《 البارت السابع عشر والاخيـر》
‹ لايك لطفًا🦋›"أن تؤلف رواية ، أن يقـرئها غريب، في مدينة غريبة ، يقرأه ليلا، أن يختلج قلبه لسطر يشبه حياته،او يتمنى عيـشه .
ذلك هو مجد الكتابه".~ الكاتبة زهرة 🦋
{ انا كـ كاتبة نفسي ، لا اؤيد الروايات التي تتكلم عن مشاكل لا تنتهي ، فـ أنا أحب الخيال كثيرا .
لذلك اتعمق بالشي شبه المستحيل لـ كنه ممكن .
لا حياة بدون مشاكل ولكن ، يوجد خيال كامل وسعيد .
انا احب دائما ان انقل لكم السعاده والحب السريع المفهوم لدى الابطال ولا احب الممطاله ، احب الخيال الذي يفهم الحب ، لذلك يعتبر ' 'البعض' '
ان رواياتي ممله و متكرره ولكن لكل شخص عالمه .
🦋 " وهذا هو عالمي " 🦋
~ فـ ماذا لو ؟ . جميعنا عشنا فكرة الحب الدائم المفهوم الحقيقي ' كـ الروايات السعيده '
بدون فلسفة ولا تحديات .🦋 < بداية النهـايـة السعـيدة > 🦋
" فـي بيت عبدالله فـ المجلس عند متعب ومعه حمد
متعب ابتسم ونطق : ذي الساعة المباركة عاد مستحيل القى لاختي واحد مثلك وشرواك انت رفيق عمري ي حمد اكيد موافقين ، بس خلنا نتاكد من شور البنية ونرد عليك
حمد ابتسم لـ متعب
متعب مد يده بصافح حمد ونطق : الله يكتب الا فيه الخير وانا اخوك .
حمد ابتسم ونطق : اللهم امين .
" في غرفة نجد ركب لـهـا اخوها متعب بعد ما مشى حمد عشان يفاتحـهـا بالموضوع .
طرق متعب الباب
نجد : هلا متعب تعال .
متعب دخل وهو مبتسم ونطق وهو جالس جنبها : وشلونها اختنا ؟
نجد ضحكت ونطقت : بخير حبيبي انت وش بغيت ؟
متعب ابتسم ونطق : اسمعي ابيك بموضوع ضروري
نجد ضحكت : وش تبي علمني ؟؟
متعب ابتسم ونطق بهدوء لهـا : تعرفين خويي حمد صح ؟.
نجد : صح ليه ؟.
متعب : حمد يبيك له حرمه وزوجه وش رايك ؟.
نجد بصدمه : ها ؟.
متعب ضحك : وش اللي ها ي حبيبتي اقولك خطبك مني اقوله لا ؟.
نجد بخجل : مدري كلم ابوي وامي
متعب ابتسم وهو فاهمها : طيب طيب خلاص ناميلك احسن مع السلامه .
خرج متعب من غرفة نجد وهو يضحك عليها .
نجد م صدقت على الله ودقت عـ الغلا تخبرها .
الغلا بفرح : احححلللفييي مبببروووووك واخييييرااا
نجد ضحكت : اشش اسمعي والله اني مستانسه اهم شي بتزوج واخيرا ما راح اضل انا الوحيده سنقل بينكم .
ضحكت الغلا عليها ونطقت : طيب حلو الله يوفقك يارب والله اني فرحت لك
نجد : ي عمري انتي احبك لانك جنبي غلووووي
امواااح
الغلا ببتسامه نطقت : مو كثري ي قلبي وانا بعد اموت فيك.
نجد : طيب يلا انا بروح انام وبشوف بكره وش بيصير
الغلا : طيب مع السلامة
نجد : الله يسلمك
" في يوم السـبت
في غرفة الغلا وهي منسدحه عـ السرير من التعب
صحت على صوت جوالها " متعب " يدق لها
الغلا ردت بـ : هلا متعب ؟
متعب : وش فيه صوتك ؟؟؟ فيك شي ؟.
الغلا بتعب واضح : ها لا مافيني شي
متعب : وش فيك علميني اجيك ؟.
الغلا : متعب خلاص م فيني شي قلت لك وش بغيت. ؟
متعب : لبى العصبيه ي قلب متعب ، اسمعي بمرك الحين نروح نتمشى وش فيك ماعاد التفتي علي ؟؟.
مشتاق لك طيب !
الغلا : مالي خلق تعبانه وبطني يعورني
متعب : افا ي ذا العلم وش بلاك ؟؟.
الغلا: م فيني شي بعدين صراحه مدري كيف اقولها !
متعب ابتسم : وش تقولين ؟.
الغلا : خلاص ي متعب يعني انت عارف اكيد !
