《 البارت التاسع 》
‹ لايك لطفًا 💙›
" في المجلس عند متعب واصحابه
حمد : اكرمك الله يابو محمد والله ماقصرت
متعب : بالعافيه يا يابوتركي
عزام : اكرمك الله صدق احس بنفجر
ضحك متعب : بالعافيه يابو فيصل
عزام : انا ماشي خلاص احس بنام الحين عليكم
حمد وراه: ايه والله انا بعد بقوم يلا متعب شوف لنا طريق
متعب : محمد بيجي طيب ؟؟
عزام : تاخر وانا بروح انام
حمد : والله حتى وانا
متعب : كيفك يلا حياكم
مشى معهم متعب لبره وخرجوا من البيت يوصلهم لسياراتهم وبذا الوقت محمد توه واصل ومعه نجد والغلا متعب وهو يسلم على عزام : مع السلامه
حمد : يلا مع السلامه
نزل محمد من سيارته وصادف حمد وعزام نزل من سيارته ونجد والغلا باقين بالسياره
الغلا : وش فيه مستعجل؟؟!!
نجد ضحكت: مدري !!
متعب : جا محمد
محمد وهو يركض لهم : الله حيه عالشباب !! لكم وحشه
نزلوا من سياراتهم عزام وحمد وحضنوا محمد وسلموا عليه
حمد : والله لك وحشه يابوعقاب
عزام : ايه والله لك وحشه
محمد : الشغل ماخذني ذي الايام ذي الحمدلله الحين اجازه خلونا نرجع نشوفكم
عزام : اكيد
حمد : خلاص ابشر
متعب : الا ليش تاخرت ؟؟
محمد اشر للسياره : حريمنا ابلشوني !!
متعب ناظر بالسياره ولقى الغلا ونجد فاتحين الباب خارجين من السياره ابتسم متعب اول ما شافها قدامه وقدام عيونه ضحكت عيونه وقال بداخله : الله حيه ياعيون متعب انتي ! وحشتني !
محمد ينادي : متعب متعب
متعب : هلا ؟؟؟
محمد ضحك : وش ما بتدخلني ؟؟ الشباب مشوا .
متعب ابتسم: اكيد يلا ادخل حياك ..
محمد ابتسم وناظر لـ سيارته : الغلا يلا وش تسوين ؟؟
الغلا ناظرت بمحمد وما انتبهت لـ متعب : حمود تعال ضيعت شاحني !!
ضحك محمد : ابلشتينا !! طيب طيب جايك
متعب تقدم مع محمد
محمد : وينه
نزل راسه يدوره فتح الفلاش لـ جواله بحكم انه ظلام وليل ..
الغلا وهي منزله راسها بشكل بسيط : شششفته؟؟
محمد : ايه دقيقه
نجد : غلوووي خلاص خلنا ندخل
الغلا : مابي باخذ شاحني !!
ضحك محمد ورفع راسه بيده الشاحن : مسكي لا تبكين !!
الغلا وهي تقلده : مايضحك !!
ضحكت نجد: يلا غلوووي ندخل
الغلا : طيب يلا لفت وجهها بتدخل بيت عمها عبدالله وتفاجأت بوجود متعب واقف ورا محمد ويناظرها ناظرت بعيونه لثواني ما تبي تضعف قدامه ودخلت على طول متعب حس بزعلها منه اخر موقف بينهم وبداخله : للحين زعلانه !! انا لازم اعتذر لها
قاطع تفكيره كلام محمد : يابو محمد وش العلم متى بندخل ؟؟
متعب ضحك على ملامح محمد : طيب يلا يا بو عقاب حياك البيت بيتك ..
محمد : يحييك يابومحمد ..
دخلوا متعب ومحمد المجلس
متعب : اصب لك قهوه او شاي ؟؟
محمد : لا بس مابي مشكور كليت عند فارس لين ما قلت بس !!
متعب وهو بيجلس : الا وش يبي فيك فارس ؟؟
محمد : عازمني وكلمني بموضوع والحقيقه انه صدمني !!
متعب اخذ حب شمسي وبدا ياكله : وش قال
محمد مد يده ياخد له حب من يد متعب : يقول بيخطب
متعب اخذ قارورة المويه يشرب : يخطب !!؟
محمد : ايه ويبي اختي الغلا
طرش متعب المويه بصدمه : وووش؟؟؟
محمد ضحك : وش فيك بسم الله عليك
متعب بدا يكح بقوه
متعب : ها لا مافي شي بس تفاجأت انه بيخطب !!
