نامە نەنێردراوەکانی دڵمان

پێش ئەوەی بمرم

دەمەوێت پێش ئەوەی بمرم،یەک جاری تر بتبینمەوە،دەمەوێت ئەو نامانەی کە لەسەر لاپەڕ کۆنەکانم نووسیومن و نەم ناردوون، بۆتی بنێرم،باشە چی دەبوو پێش ئەوەی بمرم ،ئێوارەیەک تۆم لە یەکێک لە شەقامەکانی ئەم شارەدا ببینیایە..؟؟
لەبەر چاوی هەزاران کەسی مێشک سست و دواکەوتوی ئەم کلتوورە،باوەشم کردیتایە و ئەوانیش سەرزەنشتیان بکردمایە ..؟؟
ئەو سەرزەنشت کردنەش لای من هیچ بەهایەکی نییە چوونکە ئەوان تامەزرۆی باوەشی یاری دووریان نەبوون،ئەو باوەشەی کە ڕۆحی ماندوومی پێ زیندوو دەبێتەوە و ئارامی بە جەستەم دەبەخشێت.
...