهم بان يهبط لاجلهم حينما يرونه يهبط لاجلها ويرفعها هى فقط مكتنفها بكل حب وحنان لن يرو مثله ابدا ويحيطها بقوته المخيفة لتثبت للجميع بكل قوة ودون حديث بان هذا الرجل الوسيم المهيب الجامد والقوى لها هى فقط ومعها يكون اخر ولن تستطيع اى انثى ان تقترب منه او ان تحذو نحوه خطوة واحدة والا ستواجه شراستها هى وستريها هى غيرتها وستقتلها ف آسر لها وحدها