يقولون العرب .. ان الغرام اعمى

البارت الرابع

《 البارت الرابع 》
‹ لايك لطفًا🌷›

نزلت الغلا من غرفتها لـ الصاله ولقت محمد جالس على جواله وامها تتقهوى مع عقاب ابوها
الغلا : بابا انا بروح مع بنات عمي احمد بيت عمي عبدالله
عقاب : الله معك يابنتي انتبهي لنفسك
محمد : كل هالزين عشان بيت عمك عبدالله ؟؟
الغلا : وش دخلك انت. ؟؟!!
محمد : اقول عدلي حجابك ونقابك!! مين اللي بيمرك ؟؟
الغلا : نعععم!!
محمد : اخلصي مين ؟؟
الغلا : مدري ليان قالت فارس ..
محمد : طيب يلا بوصلك للسياره
الغلا ضحكت: ونعم الاخ !!
محمد ضحك : يلا امشي
طلعوا الغلا ومحمد وقدام بيتهم سيارة فارس ومعه خواته شهد وليان ينتظرون الغلا تطلع
فارس فتح الشباك حق السياره اول ماشاف محمد معه الغلا
فارس ابتسم : الله حيه حمووود
محمد : هلا فيك يالعشير
محمد ناظر بالسياره فيها شهد وجنبها ليان
ناظرت شهد بعيون محمد نظره سريعه
شهد بقرف : فارس بسرعه يلا خلنا نمشي الغلا ركبت ..!
محمد تذكر كلام متعب : يلا يالعشير نشوفك في بيت عمي عبدالله
فارس : حياك نشوفك يالعشير
مشى فارس ومحمد واقف يفكر بـ شهد
محمد بداخله : شكله كلام امي واختي صح انا انعميت بالبدايه !!

