"බබා.... බබා...."
"දෝණියෝ"
"බබා එන්න කමු. අම්මට හෙට උදෙන්ම යන්න තියනවා ඉන්ස්ටිටියුට් එකට. වේලසන නිදාගමු ඔයාටත් මහන්සි ඇතිනේ"
"එනවා"
අද ගෙදර ඉන්නේ සුදු දෝණියි මමයි විතරයි. හරිම පාලුයි ඉතින්. මේ දවස් ටිකේම කට්ටිය එක්ක ඉදල ඉදල දැන් තනි වෙලා වගේ දැනෙනවා. ඊටත් වඩා අයියා නැති පාලුව හොදටම දැනෙනවා. ගෙදර ආපු ගමන් මම වොශ් එකක් දාල බෑග් අස් කරල ඇඳට වැටුනේ මේ දවස් ටිකේ අයියා එක්ක ගත කරපු හැටි ආයෙ ආයෙ ඇස් පියන් මතක් කරගන්න ගමන්. දැහැන් ගත වෙලා වගේ ඉද්දි අම්මා කතාකරපු නිසා රැටත් කාලා මම ආයෙත් මගේ කාමරේට ආවා. වෙනදට අම්ම එක්කම නිදාගන්න මට අද ටිකක් තනියම ඉන්න ඕන උන නිසා එයාට චුටි බොරුවකුත් කියල තමා ආවේ. ඇඳෙන් හාන්සි වෙන්න යද්දිම තමා මට මතක් උනේ අයියා මට ගිෆ්ට් එකක් දුන්නා නේද කියලා. මම ඒක කබඩ් එකේ දාල තිබුන තැනින් ආයෙම අරගෙන හිමිහිට අන්පැක් කරන්න ගත්තා. කවර් කරල තිබුන කොලේ ගැලෙව්වම තිබුනේ චුටි බොක්ස් එකක්. ම්ම්ම්ම්ම්..... නයිස්.... ඒකත් ඇරල බැලුවම පුංචි කොලේක මොනවද ලියල දාල තිබුනා. ඒ කොලේ අතට ගත්ත මම බොක්ස් එක දිහා ආයෙ බලද්දි ඒකෙ තිබුනේ ගිටාර් පික් එකක්. ඒක හරීම ලස්සනයි. මම හිතන්නේ ඒක තමා මට හම්බුන හොදම ගිටාර් පික් එක..ට්රාන්ස්පේරන්ට් පික් එකේ ඇතුලේ නිල් පාටින් G Clef එකකුයි රෝස පාටින් චූටි හාට් එකකුයී තිබුනා. මම ඒක අතට ගුලි කරගන්න ගමන් ලියලා තිබුන නෝට් එක කියවන්න ගත්තා.
මගේ ශ්රී ට,
අනිත් දවසේ ඇඟිලි තුවාල කරගන්න එපා. මේක පාවිච්චි කරන්න තේරුනාද? පුංචි තෑග්ග හැමදාටම පරිස්සම් කරගන්න බබා.
මං ඔයාගේ අභී
YOU ARE READING
Aster Monarch (කැළෑමලට ආදරෙන්)
Non-Fiction.... ශ්රි කියලා කියන්නේ "මම ඔයාට ආදරෙයි ශේනූ අයියේ, ඒත්" කියලා කියන කෙනෙක් නෙවෙයි. "මම ඔයාට ආදරෙයි ශේනූ අයියේ, එච්චරයි " කියලා කියන කෙනෙක්. ජීවිතේ කොයිතරම් අමාරූ දවසක උනත් ඔයා මට ඉන්නවනේ කියලා දැනෙන එක පට්ට ෆීලින්ග් එකක්. විස්වාස කරන්න, ඒක තමයි මම...