محمد : وانا بعد والله وما توقعت يبي اختي !! غريييب يقول انه حبها ويبيها وانها دخلت قلبه !
متعب بحده : وانت وافقت ؟؟" كان يقصد بكلامه هل الغلا وافقت "؟
محمد : وانا وش دخلني اختي هي اللي توافق بس تبي الصدق مدري يعني فارس رجال وشخصيه ومال وحلال وزينه بس مااحس انه الغلا بتوافق !!
متعب بفضول : ليييه؟؟
محمد : لان سمعتها تقول لابوي انها بعد شهر بتسافر الرياض عشان تكمل دراستها بعد ما قدمت عالجامعه
متعب بصدمه جديده : كذاب ؟؟
محمد : والله وانا صادق وهي قالت لي بعد الله يوفقها يارب
متعب انصدم من الاخبار اللي سمعها اللي فعلا صدمته ..
متعب : طيب انت تعشيت ؟؟
محمد : اي اكلني فارس الحمدلله وانت ؟؟
متعب : انا تعشيت مع الشباب
محمد : عوافي يابومحمد
متعب ابتسم وهو باله مب معه : يعافيك
" في جزيرة من جزر تايلند
في الفندق اللي موجودين فيه نوف وفيصل
نوف وهي داخل الحمام وفيصل منسدح عالسرير : نوووف حبيبتي يلا اطلعي طولتي !!
نوف وهي تلبس : طيب حبيبي جايه بلبس ملابسي انتظر
فيصل قال بخبث : وليش الملابس ؟؟
نوف م ردت عليه
قام من السرير وتوجه للحمام ولحسن حظه نوف ما قفلت الباب دخل عليها بهدوء : ماشاءالله مب كأنك تاخرتي علي كثير
نوف بتوتر : فيصل اخرج
قرب منها زياده وتقدم بخطواته لها
نوف : خلاص يافيصل اطلع خلني البس
فيصل ابتسم ومسك يدها وقربها ناحيته اكثر وهو يشم ريحتها : خلينا نستمتع بوقتنا لحالنا لان لما نرجع الكل بياخذونك مني !
نوف ضحكت: نعم ؟ كيف ان شاء الله بياخذوني
فيصل بهمس : طول الوقت معهم وانا بتنسيني !
نوف قربت منه وهمست له : ومين قالك اني بنساك!
ضحك فيصل : طيب نشوف !
نوف : طيب يلا اطلع
فيصل : وش اطلع تراني شفت كل شي امس !
نوف شهقت وناظرته بحده : خلاص فيصل اطلع وانا لاحقتك
مارد عليها وحاوط خصرها زياده وشدها ناحيته وقرب وباسها بخدها
ابتسمت من بوسته ونزلت راسها لـ صدره وحضنته وبادلها الحضن ..
"وعند الغلا ونجد وهم جالسين ياكلون العشا اللي شراه لهم محمد بالطريق
نجد : غلووووي
الغلا : هلا ؟؟
نجد : للحين على رايك ؟؟
الغلا ناظرتها وهي فاهمه قصدها نزلت راسها اكمل تاكل : ايه
نجد بيأس : طيب
كملوا اكل دق جوال الغلا وكان المتصل " محمد 💙"
الغلا : محمد ؟؟
ردت بـ : هلا محمد ؟؟
محمد : هلا غلا تعالي ابيك بغرفة متعب
الغلا : بغرفة متعب ؟؟؟
محمد : ايه تعالي مافي الا انا
الغلا : طيب جايه
سكرت جوالها وناظرت بـ نجد : يبيني اروح له غرفة متعب !!
نجد ابتسمت : شكله اخوي سواها !!
الغلا بخوف : لا تكفين !! طيب بقوم اشوف وراجعه
خرجت من غرفه نجد متوجه لـ غرفة متعب اللي جنب غرفة نجد دخلت الغلا بتوتر : هلا محمد ؟؟
محمد : تعالي ابيك بموضوع ضروري
الغلا : طيب
سكرت الباب وراها وجلست عالسرير جنب محمد
محمد : وش فيك ؟؟ متوتره ترا ماراح اكلك هدي مافي شي !!
الغلا : خوفتني اخلص وش تبي ؟؟؟؟!!!
محمد ابتسم : فيه واحد اليوم خطبك
الغلا بصراخ : ننننعممممم؟؟؟؟
محمد : طيب لا تصارخين انتظري
الغلا جا على بالها متعب على طول : مابي مب موافقه !!!