" في سيارة فارس بالطريق
شهد : فارس
فارس : نعم
شهد : نزلني عند محل الايسكريم القريب هنا باخذ لي انا والبنات
فارس : طيب
ليان : مجنونه أنتي بنتاخر على البنات !!
شهد : اقول انطمي مب شغلك !!
الغلا مسكت يد ليان وكانها تقول لها : معليش حبيبتي احقريها ..
ليان ابتسمت لـ الغلا
وبعد دقايق وصلوا محل الايسكريم
فارس : يحتاج انزل معك
شهد : لا ماله داعي... تبون شي ؟؟
الغلا : لا شكرا انا مابي
ليان : ولا انا مابي
شهد : طيب احسن !!
نزلت شهد تاخذ الايسكريمات حقها وحق البنات عمدًا..
وفارس يناظر بالمرايه الاماميه بـ عيون الغلا وغلا ماناظرت فيه وهي كل تفكيرها متى توصل بيت عمها عبدالله
وبعد دقايق وصلت شهد وبيدها كيس وثلاثة ايسكريمات
شهد : امسكوا بسرعه قبل يطيح علي !!!
ليان : انتي ماتفهمين قلنا ما نبغا !!!
شهد : احسن جيبيه !!
خذت الايسكريم من يد ليان وطيحته على عباية الغلا
الغلا شهقت: شههددد فستاني !!!!
شهد : طيب طيب تراه كله فستان !!
ليان : مجنونه انتي !!!
الغلا دمعت عيونها وسكتت بقهر
شهد : شدعوه تراه فستان وبالغلط يعني سوري !!
فارس : وش فيه ؟؟؟
شهد : طيحت ايسكريم بالغلط على الغلا وبكت !!
فارس : لاحول ولاقوة الابالله !!! معلش يـ الغلا اسف !!
شهد : وليه تعتذر ما سويت شي !!!
صرخ فارس على شهد : ششششهدددد!!! انطمي
سكتتت شهد وهي خايفه من فارس ..
وليان تهدي بـ الغلا : خلاص حبيبتي انتي الحين نروح اغسله لك
الغلا تبكي بهدوء بدون كلام وفتحت جوالها تراسل نجد
الغلا : ‹ نجد الحقيني !!›
نجد : ‹يمههه وش فيك ؟؟؟ ›
الغلا : ‹ تخيلي الزفت شهد طيحت الايسكريم على فستاني عمدًا !! 😢›
نجد : ‹ الله ياخذها ذي الزفته خلاص تعالي انتي وانا اوريك فيها !!! ولا تبكين حبيبي انتي💙›
الغلا : ‹ طيب حبيبتي جايه ›
وصلوا بيت عمهم عبدالله وهناك متعب واقف يدخن ومعه فيصل ومحمد وفارس نزل بعد ما وقف السياره ونزلوا البنات وراه لاحظ متعب عيون الغلا اول ما نزلت وهي تمسح دموعها
لاحظ اخوها محمد : الغلا غلا !!
راح لها مسرع : وش فيك ؟؟؟تبكين ؟؟؟
الغلا بدموع : شوف !!!
فيصل لحق محمد : وش فيه ؟؟
محمد : من مين ؟؟؟
فيصل : حبيبتي انتي وش فيك ؟؟ من اللي سوى كذا ؟؟
متعب طفى الزقاره وتقدم قريب منهم بدون لايحس وبداخله : تبكين وانا موجود ؟؟ مين الكلب اللي بكاها ؟؟؟
محمد : طيب من مين قولي انتي بس ؟؟؟
الغلا : تبي تعرف من مين ؟؟
فيصل : ايوه قولي انطقي ؟؟
الغلا : شهد طيحت الايسكريم علي وتقول مايستاهل تبكين !!!
محمد قرب حضنها : خلاص حبيبتي انتي لا تبكين معلش ..
فيصل : انتي روحي داخل وبكلم نوف تنظفه لك
الغلا : لا خلاص نجد بتنظفه..
محمد : يلا حبيبتي روحي داخل
فارس تقدم : اسف ياشباب بس اختي الله يهديها وانتوا تعرفون سوالف الحريم ومناقراتهم ماتخلص
فيصل : شدعوه يالعشير وليه تتأسف قلتها سوالف حريم بس اختنا دلوعه شويتين..
ضحكوا فارس وفيصل
محمد داخله : شكلي تسرعت في اختياري لـ زوجتي !!
فيصل : يلا شباب خلونا ندخل ..
محمد : يلا .. متعب متعب
متعب : هلا
محمد : يلا تعال
متعب : شوي وجايكم ..ادخلوا انتوا
محمد : طيب
دخلوا الشباب ومتعب خذ سيارته ومشى
دخلت الغلا وهي تمسح دموعها متوجهه لـ غرفة نجد دخلت وهي تبكي لحقتها نجد وحضنتها : خلاص حبيبتي لاتبكين تراه فستان يفداك حبيبتي امسكي البسي ذا الفستان على ما انظفه لك ..
الغلا وهي تمسح دموعها : طيب .. بس قهرتني تخيلي تقول لي عادي تراه فستان ليه تبكين !!
نجد : انا اوريك فيها !!! ذي الزفته والله صدقيني بتندم !! عطيني الفستان بخلي العاملات ينظفوا لك وراجعه لك انتي عدلي الميكب حقك وراجعه لك
بدلت الغلا وعطتها الفستان ونزلت نجد تنظف لها الفستان والغلا تعدل مكياجها سمعت صوت طرق الباب ..
الغلا : ادخلي نجووود لا تستهبلين !!
متعب ورا الباب وبيده كيس لـ الغلا ويستحي ينطق
الغلا : نجد خلصت تعالي !!!
متعب : الغلا ..
الغلا : متعب !!
فتحت الباب بصدمه ناظر متعب ونزل راسه
الغلا وقفت ورا الباب: هلا متعب بغيت شي ؟؟
متعب مد يده يعطيها الكيس : عليك بالعافيه
الغلا : حقي ؟؟ وشذا؟؟
متعب : فستان حقك ..وعلى فكره دموعك غاليه
لا تنزلينها على اشياء تافهه
الغلا ابتسمت : شكرا متعب
متعب : العفو وبداخله : لبى ذا الصوت والابتسامه ولبى قلبك والله
الغلا سكرت الباب مستحيه: كيف عرف اني بلبس وردي ؟؟
ومتعب واقف يفكر فيها وبشكلها الحلو بكل حالاتها سمعها وابتسم ..
نزل للشباب بالمجلس الخارجي ورجعت نجد ودخلت الغرفه
الغلا ناظرتها ببتسامه: نجججددد تخيلي !!!
نجد : وش ؟؟؟ من وين ذا ؟؟؟
الغلا : اخوك ..
نجد : اخوي ؟؟
الغلا : اخوك متعب .. جاب لي ذا الكيس فيه الفستان الوردي .. بس كيف عرف اني بلبس وردي؟؟
نجد ضحكت: ايوووه .. سمعني بالمطبخ حبيبتي
ضحكت الغلا وذكرت لما رد عليها من جوال نجد ..
نجد : اوف اوف اشوف اخوي مهتم كثير !! ( وهي تغمز للغلا )
الغلا : بس يابنت استحي ترا !!!
نجد : لو كان فيه شي .. تراه محظووووظ !!!
الغلا استحت: طيب خلاص ممكن تطلعين عشان اغير ملابسي!!،
نجد : حلو تطردني من غرفتي !! بس حلالك خذي راحتك بروح للبنات يلا عجلي .. عشان بدو فعاليات ..
الغلا : طيب جايتكم ..
خرجت نجد والغلا غيرت ملابسها وعدلت الميكب حقها وخرجت ونزلت للمجلس الداخلي ..
دخلت الغلا بـ طلتها المميزه وفستانها اللي من اختيار متعب واللي سحر الكل وكيف مفصل عليها ومصمم لأجلها
نجد : هلا والله هلا بالزين
نوف: فديت جمالك يا قلبي
الغلا : ياعمري انتوا
ليان : عمريييي غللووووي فديت جمالك
الغلا : حبيبتي ليووون انتي الجمال كله
شهد تناظر فـ الغلا بحقد : ماشاءالله ذا الفستان اللي بكيتي عليه ؟؟!!!
نجد ردت بسرعه عليها : لا والله حبيبي اخوي مارضى بنت عمه تنزل دموعها ..
شهد انصدمت وانقهرت
الغلا ضحكت: ايوه الله يكثر خيره متعب ماقصر والله
شهد بينت عليها ملامح الغيره والصدمه
والغلا ابتسمت لـ نجد و نجد ضحكت
نوف : طيب يلا خلونا نبدأ فعاليات ..
ليان : نبي نرقص ..
ضحكت نجد : فكره حلوه يلا ... غلللوي
الغلا : نعم
نجد : جبتي سماعاتك ؟؟
الغلا : ايوه بس بغرفتك بروح اجيبها وبجي
نجد : طيييب بس لاتبطين علينا
الغلا : طيب
ليان : عجل شرايك نسوي شي نشربه ؟؟؟
نوف : فكره على ماتوصل القهوه والحلا..
ليان : عاد انا شاطره بالكرك والشاي بالنعناع تبون ؟؟
نجد : ايه تكفين !! احتاج كرك صراحه انا مب راعيه قهوه كثير ..
ليان ضحكت : طيب عجل بقوم اسوي وبجي لكم
شهد : اففف بنات تكفون وش جوكم نبي تركش كوفي
نوف : انتي اللي وش جوك تبين انزلي سوي لنفسك
شهد : خلاص مابي
ليان : طيب انا بروح
نزلت ليان المطبخ عشان تسوي الكرك للبنات
في غرفة نجد دخلت الغلا متوجها للسرير عشان تاخذ السماعه حقها من شنطتها لفت للمرايه تناظر بوجهها : افف احس شفايفي جافه !!
وين قلوسي؟؟؟!!!
خذت القلوس حقها من شنطتها وتوجهت مره ثانية للمرايه وبدات تحط القلوس على شفايفها
" عند الشباب في المجلس الخارجي
محمد : شباب وش العلم ترا جوووع!!
فارس : طلبت انا اكل الحين يوصل
محمد : طيب والشاهي ؟؟؟
متعب : تبي انت قم المطبخ وسو لك
فارس ضحك: سو لي معك
محمد : طيب بقوم امري لله !!!
فيصل : سعود قم جيب لي شاحن جوالي طافي
متعب : خلاص انا قايم اجيب لك الشاحن حتى انا جوالي بيطفي ..
سعود : فكيتني ياخوي
ضحك متعب وقام طلع ودخل داخل وركب الدرج متوجه لـ غرفته وفجأة سمع صوت اغاني وكان قريب من غرفته قرب اكثر ولقى باب غرفة اخته نجد اللي جنب غرفته بابها مفتوح وانصدم اكثر لمًا لقى الغلا واقفه قدامه ورابطه الشال على خصرها النحيل اللي كان يتمايل مع كلامات الاغنيه