متعب ضحك عليها : اشارتك حمرا ؟.
الغلا بخجل : متعب !
متعب ضحك ونطق: امزح معك ي عيونه ، وش جاتك ؟
الغلا : ايه وبطني يعورني وماني قادره من الالم
متعب : طيب غرامي قولي كذا من الاول الحين اجيب لك كماده حارة ومعها شي دافي
الغلا ابتسمت : طيب ابي شي
متعب ابتسم : سمي قلبي سمي ؟
الغلا : سم الله عدوك ، ابي تشوكلت او حلا
متعب ابتسم : ابد دقايق و عندك .
الغلا ابتسمت : شكرا متعب مره شكرا
متعب ابتسم : لا تشكريني ي غرامي
الغلا ابتسمت : طيب لا تتاخر
متعب ابتسم : حاضر ي عيونه
ابتسمت الغلا وسكرت جوالها ورجعت انسدحت .
' وصل متعب بيت عمه عقاب ومعه اكياس كثيره مليانه شغلات لـ الغلا
دخل متعب المجلـس وسلم على عمه عقاب .
عقاب : هلا فيك ي ولدي تفضل .
متعب : يزيد فضلك ي عمي بس ابي اشوف الغلا
عقاب : ايه الغلا بغرفتها الحين اناديها .
متعب : لالا ي عمي انا بركب لها .
عقاب ابتسم ونطق : حياك م في احد
متعب ابتسم : يحييك
ركب متعب لـ غرفة الغلا
وطرق الباب
الغلا نطقت بـ تعب : مين ؟.
متعب ابتسم ونطق : ادخل ؟.
الغلا عدلت جلستها ونطقت : ايه
دخل متعب وهو مبتسم وتوجه يـجلس بـ جنبها
نطق متعب : عسى صرتي احسن ؟.
الغلا ويدها على بطنها : لا للحين .
متعب ابتسم وقرب يشغل لها الكـماده وقرب ومسك يدها وحط لها الكماده على بـطنها .
حط لها السناكات على سريرها والمشروب الدافي جـنبها .
الغلا ابتسمت وهي تناظره وهو مهتم فيها وبأدق التفاصيل .
متعب ناظرها وضحك ونطق : وش فيك تتامليني ؟.
الغلا ضحكت بتعب : ولا شي بس كيوت
متعب ابتسم ونطق : والله انتي الكيوت ، حتى وانتي تعيبينه تجننني .
الغلا ضحكت من كلامه : شكرا لك ي متعب والله انك خففت علي االامي .
متعب مسك يدها ونطق : م سويت شي ، وعلى فكره لو تبين وقفتها لك تسع شهور بعد زواجنا وش رايك ؟.
الغلا انصدمت وضربته على كتفه العريض ضحك متعب وهو متوقع ردة فعلهـا ذي .
الغلا : منجدك انت !.
متعب ضحك : ايه والله يعني انكت عليك !
الغلا : م يضحك
ضحك متعب ونطق : طيب بقولك شي
الغلا : وش ؟.
متعب : حمد صاحبي خطب نجد
ضحكت الغلا ونطقت : عارفه نجد قالت لي
متعب ابتسم : مايفوتكم شي .!
ضحكت الغلا : اكيد صديقتي
متعب قرب لها اكثر ونطق بهمس : ي حظهـا
الغلا ابتسمت ونطقت : طيب متى بتمشي ؟.
متعب ابتسم : طردة ؟.
الغلا : لا بس بنام
متعب : طيب قايم
الغلا مسكت يده ونطقت : دقيقه امزح معك وش فيك ؟.
متعب ابتسم وقرب لهـا ونزل وجهه لهـا وصار مقابلها عـ طول ونطق : متى نصير ببيت واحد ي غرامي ؟.
الغلا: م باقي شي
متعب ابتسم وقرب لها يبي يطبع قـُبلته على ثغرها الصغير وانفاسه تلهف عليها بهدوء طبع قـُبلته عليها وتحديدًا على ثغرها الصغير .
استحت الغلا ونزلت راسها بالارض ويدها على بطنها .
متعب ابتسم ووقف ونطق : اشوفك ي غرامي ، وانتبهي لـ نفسك طيب ؟. لو صار معك شي كلميني
الغلا استحت ونطقت : طيب شكرًا متعب
متعب ابتسم : العفو ي قلبه
خرج متعب من غرفتها وتوجه لـ سيارته ومشى لـ بيتهم ..
أنت تقرأ
يقولون العرب .. ان الغرام اعمى
Romanceماذا لو مِتعب اللي ماخذ اوصَاف جدّه محمد واللي الكل يهَاب منه والغلا بنت عمّـه عـقَاب اللي يحبون بعض وتبدا الحكاية من هـُنا .