محمد : طيب انتي تدرين من ؟؟؟
الغلا : ميييين ؟؟؟؟
محمد : فارس ولد عمي احمد ..
الغلا بصدمه : نعم !!فارس !!!
محمد : ايه فارس ولد عمي احمد ها وش قلتي ؟؟؟
الغلا : محمد من جدك تسالني !! وهنا بعد !! بعدين انت تدري اني مابي اتزوج الحين انا بروح اكمل دراستي ومب فاضيه لـ زواج وهموم فاهم ؟؟
محمد : طيب انتي فكري . هو ماكلم ابوي لكن بكره احتمال ابوي يكلمك بهالموضوع قلت اقولك عشان لا تنصرعين !!
الغلا وقفت وهي معصبه : مابي اتزوج ولا ابي فارس ولا ابي غيره فاهم !ولاعاد تكلمني بهالموضوع!
خرجت من الغرفه وهي معصبه ودخلت لـ غرفة نجد وهي على وشك انها تبكي نجد خافت وقامت وقفت لها : بسم الله عليك غلوووي وش فيك ؟؟؟؟
الغلا جلست تبكي : تخيلي مين يبي يخطبني ؟؟؟
نجد : ميييين ؟؟؟؟
الغلا : فاااارس !!
نجد انصدمت وخصوصا انها تحمل مشاعر لـ فارس : كذااابه ؟؟؟
الغلا : والله ..!
نجد : وانتي وافقتي ؟؟؟؟
الغلا : لا طبعا مجنونه انا !!
نجد : طيب هدي حبيبتي
حضنتها نجد تحاول تهديها ..
الغلا : ظنيت انه هو اللي بيخطبني لكن للاسف !!
نجد : متعب ؟؟
الغلا : وفيه غيره !!
نجد : توك ماتبينه !!
الغلا : لو خطبني كنت عرفت انه فعلا يحبني لكن غيره سبقاه !!
نجد انصدمت : يعني بتوافقي !!!؟؟؟
الغلا سكتتت وماردت وظلت تبكي بحضن نجد
" وعند متعب بالمجلس وهو جالس عالكنب ويده على شنبه يفكر بـ الغلا وش راح يسوي
دخل محمد عليه : يالعشير ماراح تنام ؟.
متعب : لا مب الحين
محمد : ولا انا جايني النوم !!.
متعب : ليه وش صار ؟؟
محمد : كلمتها وعصبت وقالت انا مابي فارس ولا ابي غيره
فهم متعب انها زعلانه وحتى هو ماتبيه بس بنفس الوقت فرح انها مب موافقه على فارس
متعب : طيب ياخوي الدنيا نصيب عادي
محمد : ايه والله ياخوي بس انا قلت اكلمها لان فارس كلمني بالموضوع وقبل لا ابوي يكلمها وتنصدم
متعب : طيب يلا قوم خلنا نحط راسنا وننام وبكره يحلها الف حلّال ..
محمد : طيب يلا
راحوا متعب ومحمد ينامون بغرفة متعب ..
اليوم اللي بعده "
" في بيت الجد محمد
في المجلس سعود نايم وميت من التعب بعد وارجع من دوامه وهو دايم ينام هناك عشانه يحس بالامان والراحه اكثر من بيتهم والجد محمد دوم متعود يشوف سعود حوله ..
الجد محمد دخل المجلس على سعود وحس انه الوقت المناسب انه يكلمه بالموضوع
فتح الانوار وجلس بجنب سعود
الجد محمد : سعود ياسعود قم قم ياسعود
سعود فتح عيونه بهدوء : هلا جدي بغيت شي ؟؟
الجد محمد : ايه ابيك يلا قم نفطر رايك بموضوع
سعود : خاطر ياجد الحين اقوم بس انا اسبقني اخيب والحقك
الجد محمد: طيب يلا انتظرك
قام الجد محمد وخرج الصاله وسعود غسل وجهه وراح لجده دخل الصاله ولقى جده جالس ينتظره
سعود وهو بيجلس : هلا جدي وش بغيت سم ؟؟.
الجد محمد: هلا فيك ياسعود .. شف خلني اتكلم واسمعني وبعدها قول اللي عندك ..
سعود باستغراب: طيب ياجد اسمعك ..
الجد محمد: شف يا سعود انا قررت اني ازوجك ..
سعود بصدمه : تزوجني !!
الجد محمد: ايه .. وابيك تختار اي وحده من بنات عمامك وانا اروح اخطبها لك ..