‎لو كان ده نسيني مين هينسيني
‎شوقي لقلبه الغدار
‎طب ليه يبكيني ويقولي إنسيني
‎يرميني في وسط النار
‎مين قال راح أسيبه أنا لازم أجيبه
‎عاشق مشتاق محتار

فتح متعب عينه مب مصدق المنظر اللي قدامه : يويلي ذا صدددق!!!؟؟؟
الغلا مستمره تمايل خصرها النحيل مع كلمات ولحن الاغنيه وشعرها الحرير الطويل اللي كان يتحرك مع حركة خصرها ومتعب واقف مفهي من قوة جمالها واناقتها والفستان اللي شراه لها
متعب بدون لا يحس على نفسه نطق اسمها : غلا
الغلا دارت عليه وناظرت ولقت متعب واقف يناظرها ويتاملها وانصدمت
الغلا بصدمه : متتتعبببب !!!
متعب واقف بدون لا ينطق وهو يناظرها وعينه فـ عيونه.
الغلا : صصصدددد !!!! لا تشوف !!
دار متعب وجههه : انا اسف والله اسف ااا كنت بروح غرفتي بس ..
الغلا : طيب طيب خلاص انا بروح خذت الغلا السماعات وركضت بسرعه لـ للبنات تحت
ضحك متعب اللي كان منبهر من جمالها واناقتها: اهههخ يالغلا دوختيني والله!!!
انتي حرام تصيرين لحد غيري ..!!!!
الغلا ركضت ودخلت للبنات
نوف : بسم الله عليك وش صاير ؟؟؟
نجد : وش فيك ؟؟
الغلا : لا لا مافي شي بس شفت صرصور !!
ضحكت شهد : دلوووعه
الغلا : مايضحك!!
نجد : طيب ليه تاخرتي يلا ..
الغلا : مدري ضيعت القلوس حقي خذو
نوف : يلا يلا خلونا نهز ..
ضحكت الغلا : ياحبكم للهز!!
نجد : افا عليك نعجبك !!

انتهى البارت الرابع ادري انه قصير شوي لكن اوعدكم يعوضك بعدين ان شاء الله ادعموني بنجمة وكومنت عشان اتحفز اكملكم 🤍.

‹ وش توقعاتكم البارتات الجايه ؟؟ ان شاء الله البارتات الجاية اطول وافضل احبكم بنوتات🤍🤍🤍›