《 البداية 》
" الكتابة وطنٌ لمن لا وطنٌ له "
الكاتبه زهرة 🦋
"لا ابيح النقل والاقتباس لرواياتي"
‹ لايك لطفًا ❤️ ›
صباح يوم الجمعه " في الدمام "
دخل الجد محمد المجلس على العيال
الجد محمد : يلا يا عياال قوومو بسرعه عشان نلحق الصلاة .. يا متعب متعب قممم انت وياه قومو اخلصوا عشان نلحق عالصلاه
متعب تنهد بضيق : طيب يا جد قايمين الحين انت اسبقنا
الجد محمد : قمم قلت لك وقوم فيصل وسعود بسرعه ..
متعب : ابشر يا جد ابشر فيصل يا فيصل قم سعوود قوموا يلا نلحق الصلاة
الجد محمد : يلا يلا
سعود : الله يهديك ياجد خلنا ننام شوي
الجد محمد : قمم قلت لك اخلص علي الناس راحت تصلي وحنا جالسين اخلص انت وياه انا بنتظركم بره يلا والي بيتاخر الخيزرانه داخل ..
فيصل : ابشر ياجدي ابشر
طلع الجد محمد وسعود وفيصل ومتعب توجهو للمسجد معه بعد ما توضوا وغسلوا
لحقوهم ابناء الجد محمد ومحمد اخو فيصل
" عقاب ابو فيصل ومحمد "
" وعبدالله ابو متعب و سعود "
••••••••••••••••••••••••••••••••
••••••••••••••••••••••••••••••••
في بيت عقاب
ام غلا : يلا يا غلا قومي ابوك الحين راجع من الصلاه ساعديني
غلا : طيب يمه جايه شفيك !!
صوت عقاب وهو داخل : وينك يامره جهزتي الفطور ؟؟
ام غلا : ايه يا بو فيصل يلا جايتك ..
غلا : صباح الخير يبه .
عقاب : صباحك نور يا بنتي تعالي يلا افطري معي
غلا : عوافي على قلبك يبه انا رايحه ارتب غرفتي لان اليوم بنجتمع انا والبنات هنا ..
عقاب : يعافيك يابنتي .. براحتك ياروح ابوك
غلا ابتسمت وركبت غرفتها تعدلها وترتبها
سمعت صوت اخوها فيصل من تحت واصل
طلت من الشباك ولقت فيصل معه متعب وسعود
ابتسمت غلا لما شافته واقف ومعه متعب واللي كان لابس ثوبه الابيض وشماغه على كتفه والدخان بيده يتناثر ابتسمت غلا وهي تتأمل منظر متعب
فيصل : الله يصلحه جدي انا ماعاد انام معكم ببيته
متعب ضحك : الله يصلحك انت وياه
سعود ضحك : فيصل الا ماقلت متى حددتو موعد الزواج انت ونوف ؟؟
متعب قاطعه : يارجال شكله بيكنسل كل شي واختك بتجلس عندنا ..
فيصل ضرب كتف متعب : وجعع لا ماراح اكنسل وان شاء الله بكره رايحين يحددون الملكه ويتفقون الحريم مع بعضهم .. بعدين انا ما استغنى عن حبايبي ..
سعود : ربي يوفقكم ياخوي ..
متعب : ان شاء الله ما تتبدل احوالك بعد الزواج يا فيصل .. اختي وانا اعرفها
ضحك فيصل : لا لا تحاتي ماخذ احتياطي ..
مات ضحك متعب ورفع راسه يضحك ولمح الغلا واقفه من الشباك تناظرهم ولأول مره يشوفها بدون حجاب استقرت عيونه وانظاره عليها الغلا هربت اول ما شافته يناظرها وسكرت النافذه
الغلا : ياولي ويلاه !!!
أنت تقرأ
يقولون العرب .. ان الغرام اعمى
Romanceماذا لو مِتعب اللي ماخذ اوصَاف جدّه محمد واللي الكل يهَاب منه والغلا بنت عمّـه عـقَاب اللي يحبون بعض وتبدا الحكاية من هـُنا .