سعود انصدم وهو ساكت ما نطق
الجد محمد: انت عزيز وغالي يا سعود وانا ابي لك الخير .. ما راح ارتاح الا لما اشوف عيالك بعد عمر طويل والزمن يركض وانا جدك ..
سعود : الله يطول بعمرك ياجد
الجد محمد : ها وش قلت ؟؟؟.
سعود : مالي شور بعد شورك علي يا جد اللي اشوفه
الجد محمد: مين تبغى اخطب لك قولي ؟؟؟.
سعود : والله مدري ياجد انا بنات عمامي علاقتي معهم سطحيه ومالي باحد ..
الجد محمد: شرايك بشهد ؟؟؟
سعود انصدم وخصوصا انه شافها بغرفته وهو يعرف انها شهد : مدري ياجد كيفك ..
الجد محمد: خلاص انا اليوم بروح اكلم عمك احمد والله يكتب اللي فيه الخير ..
سعود نزل راسه يفكر : امين
" وعند الغلا ونجد
في غرفة نجد كانوا جالسين يكلمون نوف فيس كام
نجد : ها وش العلوم " وهي تغمز لها "
ضحكت الغلا : صح شخبار فيصل ؟؟
نوف : بخير حبيبتي انتي فيصل نزل يجيب لنا اكل من تحت وانا انتظره
نجد : طيب متى ناوين ترجعون
ضربتها الغلا على يدها : بس يابنت خليهم توهم عرسان خليهم يستمتعون ماعليك منها ذي المجنونه ..
نجد : طيب ماقلنا شي !!. الا كيف تايلند حلوه ؟؟؟.
نوف : تبين الصدق تهبل والطبيعه فيها تاخذ العقل والله ماودي ارجع لكم بس وش اسوي يومين وحنا راجعين عشان دوام فيصل .
نجد والغلا ضحكوا
نجد : حلو خلاص لما ترجعين ان شاء الله يبيلنا نتجمع
الغلا : ايه والله صدق يبيلنا وحشتينا ..!
نوف ضحكت: ياعمري والله غلووووي انتوا بعد وحشتوني ..
صوت فيصل يناديها : حبيبتي يلا تعالي
ضحكوا الغلا نجد
الغلا : روحي لاخوي قبل يموت
نجد : صح روحي له
نوف ضحكت: بسم الله عليه .. طيب طيب يلا باي
ودعوها الغلا ونجد وسكروا
نجد : ياحظها وربي فعاليات مب نفس عندنا هنا مافي فعاليات
الغلا ضحكت: الحياة حلوة بس نعيشها صح .
نجد : طيب طيب لا تتفلسفين علي يلا قومي ننزل تحت نسوي لنا اكل لاني جوعانه حدي .!
ضحكت الغلا لا لا مابي انتي روحي وانا بظل هنا جالسه عالجوال
نجد : طيب بكيفك ..!
راحت نجد والغلا جالسه على جوالها ومتعب كان خارج من غرفته وشاف نجد نازله تحت انتبه انه الغلا جالسه لما سمع صوت جوال داخل
متعب شجع قلبه ونفسه وتقدم يدي الباب
متعب ناداها بهدوء : الغلا ..
غلا انصدمت وقفت ورا الباب : متتتعب ؟؟.
متعب بداخله : لبى ذا الصوت ياعيون متعب غمض عيونه وقال : انا بقول هالكلمتين وبمشي
توترت الغلا زياده
متعب : انا يابنت عمي عمري فحياتي ماحبيتت ولا ملكت بنت قلبي غيرك وانا ابيك بالحلال وتاكدي اني ماحبيت ولا راح احب غيرك حتى لو انك باخر العالم بجيك انا عندي مهمه بعد اسبوع وراح تكون مدتها شهر ونص واحتمال اكثر فـ يا انك تختارين البعد عني او انك تختارين وصلي يا الغلا ..
دمعت عيون الغلا خلف الباب وقالت بصوت مهزوز : يبقى غرامك داخل الروح مبناه يالله عسى مع الزمن تتكتب لي .
غمض متعب عيونه وهو يائِس : استودعتك الله يالغلا والله يوفقك بدراستك
الغلا : ودي أسولف واكسر الصمت وأقول
ابي وصالك بس كيف الطريقه ؟ .
أنت تقرأ
يقولون العرب .. ان الغرام اعمى
Romantizmماذا لو مِتعب اللي ماخذ اوصَاف جدّه محمد واللي الكل يهَاب منه والغلا بنت عمّـه عـقَاب اللي يحبون بعض وتبدا الحكاية من هـُنا .
