انتى العشق الذى يجرى بدمى
انتى الحب الذى احيا به
انتى الحياة التى اتمنى ان اعيشها
انتى ب اختصار الحياة الحياة التى لم احلم بها يوما ولكنى وجدتها بل وافضل مما كنت قد اتمنى
انت دقات قلبى وعشقى وهوايا ووجدانى ووجودى
باختصار انت هو انا
ارتفع حاجبى آدم بصدمة وهو يتساءل بذهول معقول الحاج عبد الرحمن المنشاوى بيسأل!!! متعودتش عليها دى ياجدى انا متأكد انك عندك الحل بس انا اللى خايف منه هو حلك ورد فعلك
صمت عبد الرحمن لبرهة من الزمن ينظر داخل مقلتيه ليناظره الاخر بخوف الى ان سأل بتوتر ايه بتفكر فى ايه ياجدى
الصمت الذى غلف المكان جعله يرتعب اكثر الى ان هتف عبد الرحمن بنبرة حادة كنصل السيف انت هتتجوز ملك يا آدم
صمت غلف المكان لبعض الوقت الى ان قال آدم بصوت مبهوت نعم؟؟!! انت بتقول ايه؟؟ ملك مين دى اللى هتجوزها
نظر له عبد الرحمن ليقول بتأكيد انت هتتجوز ملك عاصم الدوينى يا آدم
صدمة حلت عليه ليقف ينتفض من مكانه صارخا بغضب نعم!! حضرتك بتقول ايه؟؟ ملك مين دى اللى اتجوزها انتو بتفكرو ازاى وازاى تقررو نيابة عننا
التف اليه جده ليقول بقوة اذا كنت انت مش هتتجوزها هشوف واحد من ولاد عمك يتجوزها الشباب فى العيلة كتير المهم البنت دى مش خارجة من اهنه الا وهى على ذمة واحد منيكم
ظل آدم يهز رأسه بهيستريا ليقول بعدها بغضب وصوته يرتفع اكثر لا دة حرام.. بجد حرام اللى بتعملوه فيها، دة اللى هو ازاى واحدة عايشة عمرها كله مخبيينها عن الدنيا واللى فيها وبعدها تتصدم بوجود عيلة لامها بعدها تقررو نيابة عنها انها تتجوز لحد امتى هتقررو نيابة عنها تقررو نيابة عنها انها تستخبى تقررو انها متعرفش حاجة عن عيلة اهلها وبعد كدة تقررو انها تعرفهم وبعدها تقررو تجوزوها وتقررو تعرفوها انها ليها ميراث وانها غنية ويوم مايجيلكم المزاج تقررو انكم تعرفوها ب المعمعة اللى هى طرف فيها وانها ممكن تموت فى اى لحظة وتقررو انكم تحطوها فى وش المدفع وهى بدون شخصية ما عليها سوى السمع والطاعة زى عروس الماريونت تتحرك بايديكم حتى شريك حياتها انتو اللى بتختاروه نيابة عنها وتقررو انها تتجوزو هتفضلو لحد امتى تتحكمو فى حياتها ولاغيين قراراتها وناسيين انها بنى أدمة ومن حقها تعرف اللى يخصها
الراواية هتنزل من اول يوم السبت ان شاء الله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
